جۋىردا «KazService» مۇناي سەرۆيستىك كومپانيالار وداعى قازاقستاننىڭ مۇناي-گاز سالاسىنداعى ەڭ ىقپالدى 50 ادامنىڭ رەيتينگىن جاسادى. بۇل ءتىزىمدى جاساۋعا تاجىريبەلى جۋرناليستەر، تالداۋشىلار، كونسۋلتاتسيالىق اگەنتتىكتەردىڭ قىزمەتكەرلەرى، سونداي-اق ءىرى كومپانيالاردىڭ وكىلدەرى بار 60-تان استام ساراپشىلار تارتىلعان ەكەن.

بيىل ءتورتىنشى جىل قاتارىنان جاسالىپ وتىرعان بۇل رەيتينگتىڭ كوشباسىندا ەكس-پرەزيدەنتتىڭ كۇيەۋ بالاسى تيمۋر قۇلىباەۆ تۇر.

قۇلىباەۆ قازاقستانداعى مۇناي-گاز ينجينيرينگىن قامتيتىن ونداعان كومپانيانىڭ بەنەفيتسيارى. ول 2019 جىلدىڭ مامىر ايىنان باستاپ  Forbes-تەگى الەم بويىنشا ەڭ باي ادامداردىڭ رەيتينگىنە كىردى. ونىڭ بايلىعى 3,1 ميلليارد دوللاردى قۇراعان.

سونىمەن، قازاقستانداعى مۇناي-گاز سالاسىنىڭ تىزگىنىن ۇستاعان ەڭ ىقپالدى 50 ادامدى رەت-رەتىمەن اتاساق:

1.تيمۋر قۇلىباەۆ. ول «اتامەكەن وداعى» پالاتاسى پرەزيديۋمىنىڭ توراعاسى. رەسەيلىك «گازپروم» راق-ى ديرەكتورلار كەڭەسىنىڭ مۇشەسى. «KAZENERGY» قاۋىمداستىعىنىڭ جەتەكشىسى. سونىمەن قاتار ول دۇنيەجۇزىلىك مۇناي كەڭەسىنىڭ قازاقستاندىق كوميتەتىنە توراعالىق ەتەدى.

2. اليك ايدارباەۆ. «قازمۇنايگاز» ۇك» اق مۇناي-گاز كومپانياسىنىڭ توراعاسى. 2019 جىلى ۇلتتىق كومپانيانىڭ تازا پايداسى 1,16 ترلن تەڭگەنى (3 ميلليارد اقش دوللارى) قۇراعان. اليك ايدارباەۆ 2013-2017 جىلدارى ماڭعىستاۋ وبلىسىنىڭ اكىمى بولعان.

 3. نۇرلان نوعاەۆ. اتىراۋ وبلىسىنىڭ ەكس-اكىمى. 2019 جىلدىڭ جەلتوقسان ايىنان بەرى قر ەنەرگەتيكا ءمينيسترى بولىپ تاعايىندالدى.

4. ماعزۇم مىرزاعاليەۆ. قر ەكولوگيا، گەولوگيا جانە تابيعي رەسۋرستار  ءمينيسترى. بۇعان دەيىن قر ەنەرگەتيكا ۆيتسە-ءمينيسترى بولىپ ىستەگەن.

5. مۇرات جۇرەبەكوۆ. قر ەنەرگەتيكا ۆيتسە-ءمينيسترى. تەڭىز، قاشاعان، قاراشىعاناق سەكىلدى ءىرى مۇناي-گاز كەن ورىندارىن باسقارادى.

6. قايرات شارىپباەۆ - «قازترانسگاز» اق ديرەكتورلار كەڭەسىنىڭ توراعاسى. 2019 جىلدىڭ سوڭىندا ول باسقارعان كومپانيانىڭ تازا كىرىسى 334 ميلليارد تەڭگەنى قۇرادى.

7. جاقىپ ماراباەۆ - «قازمۇنايگاز» ۇك» اق باسقارما توراعاسىنىڭ بارلاۋ جانە ءوندىرۋ جونىندەگى ورىنباسارى.

