سەنبى, 5 جەلتوقسان 2020
COVID-19 قازاقستاندا. جۇقتىرعاندار — 135498. جازىلعاندار — 119419. قايتىس بولعاندار — 2034
2099 6 پىكىر 30 قازان, 2020 ساعات 13:25

قازاقستاندا زەينەتاقى جۇيەسىن وزگەرتۋ ۇسىنىلدى

ەڭبەك جانە حالىقتى الەۋمەتتىك قورعاۋ مينيسترلىگى قازاقستاننىڭ زەينەت جۇيەسىن 2030 جىلعا دەيىن جاڭعىرتۋ بويىنشا كونتسەپتسيانى وزگەرتۋگە بايلانىستى ۇسىنىستارىن جاريالادى.

قاۋلى جوباسى «اشىق ۇەۇ» سايتىندا جاريالاندى. قوعامدىق تالقىلاۋ 2020 جىلعى 12 قاراشاعا دەيىن پورتالدا جالعاسادى.

مينيسترلىك جاريالاعان كونتسەپتسيادا 2028 جىلدان باستاپ بازالىق زەينەتاقىدان ەڭ تومەنگى كەپىلدەندىرىلگەن زەينەتاقىعا اۋىسۋ ۇسىنىلدى. ۆەدومستۆوداعىلار مۇنداي وزگەرىس مەملەكەتتىك كەپىلدىك بەرۋ مەحانيزمىن ىنتالاندىرادى، ەڭبەك ءوتىلى ۇزاق ازاماتتاردىڭ زەينەتاقى جۇيەسىنە قاتىسۋ دەڭگەيىن ارتتىرادى دەپ ەسەپتەيدى.

زەينەتاقىمەن قامسىزداندىرۋدىڭ ەڭ تومەنگى كەپىلدىكتەرىن قولايلى دەڭگەيدە بەرۋ ماقساتىندا بازالىق زەينەتاقىنى تاعايىنداۋدان ەڭ تومەنگى كەپىلدىك بەرىلگەن زەينەتاقىنى تاعايىنداۋعا ءوتۋ جۇزەگە اسىرىلاتىن بولادى (2028 جىلدان باستاپ).

1) زەينەتاقى جۇيەسىنە كەمىندە 5 جىل قاتىسۋ ءوتىلى بار ادامدار ءۇشىن ەڭ تومەنگى كۇنكورىس دەڭگەيىنىڭ 70 پايىز مولشەرىندە ەڭ تومەنگى كەپىلدىك بەرىلگەن زەينەتاقى بەلگىلەنسىن;

2) زەينەتاقى جۇيەسىنە قاتىسۋ ءوتىلى 5 جىل بولعان جاعدايدا ەڭ تومەنگى كۇنكورىس دەڭگەيىنىڭ 70 پايىز مولشەرىندە بازالىق زەينەتاقىنى ايقىنداۋ، 5 جىلدان اسقاننان كەيىن ءاربىر جىلعا ونىڭ مولشەرى 2 پايىزا ۇلعايتىلاتىن بولادى;

3) بازالىق زەينەتاقى تاعايىنداۋدى الىپ تاستاۋ;

4) بازالىق زەينەتاقى الۋشىلار ءۇشىن ەڭ تومەنگى كەپىلدىك بەرىلگەن زەينەتاقىنى بازالىق زەينەتاقى مولشەرىن ەسەپتەۋ كەزىندە ەسكەرىلگەن زەينەتاقى جۇيەسىنە قاتىسۋ ءوتىلىن ەسكەرە وتىرىپ ەسەپتەۋ ۇسىنىلادى.

Abai.kz

6 پىكىر