استانا. 12 جەلتوقسان. قازتاگ - سوڭعى 7 جىلدا «مادەني مۇرا» باعدارلاماسى بويىنشا 93 تاريحي جانە مادەني ەسكەرتكىش جوندەۋدەن ءوتتى، دەپ قر پرەزيدەنت ءباسپاسوز قىزمەتىنەن حابارلادى.

بۇگىن مەملەكەتتىك حاتشى قانات ساۋداباەۆتىڭ توراعالىعىمەن بەيبىتشىلىك جانە كەلىسىم سارايىندا «مادەني مۇرا» باعدارلاماسىن ىسكە اسىرۋ جونىندەگى قوعامدىق كەڭەستىڭ كەڭەيتىلگەن وتىرىسى ءوتتى.

استانا. 12 جەلتوقسان. قازتاگ - سوڭعى 7 جىلدا «مادەني مۇرا» باعدارلاماسى بويىنشا 93 تاريحي جانە مادەني ەسكەرتكىش جوندەۋدەن ءوتتى، دەپ قر پرەزيدەنت ءباسپاسوز قىزمەتىنەن حابارلادى.

بۇگىن مەملەكەتتىك حاتشى قانات ساۋداباەۆتىڭ توراعالىعىمەن بەيبىتشىلىك جانە كەلىسىم سارايىندا «مادەني مۇرا» باعدارلاماسىن ىسكە اسىرۋ جونىندەگى قوعامدىق كەڭەستىڭ كەڭەيتىلگەن وتىرىسى ءوتتى.

«وتىرىسقا بىرقاتار مينيسترلىكتەر مەن ۆەدومستۆالاردىڭ باسشىلارى،  قازاقستان رەسپۋبليكاسى پارلامەنتى سەناتىنىڭ دەپۋتاتتارى، عىلىم، مادەنيەت جانە ونەر سالالارىنىڭ بەلگىلى قايراتكەرلەرى قاتىستى.- تاۋەلسىزدىكتىڭ 20 جىلدىعىنىڭ قارساڭىندا مەملەكەت باسشىسىنىڭ سەگىز جىل بۇرىنعى باستاماسىمەن ىسكە اسىرىلا باستاعان «مادەني مۇرا» باعدارلاماسىنىڭ قورىتىندى وتىرىسىن وتكىزۋىمىزدىڭ ءمانى زور دەپ بىلەمىن. جاھاندىق قارجىلىق داعدارىستارعا، مەملەكەتتىلىكتى قالىپتاستىرۋ جولىنداعى قيىن-قىستاۋ جىلدارعا قاراماستان، حالىقتىڭ رۋحاني دامۋى مەن تاريحي ساناسىن جاڭعىرتۋ ءىسى ەلباسىنىڭ ۇدايى قامقورلىعى مەن نازارىندا بولدى. سوندىقتان تۇڭعىش پرەزيدەنتىمىز ن.ءا. نازارباەۆتىڭ كوشباسشىلىعىمەن تاۋەلسىز قازاقستاننىڭ قول جەتكىزگەن الەۋمەتتىك-ەكونوميكالىق جانە قوعامدىق-ساياسي دامۋىنداعى زور تابىستارىمەن قاتار  حالىقتىڭ مادەني ورلەۋى مەن رۋحاني جاڭعىرۋىنداعى جەتىستىكتەر شىن مانىندە ماقتان تۇتۋعا لايىق، - دەپ اتاپ كورسەتتى ق.ساۋداباەۆ وتىرىستىڭ اشىلۋىندا سويلەگەن سوزىندە.وتىرىستا 2004-2011 جىلدارى 93 تاريحي جانە مادەني نىساندار جوندەۋگە قامتىلسا، ونىڭ 73-ءى تولىق جوندەۋدەن وتكىزىلدى. وسى كەزەڭدە مازمۇنىمەن جانە پوليگرافيالىق ساپاسىمەن ەرەكشەلەنەتىن ونداعان كىتاپ سەريالارى جارىق كوردى. مادەني جانە تاريحي ەسكەرتكىشتەر اۋماعىندا  37 ارحەولوگيالىق قازبا جۇمىستارى جۇرگىزىلىپ، 33 قولدانبالى عىلىمي زەرتتەۋلەر تابىستى اياقتالدى. الىس جانە جاقىن شەتەلدەردىڭ مۇراعاتتارىنان حالقىمىزدىڭ تاريحى، ەتنوگرافياسى مەن ونەرىنە قاتىستى 5 مىڭعا جۋىق بۇرىن بەلگىسىز بولىپ كەلگەن قولجازبالار مەن باسپا باسىلىمدارى تابىلىپ، ساتىپ اكەلىندى.قوعامدىق كەڭەستىڭ كەڭەيتىلگەن وتىرىسىنىڭ كۇن ءتارتىبىنىڭ اياسىندا ارحەولوگيالىق ەكسپوناتتاردان جانە «مادەني مۇرا» سەرياسىمەن جارىق كورگەن كىتاپتاردىڭ ۇلكەن كورمەسى ۇيىمداستىرىلدى. «مادەني مۇرا» جانە «قازاقستاندىق ۇلتتىق ەلەكتروندىق كىتاپحانا»   ينتەرنەت-پورتالدارىنىڭ تۇساۋكەسەرى ءوتتى.