8. اسەت ماعاۋوۆ - قر ەنەرگەتيكا ۆيتسە-ءمينيسترى، مۇناي ونەركاسىبى، كومىرسۋتەكتەردى تاسىمالداۋ، مۇناي ونىمدەرى ءوندىرىسىن رەتتەۋ، مۇناي-گاز سالاسىنداعى الەۋمەتتىك سەرىكتەستىكتى نىعايتۋ جانە دامىتۋ سالاسىنداعى مەملەكەتتىك ساياساتتى قاداعالايدى.

9. دانيار تيەسوۆ - «قازمۇنايگاز» ۇك» اق باسقارما توراعاسىنىڭ مۇناي وڭدەۋ جانە مۇناي حيمياسى جونىندەگى ورىنباسارى.

10. دانيار ابۋلعازين - تيمۋر قۇلىباەۆتىڭ ەڭ جاقىن سەرىكتەرىنىڭ ءبىرى. بۇگىندە ول «اتامەكەن» اەس تورالقاسى مۇناي-گاز سالاسى كوميتەتىنىڭ توراعاسى.

11. يمەر بوننەر - «تەڭىزشەۆرويل» جشس باس ديرەكتورى قىزمەتىن اتقارادى.

12. ۇزاقباي قارابالين - «قازمۇنايگاز» ۇك» اق ديرەكتورلار كەڭەسىنىڭ مۇشەسى، «KAZENERGY» قاۋىمداستىعى توراعاسىنىڭ ورىنباسارى.

13. بولات اقشۋلاقوۆ - «KAZENERGY» قاۋىمداستىعىنىڭ باس ديرەكتورى. بۇعان دەيىن ول ۇزاق جىلدار بويى قازاقستان ۇكىمەتىندە، سونداي-اق «PSA» جشس، «سامۇرىق-قازىنا» ۇلتتىق ءال-اۋقات قورى» اق جانە «قازمۇنايگاز» ۇك» اق سياقتى قۇرىلىمداردا جۇمىس ىستەدى.

14. جۇماباي قاراعاەۆ - قر ەنەرگەتيكا ۆيتسە-ءمينيسترى.

15. بەكەت يزباستين - «PSA» جشس مەملەكەت اتىنان قاشاعان كەن ورنىندا وندىرىلەتىن مۇنايداعى قازاقستاندىق ۇلەستى الۋشى.

16. دجون بالتتس - «شەۆرون» ەۋرازيالىق بولىمشەسىنىڭ باسقارۋشى ديرەكتورى. اتالعان كومپانيا قازاقستاندىق تەڭىزدىڭ 50%، قاراشىعاناقتىڭ 18%، كقك ماگيسترالدىق قۇبىر جەلىسىندەگى 15%، سونداي-اق اتىراۋ وبلىسىندا قۇبىر كلاپاندارى مەن پوليەتيلەن قۇبىرلارىن شىعاراتىن زاۋىتتاردا ۇلەسكە يە. امەريكالىق كومپانيانىڭ ۇلەسىنە قازاقستانداعى مۇناي ءوندىرىسىنىڭ 18,7% نەمەسە 2019 جىلدىڭ سوڭىندا 16,9 ميلليون توننا مۇناي كەلەدى.

17. وليۆە لازەر - ول قازاقستانداعى «Shell» كونتسەرنىنىڭ توراعاسى. قازاقستاندا «Shell» - قاراشىعاناق كەن ورنىنىڭ بىرلەسكەن وپەراتورى (29,25%) جانە قاشاعان جوباسىنىڭ اكتسيونەرى (16,81%). «Shell» قازاقستانداعى مۇناي ءوندىرىسىنىڭ 6,3% يە.

18. ريچارد حوۋۆ - «North Caspian Operating Company» كومپانياسىنىڭ باسقارۋشى ديرەكتورى قازاقستانداعى ەڭ ءىرى مۇناي-گاز كەنىشىن باسقارادى. بارلىق كەزەڭ ىشىندە سولتۇستىك كاسپي جوباسىنا جالپى ينۆەستيتسيا كولەمى 70 ميلليارد اقش دوللارىن قۇرادى. 2019 جىلى 14,1 ميلليون توننا مۇناي جانە 8,5 ميلليارد م3 گاز ءوندىرىلدى.

19. ەدۆين بلوم - «قاراشىعاناق پەتروليۋم وپەرەيتينگتىڭ» باسشىسى.

20. ديماش دوسانوۆ - «قازترانسويل» اق مۇناي مەن مۇناي ونىمدەرىن تاسىمالداۋدىڭ ۇلتتىق كومپانياسىن باسقارادى.

