قازاقستان رەسپۋبليكاسى 2020 جىلعى 27 قىركۇيەكتە تاۋلى قاراباقتا ورىن العان ارميان-ازەربايجان قاقتىعىسىنىڭ ۋشىعۋىنا اسا الاڭداۋشىلىعىن بىلدىرەدى. بۇل تۋرالى قر سىرتقى ىستەر مينيسترلىگى مالىمدەدى. 

«بىزگە دوستاس ازەربايجان رەسپۋبليكاسى مەن ارمەنيا رەسپۋبليكاسىن جاعدايدى تۇراقتاندىرۋ ءۇشىن بارلىق شارالاردى قابىلداۋعا، كۇش قۇرالدارىن پايدالانۋدان باس تارتۋعا جانە ماسەلەنى كەلىسسوزدەر ارقىلى شەشۋگە شاقىرامىز»،- دەلىنگەن حابارلامادا.

سونىمەن قاتار، قازاقستان جانجالدى بەيبىت جولمەن شەشۋ ءۇشىن كومەكتەسۋگە دايىن ەكەنىن مالىمدەدى.

«حالىقارالىق ۇيىمداردىڭ الاڭدارىندا جانجالدى شەشۋدىڭ بەيبىت جولدارىن ىزدەۋگە كومەكتەسۋگە دايىنبىز. اوسشك قازىرگى توراعاسى رەتىندە كەڭەستىڭ سەنىم شارالارى پاكەتىن پايدالانۋدى ۇسىنامىز»،- دەدى قر ءسىم.

ايتا كەتەيىك، 27 قىركۇيەك كۇنى تاڭەرتەڭ ارمەنيا مەن ازەربايجان اراسىنداعى قاقتىعىس شيەلەنىسىپ، تاۋلى قاراباقتا سوعىس جاعدايى ەنگىزىلدى. ارمەنيا دا قاراباقتاعى وقيعالارعا بايلانىستى اسكەري جاعداي مەن جالپى موبيليزاتسيا جاريالادى.

ءازىربايجان دا بۇگىننەن باستاپ سوعىس جاعدايى ەنگىزىلگەنىن مالىمدەدى.

Abai.kz