بۇلىك بۇگى
بەكقوجا جىلقىبەكۇلى. بۇلىك بۇگى
كەمپىر-شال مەن كەر كەلىندى قاعىستىرىپ قويعانداي
توپالاڭعا اينالعانى ءالى ەسىمدە توي بالداي!
تويعا كەلگەن توعىز ايماق اقۇدايلاپ،
ۋ ۇرتتاپ،
قايتىپ ەدى ۇلى تويدان بۇل ومىرگە تويعانداي.
ويلانباعان وي-قيال تۇر جول شەتىندە قىرىق مىڭ،
سىزاتىنا كىرىپ الىپ سىلاڭداعان سىرىقتىڭ.
جىلتىڭداعان جىرتىق ساۋلە جاتىر جەردە شاشىلىپ،
قۇران وقىپ قۇلاپ ولگەن باسىنا اق جىلىكتىڭ.
سۇيەك-ساياق بىلتىر كۇزدە توي جاساعان سەكىلدى،
كەسىرىنەن كەمىك بولىپ جاتىر جامباس بۇلىكتىڭ.
بۇلىك جايلى ايدىڭ تەمىر بۇيرەگى تۇر بۇلك ەتپەي،
كەتىپ بارا جاتىر كەردە،
كەردەڭ قاعىپ،
كۇلىپ كۇن.
كۇن مەن ايدىڭ نەسى كەتەر!
جارىلعانى قىزىق بوپ
تۇر ولارعا جەردە جۇرگەن ءبىر-ءبىر قارا تۇلىپتىڭ.
باسسىزدىق بازارى
الىپ ويدى زاڭعارداي
اڭ-قۇس وتىر اڭعارماي.
جاۋىپ جاتىر پارلامەنت
مىنبەسىنەن زاڭ قارداي.
اق بوران،
جەل ازىناپ،
الاياق وي اڭدارداي
اينالادا جوسىپ ءجۇر...
قايقاڭ قاعىپ حان نارداي،
شەن مەن شەكپەن جەلىپ ءجۇر
قۇداي بولىپ العانداي،
جۇلگەسىز وي جۇرەگى
قارا حالىق قامىنىڭ
بىلتەسىنە جالعانباي.
اۋىل ءيتى ۇلىپ تۇر
كوشكەن جۇرتتا قالعانداي.
بەكقوجا جىلقىبەكۇلى. بۇلىك بۇگى
كەمپىر-شال مەن كەر كەلىندى قاعىستىرىپ قويعانداي
توپالاڭعا اينالعانى ءالى ەسىمدە توي بالداي!
تويعا كەلگەن توعىز ايماق اقۇدايلاپ،
ۋ ۇرتتاپ،
قايتىپ ەدى ۇلى تويدان بۇل ومىرگە تويعانداي.
ويلانباعان وي-قيال تۇر جول شەتىندە قىرىق مىڭ،
سىزاتىنا كىرىپ الىپ سىلاڭداعان سىرىقتىڭ.
جىلتىڭداعان جىرتىق ساۋلە جاتىر جەردە شاشىلىپ،
قۇران وقىپ قۇلاپ ولگەن باسىنا اق جىلىكتىڭ.
سۇيەك-ساياق بىلتىر كۇزدە توي جاساعان سەكىلدى،
كەسىرىنەن كەمىك بولىپ جاتىر جامباس بۇلىكتىڭ.
بۇلىك جايلى ايدىڭ تەمىر بۇيرەگى تۇر بۇلك ەتپەي،
كەتىپ بارا جاتىر كەردە،
كەردەڭ قاعىپ،
كۇلىپ كۇن.
كۇن مەن ايدىڭ نەسى كەتەر!
جارىلعانى قىزىق بوپ
تۇر ولارعا جەردە جۇرگەن ءبىر-ءبىر قارا تۇلىپتىڭ.
باسسىزدىق بازارى
الىپ ويدى زاڭعارداي
اڭ-قۇس وتىر اڭعارماي.
جاۋىپ جاتىر پارلامەنت
مىنبەسىنەن زاڭ قارداي.
اق بوران،
جەل ازىناپ،
الاياق وي اڭدارداي
اينالادا جوسىپ ءجۇر...
قايقاڭ قاعىپ حان نارداي،
شەن مەن شەكپەن جەلىپ ءجۇر
قۇداي بولىپ العانداي،
جۇلگەسىز وي جۇرەگى
قارا حالىق قامىنىڭ
بىلتەسىنە جالعانباي.
اۋىل ءيتى ۇلىپ تۇر
كوشكەن جۇرتتا قالعانداي.
نارىقتانىپ نازارىم
الداركوسە الداپ كەتىپ نەشە دۇركىن،
نەشە رەت،
باس قاتىردىم الدانۋدىڭ سەبەبىنە كەشىرەك.
كەش تە بولسا،
اقىل ءتىسىم شىققانىنا تاۋبە قىپ،
قۇلدىق ۇرىپ ءجۇرمىن كۇندە كۇن قۇدايعا بەس رەت.
بەس ارەكەت ناماز وقىپ،
نارىقتانىپ نازارىم،
كوك قاعازبەن ولشەنەتىن مىلقاۋ ءومىر بازارىن
اقىل ويمەن تىزگىندەۋگە امال ىزدەپ،
القىنىپ،
پايعامباردىڭ ءمولدىر بۇلاق سەكىلدى تاپ-تازا ارىن
تابا الماي،
قۇلاعىمدى شۇقىپ كۇندە ازالى ءۇن،
تىرشىلىكتىڭ جالعىزاياق جولىمەنەن جورعالاپ،
كەلەمىن كون كوڭىل-كۇيدىڭ كوتەرىپ اپ ازابىن.
