جەكسەنبى كۇنى الەۋمەتتىك جەلىدە جاريالانعان ۆيدەودا ەر ادامنىڭ بالانى اياۋسىز ۇرىپ جاتقانى تۇسىرىلگەن. تاعى ءبىر ۆيدەودا اكەسى باسقا ۇلىن ساباپ جاتىر.

بۇل ۆيدەو جۋرناليست جازيرا بەگالىنىڭ Facebook پاراقشاسىندا جاريالاندى. ونىڭ سوزىنشە، وقيعا قازىعۇرت اۋدانىنداعى قىزىلقيا اۋىلىندا بولعان. قازىر بالالارى مەن شەشەلەرى ۇيىنەن قاشىپ كەتكەن.

الەۋمەتتىك جەلى قولدانۋشىلارى اكەسىن جاۋاپقا تارتۋعا شاقىرىپ، پوليتسيانىڭ ارەكەتسىزدىگىن سىنادى.

الەۋمەتتىك جەلىدەگى نارازىلىقتان كەيىن قازىعۇرت اۋدانىنىڭ پوليتسياسى بالالارىن ۇرعان ەر ادامعا قارسى قىلمىستىق ءىس قوزعانىن مالىمدەدى

قىركۇيەك ايىندا ىشكى ىستەر ءمينيستردىڭ ورىنباسارى الەكسەي كالايچيدي بيىل وتباسىنداعى زورلىق-زومبىلىققا بايلانىستى پوليتسيا كوپتەگەن شاعىمعا ءتيىستى شارا قولدانا المادى دەپ مالىمدەدى.

ونىڭ سوزىنشە، سوڭعى سەگىز ايدا تۇرمىستىق زورلىق-زومبىلىققا بايلانىستى 130 مىڭ شاعىم تۇسكەن. ولاردىڭ تەك 2,5 مىڭىنا قاتىستى قىلمىستىق ءىس قوزعاعان، 30 مىڭ ءىس اكىمشىلىك قاراۋعا جىبەرىلگەن.

قازىر قازاقستان پارلامەنتىندە وتباسىنداعى زورلىق-زومبىلىققا قارسى جازانى كۇشەيتۋ جونىندە زاڭ جوباسى قارالىپ جاتىر.

Abai.kz