21. قاناتبەك سافينوۆ - قر پارلامەنت سەناتىنىڭ دەپۋتاتى.

22. تالعات مومىشەۆ - قر ەنەرگەتيكا مينيسترلىگىنىڭ جاۋاپتى حاتشىسى.

23. ەسەن ۋتەەۆ - «وزەنمۇنايگاز» اق باس ديرەكتورى.

24. ەسەن قايرجان - 2020 جىلدىڭ قاڭتارىندا «ەمبىمۇنايگاز» اق باسقارما توراعاسى بولىپ سايلانعان.

25. راشيد جاقسىلىقوۆ - 200-گە جۋىق مامانداندىرىلعان كومپانيالاردى بىرىكتىرەتىن قازاقستاننىڭ مۇناي كاسىپشىلىكتەرى كومپانيالارى وداعى پرەزيديۋمىنىڭ توراعاسى.

26. دانيار بەرلىباەۆ - «قازترانسويل» اق ديرەكتورلار كەڭەسىنىڭ توراعاسى. «قازمۇنايگاز» ۇك» اق جانىنداعى مۇناي تاسىمالداۋ، حالىقارالىق جوبالار جانە «سارىارقا» گاز قۇبىرىن سالۋ جونىندەگى باسقارما توراعاسىنىڭ ورىنباسارى.

27. ەرمەك ماراباەۆ - «North Caspian Operating» كومپانياسىنىڭ باسقارۋشى ديرەكتورىنىڭ ورىنباسارى.

28. كەنجەبەك يبراشەۆ - قازاقستان-بريتان تەحنيكالىق ۋنيۆەرسيتەتىنىڭ پرەزيدەنتى.

29. ايبەك كرامباەۆ - اتىراۋ وبلىسى اكىمىنىڭ ورىنباسارى بولعان. 2020 جىلدىڭ ناۋرىزىندا «تەڭىزشەۆرويل» جشس باس ديرەكتورىنىڭ ورىنباسارى بولىپ تاعايىندالدى.

30. جامبولات سارسەنوۆ - ول KAZENERGY قاۋىمداستىعى توراعاسىنىڭ ورىنباسارى. سونىمەن قاتار، «اتامەكەن» اەس تورالقاسىنىڭ فارماتسەۆتيكالىق، مەديتسينالىق ونەركاسىپ جانە مەديتسينالىق قىزمەتتەر كوميتەتىنىڭ توراعاسى.

31. مايكل كرەيلي - تەڭىز كەن ورنىندا ۇڭعىما قىسىمىن باسقارۋ جوباسىنىڭ ديرەكتورى.

32. بيان دجى - قازاقستانداعى CNPC International كومپانياسىنىڭ باسشىسى. ول «اقتوبەمۇنايگاز» اق، «سولتۇستىك بوزاشى»، قام، «CNPC-ايدان مۇناي» اق، پەتروقازاقستاندا 67%، «ماڭعىستاۋمۇنايگاز» اق-دا 50% سىندى ءىرى مۇناي ءوندىرۋشى اكتيۆتەردى باقىلايدى.

33. ليۋ تسزينچەن - «ماڭعىستاۋمۇنايگاز» اق باس ديرەكتورى.

34. شۋحرات دانباي - اتىراۋ ءموز باس ديرەكتورىنىڭ قازاقستاندىق مۇناي وڭدەۋ سالاسىنداعى باسشىلىق قىزمەتتەرىن اتقارعان.

35. داستان ابدۋلگافاروۆ - «قازمۇنايگاز» ۇك »اق ستراتەگيا، ينۆەستيتسيا جانە بيزنەستى دامىتۋ جونىندەگى باسقارما توراعاسىنىڭ ورىنباسارى.

36. قۇرمانعازى يسكازيەۆ - «قازمۇنايگاز» ءبو» اق باسشىسى.

37. اسقار اۋباكيروۆ - «KAZENERGY» قاۋىمداستىعى توراعاسىنىڭ كەڭەسشىسى. مۇناي-گاز اكتيۆتەرىن باسقاراتىن «Intelligent Consulting Solutions» جشس ۇيلەستىرۋ كەڭەسىنىڭ توراعاسى.

38. بالتابەك قۋاندىقوۆ - «مەريديان پەترولەۋم» مۇناي كومپانياسىنىڭ پرەزيدەنتى، قازاقستان مۇناي گەولوگتارى قوعامىنىڭ جەتەكشىسى.

