سەنبى كۇنى كەشكىسىن الماتى قالاسى تۇبىندەگى بورالداي اۋىلىندا ءتورت ساعاتقا جۋىق بولعان اتىس كەزىندە جەتى ادام قازا تاپتى. قۇقىق قورعاۋ ورگاندارى قىزمەتكەرلەرىنە قارۋلى قارسىلىق كورسەتكەن بەس ادامنان تۇراتىن تەررورلىق توپتىڭ كوزى جويىلدى. ارنايى وپەراتسيا بارىسىندا ۇلتتىق قاۋىپسىزدىك كوميتەتىنە قاراستى «ارىستان» جاساعىنىڭ ەكى جاۋىنگەرى مەرت بولدى.

جەلتوقساننىڭ 3-ءى كۇنى جەدەل-ىزدەستىرۋ وپەراتسياسى بارىسىندا 1977 جىلى تۋعان اعجان حاسەن دەگەن باسشىلىق جاسايتىن قىلمىستىق توپتىڭ بورالداي اۋىلىندا جۇرگەنى انىقتالدى. ونىڭ باسشىسىنا بۇدان بۇرىن لاڭكەستىك ارەكەتتەر جاساپ، تەرروريستىك توپتى قۇرعانى ءۇشىن قىلمىستىق كودەكستىڭ 233-2-بابىمەن قىلمىستىق ءىس قوزعالىپ، 28-قازاننان بەرى ىزدەۋ سالىنعان. قىلمىسكەرلەر بورالداي اۋىلىنداعى شپاك كوشەسى №43-ءۇيدى جالداپ تۇرىپ جاتقاندارى بەلگىلى بولدى. وپەراتسيا باستالماس بۇرىن الماتى مەن الماتى وبلىسى بويىنشا ۇلتتىق قاۋىپسىزدىك دەپارتامەنتىنىڭ جانە ىشكى ىستەر ورگاندارىنىڭ ارنايى جاساقتارى ءۇيدى قورشاۋعا الىپ، ماڭايداعى تۇرعىنداردى قاۋىپسىز جەرگە شىعارعان.

سەنبى كۇنى كەشكىسىن الماتى قالاسى تۇبىندەگى بورالداي اۋىلىندا ءتورت ساعاتقا جۋىق بولعان اتىس كەزىندە جەتى ادام قازا تاپتى. قۇقىق قورعاۋ ورگاندارى قىزمەتكەرلەرىنە قارۋلى قارسىلىق كورسەتكەن بەس ادامنان تۇراتىن تەررورلىق توپتىڭ كوزى جويىلدى. ارنايى وپەراتسيا بارىسىندا ۇلتتىق قاۋىپسىزدىك كوميتەتىنە قاراستى «ارىستان» جاساعىنىڭ ەكى جاۋىنگەرى مەرت بولدى.

جەلتوقساننىڭ 3-ءى كۇنى جەدەل-ىزدەستىرۋ وپەراتسياسى بارىسىندا 1977 جىلى تۋعان اعجان حاسەن دەگەن باسشىلىق جاسايتىن قىلمىستىق توپتىڭ بورالداي اۋىلىندا جۇرگەنى انىقتالدى. ونىڭ باسشىسىنا بۇدان بۇرىن لاڭكەستىك ارەكەتتەر جاساپ، تەرروريستىك توپتى قۇرعانى ءۇشىن قىلمىستىق كودەكستىڭ 233-2-بابىمەن قىلمىستىق ءىس قوزعالىپ، 28-قازاننان بەرى ىزدەۋ سالىنعان. قىلمىسكەرلەر بورالداي اۋىلىنداعى شپاك كوشەسى №43-ءۇيدى جالداپ تۇرىپ جاتقاندارى بەلگىلى بولدى. وپەراتسيا باستالماس بۇرىن الماتى مەن الماتى وبلىسى بويىنشا ۇلتتىق قاۋىپسىزدىك دەپارتامەنتىنىڭ جانە ىشكى ىستەر ورگاندارىنىڭ ارنايى جاساقتارى ءۇيدى قورشاۋعا الىپ، ماڭايداعى تۇرعىنداردى قاۋىپسىز جەرگە شىعارعان.