اۋىت مۇقيبەكۇلى. جاسا!
جاسا، جاسا، ماحامبەتتىڭ ۇرپاعى،
تۇسىنەدى و، سەندەردى جۇرت ءالى.
باتادى ءالى مىنا كۇن دە قىزارىپ،
اتادى ءالى ادىلەتتىڭ ءبىر تاڭى.
باسىلماپتى-اۋ باياعى سول ەكپىنىڭ،
رۋحى ولمەگەن ۇرپاعى ەدىڭ تەكتىنىڭ.
ماڭعىستاۋدان نايزاعايداي شاتىرلاپ،
سارىارقاعا، الاتاۋعا جەتتى ءۇنىڭ.
جاۋ المايدى باتىر قىز بەن مىقتى ۇلدى،
جان ايقايىڭ ۇلى ەرلىكتى ۇقتىردى.
داۋىسىڭنان بۇكىل قازاق ويانىپ،
ايقايىڭنان بۇكىل قازاق تىك تۇردى.
باسىڭدى ەشكىم يە المايدى اتىپ وق،
تۇرسىن ءدايىم جۇرەگىڭدە تاسىپ وت.
ءوز جەرىڭدە وتىرعاندا، باۋىرلار،
باسىنۋعا باسقالاردىڭ حاقى جوق.
اللام ءوزى اسىرايدى ادالدى،
جالاعاننان ساقتا، قۇداي، تاباندى.
سەنىڭ بارىپ بالتىرىڭا تيگەن وق،
مەنىڭ كەلىپ جۇرەگىمە قادالدى.
بوزداقتارىم قىزىل قانعا مالىندى،
ءورت شارپىدى تەرەگىڭدى، تالىڭدى.
الا جازداي جاتتىڭ كۇنگە قاقتالىپ،
جارامادىق ءبىر سۇراۋعا حالىڭدى.
جولى بۇراڭ، سورى قالىڭ ەل ەدىڭ،
جانتاق ەدى جاندى جالداپ جەگەنىڭ.
نەگە شىقتىڭ، نەگە بۇزدىڭ شىرىقتى؟
ءبىر سۇراۋعا جارامادىم سەبەبىن.
قارا قىتاي سەنى ايايدى دەپ پە ەدىڭ،
ماعان ءمالىم تىم اشىنىپ كەتكەنىڭ.
تاۋسىلعاندا ءتوزىمىڭ مەن امالىڭ،
جارامادى مىلتىق كەزەپ جەتكەنىم.
كەتتى دەپ ەك كەلمەسكە ەندى زار-زامان،
كۇننەن دە وتتىك كۇرمەۋى كوپ، تارعالاڭ.
عاسىر بويى بوستاندىقتى اڭسادىق،
وق اتپاعان بۇل قازاققا بار ما جان؟
«ۇلى وتان» دەپ ءتۇردىم كەشە مەن بىلەك،
ايعاي سالدىق ءاليا-مانشۇك جەڭدى دەپ.
بوستاندىققا تولماي جاتىپ جيىرما جىل،
وق اتامىز ۇرپاعىنا ەندى كەپ.
قاجىدىق قوي، جينالىستان، تويدان دا،
پايدا بار ما كوپ سوزعاننان بويدى العا.
ءجون-اۋ دەيمىن اسىپ كەتكەن جاندارعا،
ءدال وسىلاي ءبىر تانىتىپ قويعان دا.
بابا قىلىشى بار ەكەن-اۋ بەلىڭدە،
ەسە بەرمە، ەشكىمگە دە جەلىنبە!
ءوز مۇددەسىن قورعاماعان سورلىلار،
قورعاپ ەرتەڭ جارىتپايدى ەلىن دە.
باقىت كۇيىن باستاپ ەندى شەرتىپ ەك،
ەل بولدىق پا تۇرلاۋى جوق، سەرتى كوپ.
ودان گورى جيناپ العان ءجون ەدى،
قانداستاردى جۇرگەن سىرتتا تەنتىرەپ.
تولسىن قازاق مەنىڭ بايتاق دالاما،
سول قازاقتان جانىم مەنىڭ ساداعا.
اۋىرىڭدى كوتەرىسكەن قاسقايىپ،
باۋىرىڭدى بۇزىق دەمە، جان اعا!
اتقىزعانىم ازعىندىق-اۋ مەرگەنگە وق،
كوكىرەگىمدى بارا جاتىر شەر دەندەپ.
ءوز نامىسىن قورعاۋعا ابدەن حاقىلى،
قازاق ەلدىڭ تىلىنە ەرىپ كورگەن جوق،
قۇر الداۋعا جايىمىز جوق كونەتىن،
الپاۋىتتار اقىمىزدى تولەسىن!!!
قازاعى بار نۇرسۇلتاندا ارمان جوق،
ادىلەتتىڭ اق جولىندا ولەتىن.
ەل بىرلىگى - ەلىم ءۇشىن مىقتى كۇش،
قوسىلسا ەكەن ەندى كەلىپ قۇتقا ىرىس.
ەڭ الدىمەن قازاعىڭنىڭ قامىن جە،
قازاقستان بولسىن دەسەڭ تىپ-تىنىش.
«اباي-اقپارات»
