– ارمەنيا مەنىڭ تالابىما كونبەسە، ءبىز سوڭىنا دەيىن بارامىز. ولار وككۋپاتسيالاعان جەرىنىڭ بارىنەن كەتۋى ءتيىس، – دەدى اليەۆ جەكسەنبىدە ازەربايجان حالقىنا ۇندەۋىندە.
ونىڭ ايتۋىنشا، 27 قىركۇيەكتەن بەرى ازەربايجان اسكەرى 200-گە تارتا ەلدىمەكەندى قايتارعان. ولادىڭ اراسىندا فيزۋلي، جابرايل، زانگيلان، گۋبادلى، شۋشا قالالارى بار.
– ۇرىس جالعاسادى، ءالى دە وككۋاتسيادا تۇرعان ەلدىمەكەندەر بار. ازەربايجان اسكەرىنىڭ جەڭىستى جولى جالعاسادى. ءبىز ارميان ارمياسىن، ولاردىڭ اسكەري تەحنيكاسىن جويدىق. ارمەنيا اسكەري كومەك سۇراپ، ءوزىنىڭ جەڭىلگەنىن ءىس جۇزدىندە مويىندادى، – دەدى ول.
ارمياندار جاعى اليەۆتىڭ بۇل مالىمدەمەسىنە ءالى جاۋاپ قاتقان جوق.
مۇنىڭ الدىندا جەكسەنبى كۇنى مويىندالماعان تاۋلى قاراباق ايماعىنىڭ قورعانىس مينيسترلىگى ازەربايجاننىڭ قارۋلى ى كۇشتەرى شۋشا ماڭىندا شىعىنعا ۇشىراعانىن حابارلادى.
"شۋشا ماڭىندا جانە قاراباق قاقتىعىس ايماعىنىڭ وڭتۇستىك-شىعىس باعىتىندا كەسكىلەسكەن سوعىس بولدى. تاۋلى قاراباق رەسۋپبليكاسىنىڭ (تاۋەلسىزدىگىن ەشبىر ەل مويىنداماعان ايماقتىڭ اتاۋى – رەد.) قارسىلاسقا دالدەپ سوققى دارىتىپ، شابۋىل ارەكەتتەرىنىڭ كوبىنە تويتارىس بەردى. قارسىلاستىڭ ادام كۇشتەرى اراسىندا كوپ شىعىن بولدى، ءتورت تانكى، 20 بروندالعان تەحنيكانىڭ باسقا ءتۇرى، 11 اۆتوتەحنيكا، ۇشقىشى جوق ەكى ۇشاق قيراتىلدى" دەپ حابارلادى مەكەمەنىڭ ءباسپاسوز قىزمەتى جەكسەنبى تاڭەرتەڭ.
1990 جىلداردىڭ باسىندا ازەربايجان ارميان تۇرعىندارمەن جانە ارمەنيامەن بولعان كونفليكت كەزىندە تاۋلى قاراباقتى جانە باسقا جەتى اۋداندى باقىلاۋىنان شىعارىپ العان.
ءبىر تاراپتان ارمەنيا مەن ءوزىن "تاۋلى قاراباق رەسپۋبليكاسى" دەپ جاريالاعان ايماق جانە ەكىنشى تاراپتان ازەربايجان رەسپۋبليكاسى اراسىنداعى سوعىستى توقتاتۋ تۋرالى بىتىمگە 1994 جىلى قول قويىلعان.
قازىر كەلىسسوز پروتسەسى 1992 جىلى قاراباق داۋىن رەتتەۋ ءۇشىن قۇرىلعان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) مينسك توبى اياسىندا ءجۇرىپ جاتىر. وعان ازەربايجان، ارمەنيا، بەلارۋس، گەرمانيا، يتاليا، شۆەتسيا، فينليانديا، تۇركيا كىرەدى. توپتىڭ تەڭ توراعالارى – رەسەي، فرانتسيا جانە اقش.
ازەربايجان ءوزىن رەسپۋبليكا دەپ جاريالاعان تاۋلى قاراباقتى قاقتىعىستىڭ ءبىر تارابى دەپ مويىندامايدى جانە ونىمەن كەلىسسوز جۇرگىزۋگە قارسى.
Abai.kz
