بەيسەنبى, 1 قازان 2020
COVID-19 قازاقستاندا. جۇقتىرعاندار — 107908. جازىلعاندار — 102874. قايتىس بولعاندار — 1725
1260 20 پىكىر 7 تامىز, 2020 ساعات 15:31

ليۆاندىقتار فرانتسيانىڭ باقىلاۋىنا ءوتۋ تۋرالى پەتيتسيانى باستادى

ليۆان حالقى فرانتسۋز مانداتىنا كوشۋ تۋرالى پەتيتسيانى باستادى. بۇل تۋرالى Reuters اقپاراتتىق اگەنتتىگى حابارلاعان. 

اگەنتتىكتىڭ مالىمەتىنشە، ەلدەگى ساياسي جانە ەكونوميكالىق داعدارىستاردان شارشاعان ليۆان تۇرعىندارى 1920 جىلدان 1946 جىلعا دەيىن بولعان فرانتسۋز مانداتىنا كوشۋ تۋرالى پەتيتسيا جولداعان. قازىرگى ۋاقىتتا پەتيتسياعا 55 مىڭنان استام قول قويىپتى. پەتيتسيا فرانتسيا پرەزيدەنتىنىڭ ليۆانعا رەسمي ساپارى قارساڭىندا دايىندالعان.

ەممانۋەل ماكرون جارىلىستان كەيىن ەكى كۇن وتكەندە بەيرۋتقا ۇشىپ باردى. پورتتا بولعان جويقىن جارىلىس 140-تان استام ادامنىڭ ءومىرىن قيدى. جارىلىس سالدارىنان 5000-نان استام ادام جاراقات الىپ، قالاعا 5 ميلليارد دوللار شىعىن كەلگەن.

جارىلىس بولعان جەرگە بارعاننان كەيىن ماكروندى جەرگىلىكتى تۇرعىندار توقتاتىپ، اقشانى جانە گۋمانيتارلىق كومەكتى ادال تاراتۋدى تالاپ ەتتى.

ماكرون كومەكتىڭ ءادىل ءبولىنۋىن باقىلاۋعا، سونداي-اق ەلدەگى ساياسي كەلىسپەۋشىلىكتەردىڭ شەشىلۋىنە ىقپال ەتۋگە ۋادە بەردى.

«مەن بارلىق ساياسي كۇشتەرمەن كەزدەسىپ، ولاردان ءوزارا كەلىسىمگە كەلۋلەرىن سۇرايمىن. مەن بۇگىن ولارعا جاڭا ساياسي پاكتى ۇسىنۋ ءۇشىن كەلدىم»، - دەدى ول بەيرۋت تۇرعىندارىمەن كەزدەسۋىندە.

ەسكە سالساق، ليۆان استاناسى بەيرۋت قالاسىنداعى پورتتا 4 تامىز كۇنى كەشتە قاتتى جارىلىس بولدى. بيلىك وكىلدەرىنىڭ ايتۋىنشا، بۇعان سەبەپ 2750 توننا اممياك سەليتراسىن دۇرىس ساقتاماۋ. جارىلىس سالدارىنان قالا عيماراتتارىنىڭ جارتىسى زاقىمدالعان، زارداپ شەككەندەردىڭ كوپ بولۋىنا بايلانىستى اۋرۋحانالاردا ورىن جوق ەكەنى ايتىلعان.

Abai.kz

20 پىكىر