قىرعىزستاندا كوروناۆيرۋس جۇقتىرعان وقۋشىلار كوبەيدى
قىرعىزستاندا سوڭعى ءۇش ايدىڭ ىشىندە مەكتەپتە وقيتىن 683 وقۋشى كوروناۆيرۋس جۇقتىرىپ العان. بۇل تۋرالى دەنساۋلىق ساقتاۋ مينيسترلىگى حابارلادى.
مەكەمە مالىمەتىنە قاراعاندا، قىركۇيەكتە وقۋشىلاردىڭ اراسىندا COVID-19 ۆيرۋسىن جۇقتىرعان 48, قازاندا 315 جانە قاراشادا 320 جاعداي تىركەلگەن.
ۆيرۋسقا شالدىققان وقۋشىلاردىڭ سانى بويىنشا بىشكەك قالاسى، شۋ جانە ىستىقكول وبلىستارىندا كەڭ تاراعان. نارىن وبلىسىندا ەڭ از تىركەلگەن.
11 قاراشادان باستاپ ەل ايماقتارىنداعى 1489 مەكتەپتە 1-6-9-11-سىنىپتار كادىمگى رەجيمدە وقي باستاعان.
Abai.kz
