ەلوردا اكىمدىگى «جاستار» سارايىنا قاراما-قارسى جاڭا اربات پايدا بولاتىنىن مالىمدەدى. بۇل تۋرالى قالا اكىمدىگىنىڭ سايتىندا جاريالانعان.

ج.وماروۆ جاڭا جاياۋ جۇرگىنشىلەر كوشەسىندە 2 سۋبۇرقاق سالۋ جوسپارلانعان.

بۇگىنگى تاڭدا ج.وماروۆ كوشەسى رەسپۋبليكا داڭعىلىنان ق. قۋانىشباەۆ اتىنداعى قازاق مۋزىكالىق-دراما تەاترىنا دەيىن اباتتاندىرىلۋدا. ءبىرىنشى كەزەڭ – اۋەزوۆ كوشەسىنە دەيىنگى ايماق بيىل اياقتالادى. بەيبىتشىلىك كوشەسىنە دەيىنگى بولىكتى كەلەسى جىلى اياقتاۋ جوسپارلانۋدا.

جوبا بويىنشا رەسپۋبليكا داڭعىلىنان اۋەزوۆ كوشەسىنە دەيىن سۋبۇرقاقتى قايتا قۇرۋ قاراستىرىلعان.

جاڭا سۋبۇرقاق كەشەنى «حالىقتار دوستىعى» مونۋمەنتىنىڭ اينالاسىندا سالىنادى. ودان سۋبۇرقاقپەن اياقتالاتىن جاساندى اعىن پايدا بولادى. اعىننىڭ بويىندا سۋ اتتراكتسيوندارىن سالۋ جوسپارلانۋدا.

تاعى ءبىر سۋبۇرقاق قۋانىشباەۆ اتىنداعى قازاق مۋزىكالىق-دراما تەاترىنىڭ جانىندا پايدا بولادى.

بۇل اۋماقتا شاعىن ساۋلەت نىساندارى، ينستاللياتسيالار، ۆەلوجول، كولەڭكەلى شاتىرلار قويلادى. ساۋدا پاۆيلوندارىن، ويىن ايماقتارى مەن بالالار الاڭدارىن سالۋ قاراستىرىلعان.

بۇل جۇمىس «نۇر-سۇلتان – جايلى قالا» جوسپارى شەڭبەرىندە جاسالۋدا. ول جاياۋ جۇرگىنشىلەرگە جاعداي جاساۋ، كوپ ورتالىقتىلىققا باعىتتالعان تاسىلدەردى ەنگىزۋ، جاسىل جەلەكتەر مەن ۆەلوجولدار سانىن ۇلعايتۋ، كوپىرلەر، قوعامدىق كەڭىستىكتەر سالۋدى قاراستىرادى.

Abai.kz