«الداعى سايلاۋدا جاستار «اق جول» دەموكراتيالىق پارتياسىن قولدايتىن بولادى.  سەبەبى، «اق جول» پارتياسى - وزگەرىستەردىڭ، جاڭا بۋىن مەن جاڭا يدەيالاردىڭ پارتياسى».

21 جەلتوقسان كۇنى استانادا، «اق جول» پارتياسىنىڭ ورتالىق عيماراتىندا، پارتيانىڭ توراعاسى ا.پەرۋاشەۆپەن كەزدەسكەن جاستار ۇيىمدارى وسىنداي توقتامعا كەلدى.

جيىنعا «جاس مامان»، اۋىل جاستارىنىڭ وداعى، «بولاشاق» قوعامدىق ۇيىمى جانە ت.ب. قاتىسقان بولاتىن.

جيىندا ءسوز العان پارتيا توراعاسى ا.پەرۋاشەۆ سوڭعى ايلاردا «اق جول» پارتياسى قاتارىنا جاستاردىڭ كوپتەپ ەنىپ جاتقانىن ايتتى: «ولاردىڭ اراسىندا ومىردە ءوز ورنىن تاپقان كاسىپكەر جاستار، جاس ماماندار، ستۋدەنتتەر بار. شىنىن ايتۋ كەرەك، قازىرگى تاڭدا وقۋ ورنىن بىتىرگەن، ماماندىق العان جاستاردىڭ اراسىندا لايىقتى جۇمىس پەن تابىس تابۋ وڭاي شارۋا ەمەس. اسىرەسە، اۋىلدىق جەردەگى جاستاردىڭ ماسەلەسى اسا وزەكتى بولىپ وتىر. جاستار - ەلىمىزدىڭ بولاشاعى. ءبىزدىڭ تاۋەلسىز ەلىمىزدىڭ دامۋى مەن گۇلدەنۋىنە دە كەپىل بولاتىن - جاس ۇرپاق.

««اق جول» پارتياسى ءۇشىن جاستار پروبلەماسى ەڭ وزەكتى دە ماڭىزدى ماسەلەلەردىڭ ءبىرى. پارتيانىڭ سايلاۋلدى تۇعىرناماسىندا دا ءبىز جاستار ماسەلەسىن باسىمدىق ەتىپ وتىرمىز. ارينە، ارامىزدا جاستىعىنا قاراماي، ۇلكەن قىزمەتتەرگە، قوعامدىق جۇمىستارعا ارالاسىپ جۇرگەن جاستار از ەمەس. سونداي جاس بۋىننىڭ «اق جول» پارتياسىندا دا كوپ ەكەنى ءبارىمىزدى قۋانتادى»، - دەپ اتاپ ءوتتى. ا.پەرۋاشەۆ.

«الداعى سايلاۋدا جاستار «اق جول» دەموكراتيالىق پارتياسىن قولدايتىن بولادى.  سەبەبى، «اق جول» پارتياسى - وزگەرىستەردىڭ، جاڭا بۋىن مەن جاڭا يدەيالاردىڭ پارتياسى».

21 جەلتوقسان كۇنى استانادا، «اق جول» پارتياسىنىڭ ورتالىق عيماراتىندا، پارتيانىڭ توراعاسى ا.پەرۋاشەۆپەن كەزدەسكەن جاستار ۇيىمدارى وسىنداي توقتامعا كەلدى.

جيىنعا «جاس مامان»، اۋىل جاستارىنىڭ وداعى، «بولاشاق» قوعامدىق ۇيىمى جانە ت.ب. قاتىسقان بولاتىن.

جيىندا ءسوز العان پارتيا توراعاسى ا.پەرۋاشەۆ سوڭعى ايلاردا «اق جول» پارتياسى قاتارىنا جاستاردىڭ كوپتەپ ەنىپ جاتقانىن ايتتى: «ولاردىڭ اراسىندا ومىردە ءوز ورنىن تاپقان كاسىپكەر جاستار، جاس ماماندار، ستۋدەنتتەر بار. شىنىن ايتۋ كەرەك، قازىرگى تاڭدا وقۋ ورنىن بىتىرگەن، ماماندىق العان جاستاردىڭ اراسىندا لايىقتى جۇمىس پەن تابىس تابۋ وڭاي شارۋا ەمەس. اسىرەسە، اۋىلدىق جەردەگى جاستاردىڭ ماسەلەسى اسا وزەكتى بولىپ وتىر. جاستار - ەلىمىزدىڭ بولاشاعى. ءبىزدىڭ تاۋەلسىز ەلىمىزدىڭ دامۋى مەن گۇلدەنۋىنە دە كەپىل بولاتىن - جاس ۇرپاق.

