قاسىم-جومارت توقاەۆ قازاقستان حالقىنىڭ جانە جەكە ءوزىنىڭ اتىنان الەكساندر لۋكاشەنكونى بەلارۋس پرەزيدەنتى بولىپ قايتا سايلانۋىمەن قۇتتىقتاپ، جەدەلحات جولدادى. بۇل تۋرالى اقوردا سايتى مالىمدەدى.

"ساياسي جاعدايدىڭ كۇردەلى بولعانىنا قاراماستان سايلاۋدىڭ قورىتىندىسى حالىق ءسىزدىڭ بەلارۋس مەملەكەتىنىڭ ەگەمەندىگى مەن تاۋەلسىزدىگىن نىعايتۋعا نەگىزدەلگەن ستراتەگيالىق باعىتىڭىزدى قولدايتىنىن كورسەتتى", – دەلىنگەن جەدەلحاتتا.

پرەزيدەنت ەكى ەل حالقىنىڭ يگىلىگى ءۇشىن قازاقستان مەن بەلارۋس اراسىنداعى ءوزارا ءتيىمدى ىنتىماقتاستىق الداعى ۋاقىتتا دا تابىستى دامي بەرەدى دەپ سەنەتىنىن جەتكىزدى.

مەملەكەت باسشىسى قاسىم-جومارت توقاەۆ الەكساندر لۋكاشەنكوعا بەلارۋس رەسپۋبليكاسىنىڭ پرەزيدەنتى رەتىندە ويعا العان بارلىق جوسپارىن تولىق جۇزەگە اسىرۋدى، ال بەلارۋس حالقىنا بەيبىتشىلىك، ءوزارا تۇسىنىستىك پەن ءوسىپ-وركەندەۋ تىلەدى.

ايتا كەتەيىك، بەلارۋس ورتالىق ساۋلاۋ كوميسسياسى پرەزيدەنت سايلاۋىنىڭ العاشقى ناتيجەلەرىن شىعاردى. الەكساندر لۋكاشەنكو 80,23 پايىز داۋىس جينادى، ونىڭ كانديداتۋراسىن 4 ميلليون 652 مىڭ ادام تاڭداعان.

Abai.kz