جۇما, 29 ناۋرىز 2024
3078 1 پىكىر 15 قىركۇيەك, 2020 ساعات 14:51

قۋانىشباەۆ تەاترىنا جاڭا باسشى تاعايىندالدى

ەلورداداعى قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنا ەرنار قۇربانبەكۇلى جۇماتاەۆ ديرەكتور بولىپ تاعايىندالدى. بۇل تۋرالى تەاتردىڭ ءباسپاسوز قىزمەتى مالىمدەدى. 

ەرنار قۇربانبەكۇلى - 1984 جىلى تاشكەنت وبلىسى، شىڭعىس اۋىلىندا دۇنيەگە كەلگەن. 2002 جىلى ت. جۇرگەنوۆ اتىنداعى قازاق ۇلتتىق ونەر اكادەمياسىنداعى پروفەسسور ن. جاقىپباي شەبەرحاناسىندا «دراما جانە كينو اكتەرى» ماماندىعىن يگەرەدى.

اكادەميانى تامامداعان سوڭ، تازابەكوۆ تەاترىندا اكتەرلىك قىزمەت اتقارادى. ال 2007 جىلى رەجيسسەر نۇرقانات جاقىپباي مەن شاكىرتتەرى باستاعان توپ ەلورداداعى جاستار تەاترىنىڭ ىرگەسىن قالايدى.

ەرنار قۇربانبەكۇلى قازاق جۇرتىنا «دەنار» توبى ارقىلى جاقسى تانىس. 2008 جىلى قۇرىلعان توپ ەلىمىزدىڭ ەسترادا ونەرىنە وزدەرىنىڭ ەرەكشە ستيلىمەن كەلىپ، حالىق اراسىنا بىردەن تانىلىپ كەتكەن بولاتىن. كەيىن ول ءوزىنىڭ ماماندىعى بويىنشا كينو جانە سەريالدارعا تۇسە باستادى. ونەر يەسىنىڭ «بايتەرەك»، «امانات» كوركەم فيلمدەرىندەگى، سونىمەن بىرگە «اكە سەرتى»، «سىرعالىم» سەريالدارىنداعى رولدەرى ءوز كورەرمەنىن تابا ءبىلدى.

ونەر ۇجىمىنىڭ باسشىلىعىنا تاعايىندالعان ەرنار كۇربانبەكۇلى - جاستار تەاترىنىڭ شاڭىراعىن كوتەرىپ، ۋىعىن قاداسقانداردىڭ ءبىرى. ول تەاتردىڭ بىرقاتار رەپەرتۋارىنداعى ن. گوگولدىڭ «رەۆيزور» تراگيفارسىندا - وسيپ، ع. مۇسىرەپوۆتىڭ «قوزى مەن بايان» ميۋزيكلىندە - ايباس، ش. ايتماتوۆتىڭ «جان ازابى» ءافساناسىندا - ماڭگۇرت جولامان رولدەرىن ءساتتى سومدادى.

ەلوردامىزداعى بەيبىتشىلىك جانە كەلىسىمى سارايى ديرەكتورىنىڭ ورىنباسارى بولدى. 2016 جىلدان باستاپ وسى ۋاقىتقا دەيىن نۇر-سۇلتان قالاسى جاستار تەاترىنىڭ ديرەكتورى بولىپ قىزمەت اتقاردى. «قۇرمەت» وردەنىنىڭ يەگەرى.

ايتا كەتەيىك، بۇعان دەيىن تەاتر ديرەكتورى قىزمەتىن اسحت ماەمەروۆ اتقارعان بولاتىن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618