بىرنەشە كۇن بۇرىن سايتىمىزدا «شوپان اتا» قوي وسىرۋشىلەر قاۋىمداستىعى توراعاسى الماسبەك سادىرباەۆتىڭ اۋىلشارۋاشىلىق مينيسترىنە قاراتا جازعان ماسەلەسىن ۇسىنعان ەدىك.

الايدا قازاقستاننىڭ اۋىلشارۋاشىلىعى مينيسترلىگى تاراپىنان ەشقانداي رەاكتسيا بولعان جوق.

وسىعان بايلانىستى الماسبەك سادىرباەۆ ءوزىنىڭ الەۋمەتتىك جەلىلەردەگى پاراقشاسىندا «شوشقا جەگەن» دەگەن تاقىرىپپەن سۋرەتتەر بايقاۋىن باستادى. بايقاۋ اۆتورى ەڭ ۇزدىك سويلەم جازعان ادامعا 100 000 تەڭگە سىياقى بەرەتىنىن جەتكىزگەن:

«قۇرمەتتى اعاي̆ىن!

اقتوبەدەگى شوشقا داۋىنا قاتىستى اي̆تقان پىكىرىم از ۋاقىتتىڭ ىشىندە بارلىق الەۋمەتتىك جەلىلەردە، باق بەتتەرىندە كەڭ تاراپ، جۇزدەن استام پىكىر كەلىپ ءتۇستى. بەلسەندىلىك تانىتىپ، مەنى قولداعان اعايىنعا العىس بىلدىرەمىن!

وسى ءساتتى پاي̆دالانىپ، مەن ءوز اتىمنان «بايقاۋ» جاريالاي̆مىن! باي̆قاۋدىڭ ماقساتى - حالىقتىڭ ءۇنىن بيلىككە جەتكىزۋ! حالىقتىڭ سالىعىن ارام ەمەس، ادال مالعا جۇمسالۋىن بىرگە تالاپ ەتەي̆ىك!

شارتى وپ-وڭاي̆. «شوشقا جەگەن...» دەپ باستالاتىن سوي̆لەمدى اياقتاپ جازاسىز. ول سوي̆لەمدى «كارتونعا» جازىپ الىپ تۋرا مەن سەكىلدى سۋرەتكە تۇسەسىز. سوسىن ونى فەي̆سبۋك نە ينستاگرامداعى پاراقشاڭىزعا #ارامشوشقا #شوشقاعاسۋبسيدياجوق دەگەن حەشتەگ پەن مەنىڭ پاراقشامدى بەلگىلەپ، جاريالاي̆سىز.

«لاي̆ك» سانى ماڭىزدى ەمەس. ەڭ كرەاتيۆتى سوي̆لەم اۆتورىنىڭ «kaspi» كارتاسىنا الماسبەكتىڭ اتىنان 100 000 تەڭگە سىي̆اقى اۋدارىپ جىبەرەمىن»، - دەگەن ول ءوز جازباسىندا.

ال ءبىز رەداكتسيا تاراپىنان ءالى دە بولسا قازاقستانداعى شوشقا شارۋاشىلىعىنا قاتىستى مينيسترلىكتىڭ جاۋابىن جاريالاۋعا دايىن ەكەنىمىزدى بىلدىرەمىز.

Abai.kz