«سق-فارماتسيا» جشس باسقارماسىنىڭ بۇرىنعى باسشىسى بەرىك ءشارىپ تۇتقىندالدى. ەندى ول ەكى اي بويى قاماۋدا بولادى. بۇل تۋرالى نۇر-سۇلتان قالالىق سوتىنىڭ ءباسپاسوز قىزمەتى مالىمدەدى.

بۇل اقپاراتتى قر سىبايلاس جەمقورلىققا قارسى كۇرەس اگەنتتىگىنىڭ وكىلى دانيار بەگايداروۆ تا راستاعان.

«سىبايلاس جەمقورلىققا قارسى قىزمەت توتەنشە جاعداي كەزىندە مەديتسينالىق ماقساتتاعى بۇيىمداردى ساتىپ الۋدا «سق-فارماتسيا» جشس باسقارماسىنىڭ بۇرىنعى توراعاسى ءوز وكىلەتتىگىن اسىرا پايدالانۋ دەرەگى بويىنشا ۇستالىپ، نۇر-سۇلتان پد-ءنىڭ ۋاقىتشا ۇستاۋ يزولياتورىنا قامالدى»، - دەگەن سىباي جەمقورلىققا قارسى اگەنتتىكتىڭ ءباسپاسوز قىزمەتى.

قالالىق سوت ءباسپاسوز قىزمەتىنىڭ حابارلاۋىنشا، بەرىك ءشارىپ ەندى ەكى اي قاماۋدا بولادى.

«نۇر-سۇلتان مامانداندىرىلعان اۋدانارالىق تەرگەۋ سوتى كۇدىكتى بەرىك شارىپكە قاتىستى ەكى اي مەرزىمگە قاماۋعا الۋ تۇرىندە بۇلتارتپاۋ شاراسىن سانكتسيالادى»، - دەلىنگەن حابارلامادا.

بەرىك ءشارىپ «سق-فارماتسيا» جشس باسقارماسىن 2020 جىلدىڭ ءساۋىرى مەن شىلدەسى ارالىعىندا باسقارعان. وعان دەيىن 2018 جىلدان بەرى باسقارما باسشىسىنىڭ ورىنباسارى، باسقارما توراعاسىنىڭ مىندەتىن اتقارۋشى بولعان.

2020 جىلى 10 شىلدەدە مەملەكەت باسشىسى قاسىم-جومارت توقاەۆتىڭ سىنىنان كەيىن قىزمەتىنەن بوساعان.

Abai.kz