جۇما, 29 ناۋرىز 2024
جاڭالىقتار 3234 0 پىكىر 26 جەلتوقسان, 2011 ساعات 04:34

ءامىرجان قوسانوۆ. جاڭاوزەنگە

وزەنىم، مەنىڭ وزەنىم،

وزەنىم، مەنىڭ ءوز ەلىم!

ءوزىڭدى اتىپ جاتقاندا

ءوز-ءوزىم قالاي توزەمىن؟

 

وزەنىم مەنىڭ، وزەنىم،

ورەلى ولكەم، ءوز ەلىم.

ولگەنىن كورىپ ورەننىڭ

ورتەندى وكسىك وزەگىم!

 

قىمتانىپ كۇتەم قىستى الدا،

جىلىتار مەنى ولەڭ-ءدۇر.

بايكۇنا وققا ۇشقاندا

كۇناھار بولىپ، مەن ءولدىم!

 

وت جانسا، ءىزى - شوق قالار،

قالاساڭ جانار قار قالىڭ.

بولايىن ساعان وققاعار،

بولايىن سەنىڭ قالقانىڭ!

 

قالتالى بۇگىن - ارقالى،

قالتاسىزدارعا كۇش تاڭدى!

سىرت كۇشكە كىنا ارتادى، -

تاپپاي ما ىشكى دۇشپاندى!

 

ءاربىرى - جىگىت سۇلتانى،

دەس بەرە قويماس كىم كىمگە!

ىرىمشىل ەلدىڭ ۇرپاعى

«بۇلىكشىل» بولدى ءبىر كۇندە!

 

قوماعاي شەننىڭ قۇلقىنى -

استارى ادام اتۋدىڭ!

بيلىكتىڭ ءوزى بۇل كۇنى -

اتاسى ارانداتۋدىڭ!

 

وزەنىم، مەنىڭ وزەنىم،

وزىڭنەن قالاي بەزەمىن؟

قورقاقتىق سىندى ءبىر دەرتتىڭ

قالايشا تابام تەز ەمىن!

 

قۇداي-اۋ، قاشان قاراستىڭ؟

ىزادان قاينار بار قانىم!

باعى ەمەس، سورى الاشتىڭ

مۇنايدى بۇگىن قارعادىم!

 

اقتاۋىم - اعىم، اق قالا،

جەڭىل مە سەنىڭ قۇت-تۇزىڭ؟

مۇنايدىڭ ءتۇسى قاپ-قارا،

ال قاننىڭ ءتۇسى - قىپ-قىزىل!

 

وزەنىم، مەنىڭ وزەنىم،

وزەنىم، مەنىڭ ءوز ەلىم!

ءوزىڭدى اتىپ جاتقاندا

ءوز-ءوزىم قالاي توزەمىن؟

 

وزەنىم مەنىڭ، وزەنىم،

ورەلى ولكەم، ءوز ەلىم.

ولگەنىن كورىپ ورەننىڭ

ورتەندى وكسىك وزەگىم!

 

قىمتانىپ كۇتەم قىستى الدا،

جىلىتار مەنى ولەڭ-ءدۇر.

بايكۇنا وققا ۇشقاندا

كۇناھار بولىپ، مەن ءولدىم!

 

وت جانسا، ءىزى - شوق قالار،

قالاساڭ جانار قار قالىڭ.

بولايىن ساعان وققاعار،

بولايىن سەنىڭ قالقانىڭ!

 

قالتالى بۇگىن - ارقالى،

قالتاسىزدارعا كۇش تاڭدى!

سىرت كۇشكە كىنا ارتادى، -

تاپپاي ما ىشكى دۇشپاندى!

 

ءاربىرى - جىگىت سۇلتانى،

دەس بەرە قويماس كىم كىمگە!

ىرىمشىل ەلدىڭ ۇرپاعى

«بۇلىكشىل» بولدى ءبىر كۇندە!

 

قوماعاي شەننىڭ قۇلقىنى -

استارى ادام اتۋدىڭ!

بيلىكتىڭ ءوزى بۇل كۇنى -

اتاسى ارانداتۋدىڭ!

 

وزەنىم، مەنىڭ وزەنىم،

وزىڭنەن قالاي بەزەمىن؟

قورقاقتىق سىندى ءبىر دەرتتىڭ

قالايشا تابام تەز ەمىن!

 

قۇداي-اۋ، قاشان قاراستىڭ؟

ىزادان قاينار بار قانىم!

باعى ەمەس، سورى الاشتىڭ

مۇنايدى بۇگىن قارعادىم!

 

اقتاۋىم - اعىم، اق قالا،

جەڭىل مە سەنىڭ قۇت-تۇزىڭ؟

مۇنايدىڭ ءتۇسى قاپ-قارا،

ال قاننىڭ ءتۇسى - قىپ-قىزىل!

 

اۋزىما ءدامى كەپ كەرمەك،

ەڭسەمدى باستى مىقتى ءزىل!

تۋىمنىڭ ءتۇسى - كوكپەڭبەك،

ال قاننىڭ ءتۇسى - قىپ-قىزىل.

 

كاسپيدىڭ كوركى - كوك ايدىن،

شىندىقتىڭ جولى - ءتىپتى ۇزىن!

باسقانىڭ ءتۇسى - نەعايبىل،

اشۋدىڭ ءتۇسى - قىپ-قىزىل!

 

وزەنىم، مەنىڭ وزەنىم،

اققۋىم ارۋ، گوزەلىم!

ىزدەۋمەن سەندەي تەكتىنى

دۇنيەنى تورتكۇل كەزەمىن!

 

وزەنىم، مەنىڭ وزەنىم،

ءور مىنەز، وتكىر، ءوز ەلىم!

ۇندەمەي قالسام، ءدال ەرتەڭ

مەنىڭ دە كەلەر كەزەگىم!

 

ەرەكشە ىزعار بار قىستا،

كوكتەمىڭ - الىس ساعىم با؟

ءبىلىپ قوي، بيلىك، تارتىستا

مەن بولام حالقىم جاعىندا!

 

وزەنىم مەنىڭ، وزەنىم،

وركەندى ەلدىڭ ءوزى ەدىڭ!

وزەنگە كومەك بەرمەدىڭ -

ەرلەرسىڭ قاشان ەز ەلىم؟!

 

وزەنىم مەنىڭ، وزەنىم،

وزەنىم  مەنىڭ - ءوز ەلىم!

بيلىككە تىقىر تاياندى،

مەن سونى انىق سەزەمىن!

 

ولەڭىم - كوڭىل ساراسى.

قولىمدا - قالام، جىر تۋى.

ءومىر مەن ءولىم اراسى -

مىلتىقتىڭ جالعىز ءدۇمپۋى.

 

كورمەيتىن كوزدى سوقىر ەت،

ورلەۋسىز ولكەڭ - وتارىڭ!

وسەكشىل وكتەم - وكىمەت،

وگەي بوپ كەتكەن وتانىڭ!

 

شىرىلداپ شىدام شاق قالدى،

كوزىمنىڭ جاسىن بۇلايىن.

ءوزىڭدى بۇگىن اتقاندى

اتسىنشى ەرتەڭ قۇدايىم!

19 جەلتوقسان 2011 جىل

"اباي-اقپارات"

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2273
عيبىرات

قايسار رۋحتى عازيز جان

مۇحتار قۇل-مۇحاممەد 3590