ناۋقاستاردىڭ تورتتەن ءۇشىن ەلدىڭ سولتۇستىك جانە شىعىس بولىگىندەگى ايماقتاردىڭ ۇلەسىندە.

Covid ناۋقاستارىنىڭ جالپى سانى جونىنەن ساناۋلى كۇن بۇرىن ءبىرىنشى ورىنعا شىققان شىعىس قازاقستان وبلىسىندا كوروناۆيرۋستى تاعى 145 ادامنىڭ جۇقتىرعانى انىقتالىپ وتىر. كۇز باستالعالى ايماقتار بويىنشا كوش باستاپ كەلگەن بۇل وبلىستا 28 قازاننان باستاپ كۇندەلىك انىقتالاتىن ناۋقاستار ءۇش تاڭبالى سانمەن بەلگىلەندى. وعان دەيىن اۋرۋعا شالدىققانداردىڭ تاۋلىك كورسەتكىشى 30-دان اسپاعان.

پاۆلودار وبلىسىندا 120, سولتۇستىك قازاقستان وبلىسىندا 105 ادام Covid جۇقتىرعاندار قاتارىنا قوسىلدى. ودان كەيىنگى ورىنداردا اقمولا وبلىسى (86), قوستاناي وبلىسى (85) جانە نۇر-سۇلتان قالاسى (83).

تۇركىستان وبلىسىندا 2, اقتوبە جانە قىزىلوردا وبلىستارىندا 1 ناۋقاستان تىركەلگەن.

قالعان ايماقتارداعى جاعداي مىناداي:

الماتى قالاسى – 73
شىمكەنت قالاسى – 6
الماتى وبلىسى – 33
اتىراۋ وبلىسى – 18
جامبىل وبلىسى – 14
باتىس قازاقستان وبلىسى – 39
قاراعاندى وبلىسى – 25

ەلدە ۆيرۋس جۇقتىرعاندار بارلىعى 130 865 ادامعا جەتتى. ونىڭ ىشىندە 116 187 ادام اۋرۋدان ايىعىپ ۇلگەرگەن. 28 قاراشاداعى رەسمي مالىمەت بويىنشا، Covid اۋرۋىنان بارلىعى 2020 ادام قايتىس بولعان. بۇل ستاتيستيكاعا كوروناۆيرۋس جۇقتىرعانى راستالعان، بىراق "ىلەسپە اۋرۋدان قايتىس بولدى" دەگەن جۇزدەگەن ادام كىرمەگەن.

Covid جونىندەگى ۇلتتىق ستاتيستيكاعا كوروناۆيرۋس پنەۆمونياسىنا شالدىققاندار قوسىلماي وتىر. ەسەبى 1 تامىزدان بەرى جۇرگىزىلىپ كەلە جاتقان بۇل اۋرۋعا 28 قاراشاعا دەيىن بارلىعى 41 940 ادام شالدىققان. ونىڭ ىشىندە 440 ادام اۋرۋدان ايىعا الماي قايتىس بولعان.

Abai.kz