قانداي دەڭگەيدەگى سايلاۋلار بولسىن، ول قوعامدا داۋ-داماي، قايشىلىق تۋعىزۋ ءۇشىن ەمەس، كەرىسىنشە سول قايشىلىقتاردىڭ الدىن الىپ، ۇلتتى ۇيىستىرۋعا، سول ارقىلى حالىقتىڭ تۇرمىسىن، الەۋەتىن جاقسارتۋ ءۇشىن وتكىزىلۋى كەرەك.

سايلاۋ پروتسەسى ادال جانە اشىق وتكىزىلسە، حالىقتىڭ ازاماتتىق بولمىسىن نىعايتۋعا، قوعامنىڭ مەملەكەتتىك بيلىك جۇيەسىنە سەنىمىن كۇشەيتۋگە اسەر ەتەدى. سوندىقتان دا الداعى سايلاۋدى ادىلەتتى وتكىزۋ ارقىلى مەملەكەتتىلىگىمىز بەن تاۋەلسىزدىگىمىزدىڭ مىزعىماۋىنا ايرىقشا مۇددەلىلىك تانىتاتىن، ەلىمىزدەگى ساياسي ورنىقتىلىققا ايرىقشا ۇيىتقى بولا الاتىن الەۋمەتتىك كۇشتى توپتاستىرا الامىز.

پارلامەنت تەك زاڭ شىعارۋشى ورگان ەمەس، وتكىر ويلارىمەن، شەشەن تىلىمەن ەلگە ۇلگى بولاتىن، وي سالاتىن الاڭ. وندا ساياسي ساۋاتتى، ادامي قاسيەتى جوعارى، ءوز وڭىرىندە، قوعامدا ۇلكەن ىقپالى بار، ءوز سالالارىنىڭ بىلىكتى ماماندارى، ءوز ويلارىن اشىق جەتكىزە الاتىن تۇلعالار بولۋ كەرەك.

مۇرات باقتيارۇلىنىڭ جازباسى

Abai.kz