2020 جىلدىڭ 09 قىركۇيەگىندە نۇر – سۇلتان قالاسىندا «اۋىل» حالىقتىق – دەموكراتيالىق پاتريوتتىق پارتياسىنىڭ . كۇن تارتىبىندە سەزد دەلەگاتتارى «بىرلىك» پارتياسىنىڭ «اۋىل» حالىقتىق – دەموكراتيالىق پاتريوتتىق پارتياسىنا قوسىلۋ تۋرالى ۇسىنىسىن قاراستىردى.

«اۋىل» پارتياسىنىڭ توراعاسى ءالي بەكتاەۆتىڭ سوزىنشە «بىرلىك» پارتياسىنىڭ بۇل ۇسىنىسى بيىلعى جىلى كەلىپ تۇسكەن. ۇسىنىس كەلىپ تۇسكەننەن كەيىن «اۋىل» پارتياسىنىڭ ساياسي كەڭەس پرەزيديۋمىنىڭ شەشىمىمەن «بىرلىك» پارتياسىنىڭ قىزمەتى مەن باعدارلامالىق قۇجاتتارىن زەردەلەۋ بويىنشا جۇمىس توبى قۇرىلعان.

جۇمىس توبىنىڭ جەتەكشىسى سەيتجانوۆ ق.ق. سەزد دەلەگاتتارىن جۇمىس توبىنىڭ قورتىندى ەسەبىمەن تانىستىردى. جۇمىس توبىنىڭ جەتەكشىسى «بىرلىك» پارتياسىنىڭ ەلىمىزدىڭ ساياسي – قوعامدىق ومىرىنە ارالاسۋ بەلسەندىلىگىنىڭ تومەن ەكەندىگىن ايتا كەلە، پارتيانىڭ قۇرىلىمدىق بولىمشەلەرىندەگى جۇمىستاردا تۇراقتىلىق پەن بىرىزدىلىك جوق ەكەنىن اتاپ ءوتتى. سونداي-اق ول جۇمىس توبىنىڭ «بىرلىك» پارتياسىنىڭ جارعىسى مەن باعدارلاماسىنا جىلدار بويى وزگەرىستەر ەنگىزىلمەگەندىكتەن ونداعى كوپتەگەن ماسەلەلەر زاماناۋي ساياسي جاعداياتتا ءوزىنىڭ وزەكتىلىگىن جويعان» دەگەن پىكىرىن سەزد دەلەگاتتارىنا جەتكىزدى. سەيتجانوۆ ق.ق. ءوز ءسوزىن « «بىرلىك» پارتياسىنىڭ قوسىلۋى «اۋىل» پارتياسىنا ەشقانداي دا ساياسي بەدەل اپەرمەيدى» دەپ تۇيىندەدى.

جۇمىس توبىنىڭ ەسەبىنەن كەيىن اكبەرديەۆ ف.ا.، سادىرباەۆ ا.ج. جانە ورازباەۆ ع.ج. سياقتى سەزد دەلەگاتتارى جارىسسوزگە شىعىپ، ءوز پىكىرلەرىن ءبىلدىردى. داۋىسقا سالۋ بارىسىندا دەلەگاتتاردىڭ باسىم بولىگى جۇمىس توبىنىڭ قورتىندىسىن قولداپ، «بىرلىك» ساياسي پارتياسىنىڭ «اۋىل» حالىقتىق – دەموكراتيالىق پاتريوتتىق پارتياسىنا قوسىلۋ تۋرالى ۇسىنىسىنا قارسى داۋىس بەردى.

سونىمەن قاتار، «اۋىل» پارتياسىنىڭ كەزەكتەن تىس سەزىندە ««اۋىل» حالىقتىق – دەموكراتيالىق پاتريوتتىق پارتياسىنىڭ ساياسي كەڭەس پرەزيديۋمىنىڭ قۇرامىنا وزگەرىستەر ەنگىزۋ تۋرالى» ماسەلە قاراستىرىلدى. سەزد دەلەگاتتارىنىڭ ءبىراۋىزدان قولداۋىمەن ەڭبەك جانە الەۋمەتتىك قورعاۋ ەكس ۆيتسە- ءمينيسترى جاكۋپوۆا سۆەتلانا قابىكەنقىزى، ە.ع.د.، «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ كەڭەسشىسى ەربول ەسەنەەۆ، «شوپان-اتا» ۇلتتىق قوي وسىرۋشىلەر قاۋىمداستىعىنىڭ توراعاسى المازبەك سادىرباەۆ جانە «اۋىل» حدپپ جاستار قاناتىنىڭ وكىلى ايگەرىم كوكەەۆا پارتيانىڭ ساياسي كەڭەس پرەزيديۋمىنىڭ قۇرامىنا ەندى.

سەزد جۇمىسىنان كەيىن ساياسي كەڭەستىڭ شەشىمىمەن قايرات ايتۋعانوۆ جانە سۆەتلانا «جاكۋپوۆا «اۋىل» حالىقتىق – دەموكراتيالىق پاتريوتتىق پارتياسى توراعاسىنىڭ ورىنباسارى بولىپ سايلاندى.

Abai.kz