سەنبى, 23 قاڭتار 2021
انە، كوردىڭ بە؟ 1295 4 پىكىر 1 جەلتوقسان, 2020 ساعات 12:04

ۋقك گەنوتسيد تۋرالى جاڭا دەرەكتەر جاريالادى

28 قاراشادا ۋكراينادا 1932-33 جىلدارداعى گولودومور قۇرباندارىن ەسكە الۋ كۇنى ءوتتى. وسىعان وراي، ۋكراينانىڭ قاۋىپسىزدىك قىزمەتى گولودوموردىڭ سالدارى تۋرالى جاڭا مالىمەتتەردى جاريالادى.

وندا 1937 جىلعى ساناق بويىنشا ۋكرايناداعى دەموگرافيالىق داعدارىس تۋرالى قۇپيا قۇجات ءمالىم بولدى.

«1937 جىلعى بۇكىلوداقتىق حالىق ساناعى ناعىز دەموگرافيالىق داعدارىستى كورسەتتى. كەڭەس دەموگرافتارى بۇل كەزدە ۋكراينا حالقى «35 ميلليون تۇرعىن بولادى دەپ كۇتتى. الايدا، ساناق تەك 29 ميلليوندى قۇرادى. ياعني، حالىق سانى 1926 جىلعى دەڭگەيدە قالعان»،- دەپ مالىمدەدى ۋقك.

سونىمەن قاتار ولار، سول كەزدە ساناق جۇرگىزگەندەرگە، ونىڭ ىشىندە وليمپيا كۆيتكينگە «حالىق سانىن ادەيى از كورسەتىپ، بۇرمالادى» دەپ نەگىزسىز ايىپ تاعىلىپ، اتىلعانىن ايتادى.

ايتا كەتەيىك، ۋكراينانىڭ جوعارعى راداسى 14 جىل بۇرىن 1932-1933 جىلدارداعى گولودوموردى ۋكراين حالقىنىڭ گەنوتسيدى دەپ تانىدى.

سونىمەن قاتار ۋكراينا بيلىگى باسقا مەملەكەتتەردەن گولودوموردى «گەنوتسيد»  دەپ تانۋدى سۇراعان.

ال، قازاقستاندا 1931-32 جىلدارداعى قولدان جاسالعان اشارشىلىق سالدارىنان 6,2 ملن رەسپۋبليكا حالقىنىڭ 2,1 ملن-ى قىرىلدى. كەيبىر دەرەكتەردە بۇل ساننىڭ الدەقايدا كوپ ەكەنى ايتىلادى. دەگەنمەن، قازاقستان بيلىگى سول كەزەڭدە بولعان اشارشىلىقتى «گەنوتسيد» دەپ تانىعان جوق.

Abai.kz

4 پىكىر