قازاقستاننىڭ «اق جول» دەموكراتيالىق پارتياسىنىڭ

مالىمدەمەسى

ۇستىمىزدەگى جىلدىڭ 16 جەلتوقسانىندا باق-تىڭ حابارلاۋى بويىنشا جاڭاوزەن قالاسىنىڭ قالالىق الاڭىندا تاۋەلسىزدىكتىڭ 20 جىلدىعىن مەرەكەلەپ جاتقان ازاماتتارعا شابۋىل جاسالعانى بەلگىلى بولدى. قالالىق اكىمدىكتىڭ جانە قالاعا نەگىز بولعان كاسىپورىننىڭ عيماراتى ورتەلگەن، تۇرعىن ۇيلەر جانە كوممەرتسيالىق وبەكتىلەر توناۋشىلىق پەن تالاۋشىلىققا ۇشىراعان.

ەڭ قورقىنىشتىسى: قان توگىلىپ، ادامدار ءولىپ، زارداپ شەكتى.

بۇل اكتسيانىڭ تۋرا تاۋەلسىزدىكتىڭ 20 جىلدىعىن مەرەكەلەۋ ۇستىندە جاسالۋى، ولاردىڭ ارەكەتىنىڭ قىر كورسەتۋ سيپاتىن بايقاتادى جانە ولاردىڭ ۇيىمداستىرۋشىلارى مەن ورىنداۋشىلارىنىڭ قازاقستان مەملەكەتتىلىگىمەن بىرگە ەمەستىگىن كورسەتەدى. ونىڭ ۇستىنە: ولار وزدەرىنىڭ كوزقاراسىن 20 جىل بويى ءوز ەڭبەگىمەن تاۋەلسىز مەملەكەتتى قۇرعان ميلليونداعان قازاقستاندىقتاردىڭ قۇندىلىقتارىنا قارسى قويىپ وتىر.

وسىعان بايلانىستى قازاقستاننىڭ «اق جول» دەموكراتيالىق پارتياسى مىنالاردى مالىمدەيدى:

1. ءبىز تارتىپسىزدىكتىڭ باستاماشىلارىنىڭ قۇقىققا قايشى ءىس-ارەكەتىن ءۇزىلدى-كەسىلدى ايىپتايمىز.

2. ءبىز بىردە-ءبىر ادام نەمەسە ادامدار توبى ءوزىنىڭ شامشىلدىعىمەن ادامداردىڭ تاتۋلىعى مەن تىنىشتىعىن قۇربان ەتۋگە; تاۋەلسىز مەملەكەت قۇرىپ جاتقان ميلليونداعان قازاقستاندىقتاردىڭ ەڭبەگىن ەلەمەۋگە قۇقىلى ەمەس ەكەنىن نىق سەنىممەن ايتامىز.

قازاقستاننىڭ «اق جول» دەموكراتيالىق پارتياسىنىڭ

مالىمدەمەسى

ۇستىمىزدەگى جىلدىڭ 16 جەلتوقسانىندا باق-تىڭ حابارلاۋى بويىنشا جاڭاوزەن قالاسىنىڭ قالالىق الاڭىندا تاۋەلسىزدىكتىڭ 20 جىلدىعىن مەرەكەلەپ جاتقان ازاماتتارعا شابۋىل جاسالعانى بەلگىلى بولدى. قالالىق اكىمدىكتىڭ جانە قالاعا نەگىز بولعان كاسىپورىننىڭ عيماراتى ورتەلگەن، تۇرعىن ۇيلەر جانە كوممەرتسيالىق وبەكتىلەر توناۋشىلىق پەن تالاۋشىلىققا ۇشىراعان.

ەڭ قورقىنىشتىسى: قان توگىلىپ، ادامدار ءولىپ، زارداپ شەكتى.

بۇل اكتسيانىڭ تۋرا تاۋەلسىزدىكتىڭ 20 جىلدىعىن مەرەكەلەۋ ۇستىندە جاسالۋى، ولاردىڭ ارەكەتىنىڭ قىر كورسەتۋ سيپاتىن بايقاتادى جانە ولاردىڭ ۇيىمداستىرۋشىلارى مەن ورىنداۋشىلارىنىڭ قازاقستان مەملەكەتتىلىگىمەن بىرگە ەمەستىگىن كورسەتەدى. ونىڭ ۇستىنە: ولار وزدەرىنىڭ كوزقاراسىن 20 جىل بويى ءوز ەڭبەگىمەن تاۋەلسىز مەملەكەتتى قۇرعان ميلليونداعان قازاقستاندىقتاردىڭ قۇندىلىقتارىنا قارسى قويىپ وتىر.

