جۇما, 29 ناۋرىز 2024
46 - ءسوز 3176 19 پىكىر 13 تامىز, 2020 ساعات 15:49

اكىمدەردى حالىق ءوزى سايلاسىن!

اشىق تالقىلاۋعا ۇسىنامىن! سىزدەردىڭ ۇسىنىس پىكىرلەرىڭدى ەسكەرە وتىرىپ، بيلىككە تالاپ قويامىز.

ءبىرىنشى: شۇعىل تۇردە «سايلاۋ تۋرالى» زاڭدى وزگەرتۋ كەرەك.

زاڭدا سايلاۋشىنىڭ داۋسى ۇرلانبايتىنداي جاعداي بولۋى قاجەت. داۋىستى قارسىلاس جاقتىڭ باقىلاۋشىلارى اشىق ساناۋعا مۇمكىندىك جاسالسىن. سايلاۋدا ادىلدىك بولماسا، حالىقتىڭ داۋسى ۇرلانسا، وندا قوعام دامىمايدى.

ادىلەتسىزدىك بولعان جەردە، حالىقتىڭ تولقۋىنا، تولقۋدىڭ ارتى توڭكەرىسكە، توكەرىستىڭ سوڭى قانتوگىسكە الىپ كەلەدى. بۇل - تاۋەلسىزدىككە قاتەر دەگەن ءسوز!

ەكىنشى، جاڭادان سايلاۋ تۋرالى زاڭى قابىلدانعان كەزدە، اۋىل، اۋدان، قالا، وبلىس اكىمدەرىن جەرگىلىكتى حالىقتىڭ ءوزى سايلاسىن. حالىق رۋعا، ۇلتقا بولىنەدى، حالىق سايلاۋعا دايىن ەمەس، دەۋ ول - حالىقتى قورلاۋ! اكىمدەردى حالىق سايلاسا، اكىمدەر حالىققا قىزمەت ەتەدى، بولماسا ورنىنان كەتەدى. ال، قازىرگى اكىمدەر حالىققا ەمەس، ءوزىن تاعايىنداعاندارعا كوپ جالتاقتايدى.

ءۇشىنشى، قازاقستانعا قوس پالاتالى پارلامەنت كەرەك ەمەس، سەناتتى تاراتۋ قاجەت.

پارلامەنت دەپۋتاتتىعىنا پارتيالىق تىزىممەن، ءارى ءوز-ءوزىن ۇسىنۋ ارقىلى سايلانۋعا جاعداي جاسالسىن. پارتيادا جوق تۇلعالار دا، پارلامەنت دەپۋتاتى بولۋعا قۇقىلى بولسىن. قر ازاماتىن پارتيادا بار، پارتيادا جوق دەپ بولۋگە بولمايدى.

ءتورتىنشى, «حالىق اسسامبلەياسى» تاراسىن!

قازاقستان رەسپۋبليكاسىنىڭ ازاماتتارىن ۇلتىنا قاراي بولۋگە بولمايدى. زاڭ بارىنە بىردەي بولسىن. حالىقتار اسسامبلەياسىنا بولىنگەن ميللياردتار عىلىمعا جۇمسالسىن.

بەسىنشى، مەكتەپ، اۋرۋحانا، ارناۋلى، جوعارعى وقۋ ورىندارىنىڭ باسشىلارىن، وزدەرى قىزمەت ەتەتىن ۇجىمنىڭ مۇشەلەرى سايلاسىن.

جانىبەك قوجىقتىڭ جازباسى

Abai.kz

19 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620