««اق جول» پارتياسى ءۇشىن جاستار پروبلەماسى ەڭ وزەكتى دە ماڭىزدى ماسەلەلەردىڭ ءبىرى. پارتيانىڭ سايلاۋلدى تۇعىرناماسىندا دا ءبىز جاستار ماسەلەسىن باسىمدىق ەتىپ وتىرمىز. ارينە، ارامىزدا جاستىعىنا قاراماي، ۇلكەن قىزمەتتەرگە، قوعامدىق جۇمىستارعا ارالاسىپ جۇرگەن جاستار از ەمەس. سونداي جاس بۋىننىڭ «اق جول» پارتياسىندا دا كوپ ەكەنى ءبارىمىزدى قۋانتادى»، - دەپ اتاپ ءوتتى. ا.پەرۋاشەۆ.

جيىندى پارلامەنت ماجىلىسىنە ۇمىتكەرلەردىڭ ىشىندەگى ەڭ جاسى بولىپ تىركەلگەن «اقجولدىق»، كەنتاۋ ترانسفورماتور زاۋىتىنىڭ ۆيتسە-پەزيدەنتى، «جاس مامان» جاستار بىرلەستىگىنىڭ توراعاسى ەركەبۇلان يلياسوۆ جۇرگىزدى.

سونداي-اق، جيىندا قازاقستاننىڭ ۇلتتىق اۋىلشارۋاشىلىق پالاتاسىنىڭ پرەزيدەنتى ا.يگباەۆ، «اگروماشحولدينگ» اق ديرەكتورلار كەڭەسىنىڭ توراعاسى د.كيم، «بولاشاق» جاستار بىرلەستىگىنىڭ توراعاسى د.بابامۇراتوۆتار ءسوز سويلەدى.

«Kazakhstan  Rubber Recycling زاۋىتىنىڭ باس ديرەكتورى ايدار ماحامبەت: «اق جول» - جاستاردىڭ پارتياسى. ءبىز ءوز بولاشاعىمىزدى وسى پارتيامەن بايلانىستىرامىز. جانە سىزدەرگە سەنەمىز» دەدى.

«ونەرپاز جاستاردىڭ شىعارماشىلىق باستامالارىن قولداۋ ورتالىعى» قوعامدىق قورىنىڭ اتقارۋشى ديرەكتورى ل.لۇقپان ءوز سوزىندە: «پارتيانىڭ سايلاۋالدى تۇعىرناماسىن مۇقيات قاراپ شىقتىم. وندا، مەنىڭ ويىمشا، ءبىزدىڭ ەلگە قاجەتتى ءۇش باستى نارسە قامتىلعان. پارتيا رۋحاني دامۋعا، حالىقتىڭ بىرلىگى مەن جاستارعا قولداۋ كورسەتۋگە شاقىرىپ وتىر. مەن الماتى ءماسليحاتىنىڭ دەپۋتاتتىعىنا ۇمىتكەرمىن. ءبىز جەڭىسكە جەتەمىز دەگەن سەنىمدەمىن» دەدى.

جاستار ا.پەرۋاشەۆتان جاڭا جىلدان كەيىن الماتىدا جاستار ماسەلەسىنە ارنالعان دوڭگەلەك ۇستەل وتكىزۋگە كومەكتەسۋدى سۇرادى. «اق جول» پارتياسىنىڭ سايلاۋالدى تۇعىرناماسىن تولىقتاي قولدايتىندارىن جەتكىزدى.

جيىن سوڭىندا «اق جول» پارتياسى مەن جاستار ۇيىمدارى ىنتىماقتاستىق تۋرالى مەموراندۋمعا قول قويدى.

الداعى بولاتىن پارلامەنت ماجىلىسىنە سايلاۋ جاستار قاۋىمىنىڭ تاراپىنان ۇلكەن قىزىعۋشىلىق تۋعىزىپ وتىر. وسى رەتتە بەلسەندى جاستار ۇيىمدارىنىڭ «اق جول» پارتياسىنىڭ عيماراتىندا باس قوسىپ، بىرلەسىپ جۇمىس جاساۋ تۋرالى ۋاعدالاسۋىنىڭ ءوزى پارتيانىڭ، اسىرەسە، جاستار اراسىندا ۇلكەن تانىمالدىق پەن بەدەلگە يە ەكەنىن تاعى دا ءبىر كورسەتتى.

ا.وركەنباەۆ