سپيكەر - كومەك ەرەجەپۇلى ەرتاەۆ, «ۆولونتەرلار ليگاسى» قوعامدىق قورىنىڭ ۆولونتەرى، وڭتۇستىك قازاقستان مەديتسينالىق اكادەمياسىنىڭ قىزمەتكەرى.

- «Birgemiz Qamqor» جوباسىنىڭ گرانتى اياسىندا قانداي جۇمىستار اتقارىلدى؟

- مەن «Birgemiz» ۆولونتەرلارىنىڭ شىمكەنت قالاسىنداعى فرونت-كەڭسەسىن باسقاردىم. سول كەزدە قر اقپارات جانە قوعامدىق دامۋ مينيسترلىگى جانىنداعى «ازاماتتىق باستامالاردى قولداۋ ورتالىعى»-نىڭ «Birgemiz Qamqor» جوباسىنا قاتىسىپ، 300 مىڭ تەڭگە كولەمىندەگى گرانت ۇتىپ الدىم. باعىتىمىز – جالعىزباستى قارتتارعا، قارتتار ۇيىندەگى اتا-اپالارعا، مۇگەدەك جاندارعا كومەك كورسەتۋ ەدى. ءبىز قارتتار ۇيىندە كونتسەرتتىك باعدارلاما ۇيىمداستىرىپ، سىي—سياپات جاساۋدى جوسپارلاعانبىز. بىراق كارانتين باستالىپ كەتكەندىكتەن ءبىراز جۇمىستار كەيىنگە شەگەرىلدى. پادەنمياعا قاراماستان قولىمىزدان كەلگەن ىستەردى اتقارۋعا تىرىستىق. ۆولونتەر بولعاندىقتان بىزگە كارانتين ۋاقىتىندا قالادا ەمىن-ەركىن ءجۇرىپ-تۇرۋعا مۇمكىندىك بەرىلدى. اكىمشىلىك ارقىلى قاراۋسىز قالعان قارتتاردىڭ مەكەنجايلارىن انىقتادىق. ولاردىڭ ۇيلەرىنە بارىپ، قان قىسىمىن ولشەپ (ارامىزدا مەديتسينا قىزمەتكەرلەرى دە بولدى), قانت-كامپيتتەرىن، كەرەك-جاراقتارىن اپارىپ بەردىك. بۇل ىسكە دەمەۋشىلەر دە بولىستى. كارانتين تالاپتارى جەڭىلدەتىلگەننەن كەيىن «شانشار» ءازىل-سىقاق تەتارى 50 قارتتىڭ باسىپ، «كارانتيندەگى قىزىقتار» اتتى سپەكتاكل قويىپ بەردى. بۇدان سوڭ اتا-اپالارىمىزعا شاعىن داستارحان جايىلىپ، سىي-سياپات جاسالدى. الداعى اپتادا قارتتار ۇيىنە 10 دومبىرا، تەننيس ستولى، شاحمات، شاشكا سىيلاۋدى جوسپارلاپ وتىرمىز. بۇل ىستەردى ۇيىمداستىرۋعا اتسالىسقان ەرىكتىلەرگە العىس ايتامىن.

- ءسىز قازىر جۇمىس ىستەپ جۇرگەن «ۆولونتەرلار ليگاسى» قوعامدىق قورىنىڭ باعىتى قانداي؟ نەمەن اينالىسادى؟

- قوعامدىق قوردىڭ ماقساتى - ۆولونتەرلىك قىزمەتپەن اينالىساتىن جاستارعا دۇرىس باعىت-باعدار بەرۋ. جالپى كوپشىلىك ەرىكتىلەردى كونتسەرتتەردە شاپالاق ۇرىپ تۇراتىن، اكىمدەردىڭ جينالىسىندا توپ قۇراتىن تەگىن جۇمىس ىستەيتىن ادامدار دەپ قابىلدايدى. قوعامدا وسىنداي تەرىس پىكىر قالىپتاسقان. بۇل ۇلكەن قوزعالىس، قوعامدىق ينستيتۋت. ونىڭ ءوز زاڭناماسى بار، قۇقىعى بار. «ۆولونتەرلار ليگاسى» قوعامدىق قورى جاستاردى ەرىكتىلىككە باۋليدى، ولارعا باعىت-باعدار بەرەدى.

- نەلىكتەن ۆولونتەرلىكتى تاڭدادىڭىز؟ قايىرىمدىلىق ىسكە دەگەن سۇيىسپەنشىلىك قاشان وياندى؟

- قايىرىمدىلىق قازاقتىڭ قانىندا بار دۇنيە. قايرىمدىلىقتى بىرەۋى كوزبوياۋشىلىق ءۇشىن، بىرەۋى جارناما ءۇشىن، ءبىرى شىن نيەتپەن جاسايدى. ءبىر قولىم ىستەسە، ەكىنشى قولىم كورىنبەسە ەكەن دەيتىن اعالارىمىز دا بار. مەن باسىندا ۆولونتەرلارعا قاراپ «وسىنىڭ نە كەرەگى بار؟ مىنالار نەگە اقىسىز جۇمىس ىستەپ ءجۇر؟ ۇيىندە تىرلىگى جوق پا؟» دەپ ويلايتىنمىن. ۆولونتەرلىككە دەگەن ماحابباتىم كارانتين كەزىندە وياندى. جالعىزباستى قارتتار «بالام، راحمەت!» دەپ بەتىمنەن سۇيگەن كەزدە بەكەر جۇرمەگەنىمدى ۇقتىم. «Birgemiz Qamqor» گرانتىنىڭ ارتىقشىلىعى - سپونسور ىزدەمەيسىڭ، باسقالارعا جالىنبايسىڭ. مەملەكەتتەن بولىنگەن اقشانىڭ اياسىندا جۇمىس ىستەيسىڭ. ارينە، بۇل شاعىن قاراجات ءبارىنىڭ پروبلەماسىن شەشپەيدى، بىراق كوپكە دەمەۋ بەرەدى.

Abai.kz