«بورالدايداعى ۇيلەردىڭ بىرىنە بەكىنىپ العان قىلمىسكەرلەر پوليتسياعا قارۋلى قارسىلىق كورسەتتى. ءوز ەركىمەن بەرىلۋدەن باس تارتقان سوڭ الماتى مەن الماتى وبلىسى بويىنشا ۇلتتىق قاۋىپسىزدىك دەپارتامەنتىنىڭ جانە ىشكى ىستەر ورگاندارىنىڭ ارنايى جاساقتارى ولاردىڭ كوزىن جويدى. ارنايى وپەراتسيا بارىسىندا «ارىستان» جاساعىنىڭ ەكى قىزمەتكەرى مەرت بولدى. ءۇش-ءتورت ساعاتقا جالعاسقان ارنايى وپەراتسيا تۇنگى ساعات 23:50-دە اياقتالدى. قىلمىسكەرلەر جاسىرىنعان ۇيدەن ەكى رگد-5 گراناتاسى، ەكى «كالاشنيكوۆ» اۆتوماتى مەن «ماكاروۆ» تاپانشاسى تابىلدى. قازىر وسى قىلمىستىق توپ مۇشەلەرىنىڭ ءدىني اعىمدارعا قاتىسى بار-جوعى تەكسەرىلىپ جاتىر» دەپ مالىمدەدى باس پروكۋراتۋرانىڭ رەسمي وكىلى نۇرداۋلەت سۇيىندىكوۆ.

وقيعا بولعان جەردە ءارتۇرلى ساراپتامالار جۇرگىزىلىپ، لاڭكەستەردىڭ كىم ەكەندەرى جانە ولاردىڭ باسقا دا قىلمىستارعا قاتىسى بار ەكەندىگى انىقتالعان. «ميتسۋبيسي دەليكا» اۆتوكولىگىنە مىنگەن قىلمىستىق توپتىڭ مۇشەلەرى 8 قاراشا كۇنى الماتى قالاسىنداعى رايىمبەك پەن مومىشۇلى كوشەلەرىنىڭ قيىلىسىندا، كەشكى ساعات سەگىزدەردە «بوران» پاترۋلدىك ەكيپاجىنىڭ مۇشەلەرى ماقسات دابىلوۆ جانە عالىمجان ءابدىروۆ دەگەن پوليتسيا قىزمەتكەرىن ءولتىرىپ كەتكەن. جويىلعان لاڭكەستەردىڭ ۇيىنەن تابىلعان قارۋ-جاراقتارىن تەكسەرۋ بارىسىندا اتالعان پوليتسەيلەر وسىلاردىڭ تاپانشالارىمەن اتىپ ولتىرىلگەندىگى انىقتالدى. وسى قارۋلاردى قولدانۋ ارقىلى بۇدان بىرنەشە اي بۇرىن تالعار اۋدانىندا دا اسا اۋىر قىلمىس جاسالعان. بۇلار جاقىن كۇندەرى تاعى دا كۇش كورسەتۋ اكتسياسىن جاساۋدى جوسپارلاپ وتىرعان كورىنەدى. الماتى قالالىق ىشكى ىستەر دەپارتامەنتىنىڭ باسقارما باستىعى، پوليتسيا مايورى سالتانات ازىربەكتىڭ ايتۋىنشا، جويىلعان قىلمىستىق توپتىڭ الماتى قالاسىندا جانە وبلىس اۋماعىندا جاسالعان بىرنەشە اۋىر قىلمىستارعا قاتىسى بار.

باس پروكۋراتۋرانىڭ رەسمي وكىلى نۇرداۋلەت سۇيىندىكوۆتىڭ مالىمدەۋىنشە، حالىققا قاۋىپ ءتونىپ تۇرعان جوق. قۇقىق قورعاۋ ورگاندارى جاعدايدى باقىلاۋدا ۇستاپ وتىر، سوندىقتان الاڭداۋعا ەشقانداي نەگىز جوق. تەرگەۋ-تەكسەرۋ ءجۇرىپ جاتىر جانە وسى توپتىڭ وزگە مۇشەلەرى انىقتالۋدا.

ن.سۇيىندىكوۆ «تەررورشىلار بىرنەشە ادامدى كەپىلدىككە الدى» دەگەن حاباردى جوققا شىعاردى.

قازىر اتالعان فاكتى بويىنشا قاساقانا كىسى ءولتىرۋ (96-باپ), زاڭسىز قارۋ ۇستاۋ، ساقتاۋ (251-باپ), بانديتيزم (237-باپ) بويىنشا قىلمىستىق كودەكستىڭ بىرنەشە باپتارى بويىنشا قىلمىستىق ءىس قوزعالدى. قازىر الماتى مەن الماتى وبلىسىنىڭ قۇقىق قورعاۋ ورگاندارى كۇشەيتىلگەن تارتىپتە جۇمىس ىستەپ جاتىر.

«ايقىن» گازەتى