39. سەرگەي كان - «بولاشاق-اتىراۋ» جشس اكتسيالارىنا يەلىك ەتەدى.

40. دجەكسون بەيكەر - «تەڭىزشەۆرويل» جشس باس ديرەكتورىنىڭ ءبىرىنشى ورىنباسارى، ءوندىرىس بويىنشا باس مەنەدجەر.

41. لۋچيانو ۆاسكەس - 2020 جىلدىڭ تامىزىنان باستاپ ول يتالياندىق Eni كومپانياسىنىڭ قازاقستانداعى جانە ورتالىق ازياداعى جاڭا باسشىسى بولىپ تاعايىندالدى.

42. الەم فريگا-نوي - «Total Exploration and Production Kazakhstan» كومپانياسىنىڭ باسقارۋشى ديرەكتورى. ول باسقاراتىن كومپانياعا قازاقستانداعى مۇناي ءوندىرىسىنىڭ 3,1% تيەسىلى.

43. مارات كاريموۆ - «قاراشىعاناق پەترولەۋم وپەرەيتينگ» باس ديرەكتورىنىڭ ورىنباسارى بولعان.

44. سەرىكجان سەيتجانوۆ - «Sauts-Oil» جشس مۇناي كومپانياسىنىڭ باسشىسى.

45. تولەگەن بالعىمباەۆ - تەڭىز جانە قاشاعان جوبالارى بويىنشا كەلىسىمشارتتىق جۇمىستاردى ورىندايتىن «ISKER» ءىرى حولدينگىنىڭ يەسى.

46. قايىرگەلدى قابىلدين - «كاسپي قۇبىر كونسورتسيۋمى» اق باس ديرەكتورىنىڭ ورىنباسارى.

47. داستان ءابىشوۆ - قاراشىعاناق جانە سولتۇستىك كاسپي جوبالارىن ىسكە اسىرۋشى.

48. ارمان ساتيموۆ - «North Caspian Operating» كومپانياسىنىڭ باس مەنەدجەرى.

49. الماس قۇدايبەرگەن - «Centrasia Group» مۇناي كەن ورىندارى سەرۆيسىنىڭ ديرەكتورى.

50. اسحات دۇيساليەۆ - «وزەن»، «ەمبى»، «دۋنگا»، «اڭساگان» مۇناي كەن ورىندارىنىڭ باسىن قوسقان «KazPetroDrilling» ءىرى قازاقستاندىق بۇرعىلاۋ حولدينگىنىڭ پرەزيدەنتى.

سونىمەن بۇل ەلۋلىك - قازاقتىڭ، قازاقستاننىڭ مۇنايى مەن گازىن ۋىسىندا ۇستاپ وتىرعان ەلۋلىك. ولاردىڭ قاتارىندا لاۋازىمدى مەملەكەتتىك قىزمەتتەردەگى ازاماتتار دا از ەمەس. بۇعان دەيىن Abai.kz سايتىندا قازاقستانداعى ءىرى مۇناي كومپانيالارىنداعى شەت ەلدىك باسشىلار جايلى ەگجەي-تەگجەيلى جازىلعان ەدى. ال ەلىمىزدەگى مۇناي ءوندىرىسىنىڭ 25 پايىزى قىتايلىق كومپانيانىڭ باقىلاۋىندا ەكەنى تالاي رەت ايتىلدى، جازىلدى.

ايتپاقشى، قر ەنەرگەتيكا مينيسترلىگىنىڭ بولجامى بويىنشا، 2020 جىلى، ياعني بيىل قازاقستاندا 86 ميلليون توننا مۇناي وندىرىلەدى دەپ جوسپارلانعان. ەندەشە، جوعارىداعى ەڭ «مىقتى» دەگەن ەلۋلىكتىڭ ەسەبى ءبۇتىن بولسا، بۇل ازاماتتاردى كەلەر جىلدىڭ تىزىمىنەن دە كورىپ قالۋىڭىز بەك مۇمكىن.

تاقىرىپقا تۇزدىق:

قازاق مۇنايىنا قازاقتان باسقانىڭ ءبارى باستىق

قازاق مۇنايىن كىمدەر يەلەنىپ وتىر؟

نۇربيكە بەكسۇلتانقىزى

Abai.kz