كەشە ماجىلىستەگى «Nur Otan» پارتياسى فراكتسياسى كەڭەيتىلگەن وتىرىسىن وتكىزىپ، پارتيانىڭ «قازاقستان 2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىنىڭ ورىندالۋى تۋرالى ۇكىمەتتىڭ ەسەبى تىڭدادى. ەگەر بۇل مەحانيزم جۇمىس ىستەپ، ەسەپ سۇرالسا البەتتە جاقسى.

ۇكىمەت باسشىسى پارتيانىڭ سايلاۋ الدىنداعى مىندەتتەمەلەرى نەگىزىنەن ورىندالعانىن بايانداپ، ءبىرشاما ستاتيستيكا كەلتىرىلگەن ەكەن. مىسالى، مەكتەپتەر مەن بالاباقشالاردىڭ قۇرىلىسى ەرەكشە باقىلاۋدا ۇستالعان، ال، ءىرى ينفراقۇرىلىمدىق جوبالاردى ىسكە اسىرۋ، اۆتو جانە تەمىر جولداردى، زاماناۋي لوگيستيكالىق جوبالاردى جاڭعىرتۋ ناتيجەسىندە 559 مىڭ جۇمىس ورنى قۇرىلعان. 4 جىل ىشىندە 3 مىڭنان استام مەكتەپكە دەيىنگى بالالار مەكەمەسى سالىنعان. ءۇش اۋىسىمدى جانە اپاتتى مەكتەپتەردى ازايتۋ ءۇشىن 417 مەكتەپ پايدالانۋعا بەرىلسە،. بيىل جىل اقىرىنا دەيىن 56 مەكتەپ سالىنباق.

فراكتسيا جيىندا تولىق كولەمدە ورىندالماعان ۋادەلەرىن دە ايتىپ، ءوزىن سىناپتى، ولار نارىقتى وتاندىق ازىق-تۇلىك ونىمدەرىمەن، سانى 250 ادامنان اساتىن بارلىق ەلدى مەكەندەردى جوعارى جىلدامدىقتى ينتەرنەتپەن قامتۋ، مەملەكەتتىك جانە كۆازيمەملەكەتتىك سەكتوردىڭ ءىرى كومپانيالارىن جەكەشەلەندىرۋدەگى ولقى جۇمىسىنا وكىنىپ، وپىق جەپتى.

ال، قىزىعى، وسى پارلامەنتتە ءفورمالدى دەسەك تە باسقا پارتيالار بار عوي. ولار دا وسى ورىنعا جايعاسۋ ءۇشىن حالىققا ۋادەلەر بەردى. ولار ورىندادى ما ەكەن؟

كەشە عانا اتاۋىن اۋىستىرعان كوممۋنيستىك پارتيا بولسا ءوزىنىڭ سايلاۋالدى باعدارلاماسىندا قورشاعان ورتانى قورعاۋ، جاستاردى تاربيەلەۋ، الەۋمەتتىك ماسەلەلەردى شەشۋ ماسەلەلەرىن العا تارتقان.

ەلدە اەس سالۋ تۋرالى ءسوز بولعاندا بۇل پارتيا ءلام دەمەدى. جەر ماسەلەلەرى جانە مەملەكەتتىك بيلىك جۇيەسىن دەموكراتيالاندىرۋ، دەموكراتيانى كەڭەيتۋ تۋرالى، پارلامەنتتىك تيپتەگى مەملەكەت قۇرۋ تۋرالى ۋادەلەرى دە تىكەلەي كوتەرىلمەدى.

اقجول كوبىندە نۇر وتانمەن ۇندەس باستامالار جاسايدى. جاقىندا عانا پارلامەنتتە وپپوزيتسيا ينستيتۋتىن ەنگىزۋگە قۋانعان. مۇمكىن وسى جولى وتكىر ومىرشەڭ يدەيالارىن حالىققا تانىستىراتىن شىعار.

اقپاراتتىڭ دەرەككوزى: نۇرعالي نۇرتاي

Abai.kz