وسىعان بايلانىستى قازاقستاننىڭ «اق جول» دەموكراتيالىق پارتياسى مىنالاردى مالىمدەيدى:

1. ءبىز تارتىپسىزدىكتىڭ باستاماشىلارىنىڭ قۇقىققا قايشى ءىس-ارەكەتىن ءۇزىلدى-كەسىلدى ايىپتايمىز.

2. ءبىز بىردە-ءبىر ادام نەمەسە ادامدار توبى ءوزىنىڭ شامشىلدىعىمەن ادامداردىڭ تاتۋلىعى مەن تىنىشتىعىن قۇربان ەتۋگە; تاۋەلسىز مەملەكەت قۇرىپ جاتقان ميلليونداعان قازاقستاندىقتاردىڭ ەڭبەگىن ەلەمەۋگە قۇقىلى ەمەس ەكەنىن نىق سەنىممەن ايتامىز.

3. ءبىز رەسپۋبليكامىزدىڭ تاۋەلسىزدىگىنە، كونستيتۋتسيالىق قۇرىلىسىنا جانە دەموكراتيالىق ينستيتۋتتارىنا بەيىل ەكەندىگىمىزدى بىلدىرەمىز جانە ەلىمىزدىڭ كەز كەلگەن نۇكتەسىندە بيلىكتى كۇشپەن باسىپ الۋعا جول بەرۋگە بولمايتىندىعىن مالىمدەيمىز.

4. ءبىز مەملەكەتتىك ورگانداردى ساياسي ەرىك-جىگەر كورسەتۋگە جانە جاڭاوزەن قالاسىندا زاڭدىلىقتى قالپىنا كەلتىرۋگە شاقىرامىز.

5. ءبىز قۇقىق قورعاۋ ورگاندارىنان زاڭدىلىقتى قالپىنا كەلتىرۋ جونىندەگى ءىس-شارالار بارىسىندا - تىكەلەي جاڭاوزەن قالاسىندا، سونداي-اق قازاقستاننىڭ بۇكىل اۋماعىندا ازاماتتاردىڭ ءومىرى مەن دەنساۋلىعىن، ولاردىڭ قۇقىقتارى مەن بوستاندىقتارىن ساقتاۋدى قامتاماسىز ەتۋدى تالاپ ەتەمىز.

6. ءبىز وسى وقيعاعا وراي اتقارۋشى ورگانداردىڭ ءىس-ارەكەتىنە باعا بەرۋدى قوسا العاندا، وعان ءتيىستى دارەجەدە قۇقىقتىق جانە ساياسي باعا بەرە وتىرىپ، ءادىل ءارى جان-جاقتى تەكسەرۋ جۇرگىزۋىن تالاپ ەتەمىز.

قوعام بولعان جايلار، ونىڭ شىنايى سەبەپتەرى جانە ۇيىمداستىرۋشىلارى تۋرالى، ءتىپتى ۇيىمداستىرۋشىلار قازاقستاننىڭ شەگىنەن تىس جەرلەردە جۇرگەن بولسا دا، تولىق اقپارات الۋعا ءتيىس.

7. زاڭدىلىقتى قالپىنا كەلتىرۋدەن باسقا، ءبىز ادامداردى قۇقىقتىق نيگيليزمگە يتەرمەلەيتىن الەۋمەتتىك العىشارتتاردى تۇرمىس دەڭگەيىن كوتەرۋ، جۇمىسقا ورنالاستىرۋ پروبلەماسىن شەشۋ، قولجەتىمدى تۇرعىن ءۇي، جاستار ءۇشىن ومىرلىك پەرسپەكتيۆا جاساۋ جولىمەن ەڭسەرۋ جونىندە باتىل شارالار قولدانۋعا شاقىرامىز. كۇنكورىسى تومەن وتباسىلاردى الەۋمەتتىك قورعاۋدى ايتارلىقتاي كۇشەيتۋ، الەۋمەتتىك ادىلەتتىلىك پرينتسيپتەرىن ىسكە اسىرۋ ارقىلى ەڭ بايلار مەن ەڭ كەدەيلەر اراسىنداعى تابىس دەڭگەيىنىڭ الشاقتىعىن ازايتۋ جونىندە قادامدار جاسالۋى قاجەت.

8. ءبىز ەكسترەميزم مەن قۇۇقىقتىق نيگيليزم پروبلەمالارىن تالقىلاۋ ءۇشىن «قازاقستان-2020» دەموكراتيالىق كۇشتەردىڭ جالپىۇلتتىق كواليتسياسىنىڭ كەزەكتەن تىس وتىرىسىن شاقىرۋدى قايتادان تالاپ ەتەمىز.

ءبىز بارلىق ساياسي بىرلەستىكتەردى الاۋىزدىقتى قويا تۇرىپ، ءاربىر قازاقستاندىق ءۇشىن قاستەرلى قوعام تىنىشتىعى مەن قاۋىپسىزدىگى ماسەلەسىن قاراۋعا قاتىسۋعا شاقىرامىز.