دۇنيە ەسىگىن اشقاننان باستاپ، جىل سايىنعى داتا،  ءار مۇشەل ادام ومىرىندەگى  بەلگىلى ءبىر بەلەس ىسپەتتى ەكەنى حاق. 75 جاسقا كەلۋىمە وراي، قولىما قالام ۇستاعالى شاما-شارقىمشا ازدى-كوپتى اتقارىپ جۇرگەن شىعارماشىلىق جۇمىستارىم جايىندا وزىمە ءوزىم جانە وقىرماندارىما ەسەپ بەرۋدى كوزدەگەن «تارتۋ»  اتتى جيناعىمدى جارىققا  شىعارىپ، سوعان قاناعاتتانىپ جۇرگەنمىن.

الايدا وعان جۇرتشىلىقتىڭ نازارىن اۋدارۋ، كوپكە جاريا ەتۋ ويىمدا بولعان ەمەس ەدى. سوعان قاراماستان، ەلى مەن حالقىنىڭ بولاشاعى جولىندا باستارىن بايگەگە تىككەن كەشەگى الاش ارىستارىنىڭ يدەياسىمەن قاناتتانىپ ءوسىپ كەلە جاتقان، سولاردىڭ ماقسات-مۇراتتارىن جالعاستىرۋشى، جاس تا بولسا كوپكە باس بولارلىق  ەلدوس توقتارباي مەن زاڭعار كارىمحان باستاعان، ەركىن ەربول، ۇشقىن سايدىراحمان، ارداق بەركىنباي، ەردەن نۇراحمەت، دانيار يقسان، ت.ب. ءبىر توپ  الاششىل جاستاردان قۇرىلعان «قىر بالاسى» قوعامدىق قورى ەلىمىزدەگى تاريحشىلار قاۋىمداستىعى، «ادىلەت» قوعامى، «ارىس» قورىنىڭ قولداۋىمەن الماتىداعى جامبىل اتىنداعى جاسوسپىرىمدەر كىتاپحاناسى مەن نۇر-سۇلتان قالاسىنداعى «رۋحانيات» ورتالىعىنىڭ زالىندا «ب. قويشىباەۆ شىعارماشىلىعىنداعى الاش جانە تۇلعاتانۋ ماسەلەلەرى» اتتى ءارى ونلاين، ءارى وفلاين كونفەرەنتسيا ۇيىمداستىرىپ وتكىزدى.

وسى ورايدا، ماعان جىلى قۇتتىقتاۋ حات جولداپ، شىعارماشىلىق جانە قوعامدىق قىزمەتىمە وڭ باعا بەرگەن قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆقا،  ونى قالا ۇكىمەتىنىڭ وكىلدەرىن باستاپ، شاڭىراعىما ارنايى كەلىپ تاپسىرعان الماتى قالاسى اكىمىنىڭ ورىنباسارى ەرجان باباقۇماروۆقا،  قۇتتىقتاۋلار جولداعان  قازاقستان رەسپۋبليكاسى پارلامەنتى سەناتىنىڭ توراعاسى ماۋلەن اشىمباەۆقا،  قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆقا،  قر ءبىلىم جانە عىلىم ءمينيسترى اسحات ايماعامبەتوۆكە، ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى، اكادەميك ەرلان سىدىقوۆقا، قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعانۇلىنا، قازاقستان جازۋشىلار وداعى باسقارماسىنىڭ توراعاسى ۇلىقبەك ەسداۋلەتكە زور العىسىمدى بىلدىرەمىن. سونداي-اق ونلاين-كونفەرەنتسيادا جەر-جەردەن پىكىر قوسقان قر ۇعا اكادەميگى مامبەت قويگەلدى، ەۋرازيا ۋنيۆەرسيتەتىنىڭ پروفەسسورلارى ساعىمباي جۇماعۇل، قايىربەك كەمەڭگەر، راحيما نۋريدەن، قوستانايلىق عالىم، اقىن اقىلبەك شاياحمەت، كوكشەتاۋلىق عالىم باقىت سماعۇلعا جانە كونفەرەنتسياعا تىكەلەي قاتىسقان رەپرەسسيا قۇرباندارى مۇرالارىن زەرتتەيتىن «ارىس» قورىنىڭ پرەزيدەنتى، پروفەسسور عاريفوللا انەس، قازاقستان جازۋشىلار وداعى باسقارما توراعاسىنىڭ ورىنباسارى، اقىن باقىت بەدەلحان، الماتى وبلىسى تالعار اۋدانى مادەنيەت باسقارماسىنىڭ باستىعى فاريدا بەگەنتاەۆا، جاڭالىقتاعى ساياسي قۋعىن-سۇرگىن مۇراجايىنىڭ ديرەكتورى مەيىرجان مۇساباەۆ، جۋرناليست احمەت ومىرزاق، الاش ارداقتىلارىنىڭ كوزى – قوڭىرقوجا قوجىقوۆتىڭ نەمەرەسى ساۋلە قوجىقوۆا، قوشكە كەمەڭگەروۆتىڭ نەمەرە قارىنداسى قارلىعاش كەمەڭگەروۆا، بىركە ايباسوۆتىڭ نەمەرەسى مارينا ايباسوۆاعا، وسى شارانى ۇيىمداستىرۋعا كوپ ەڭبەك سىڭىرگەن  جامبىل اتىنداعى جاسوسپىرىمدەر كىتاپحاناسىنىڭ ديرەكتورى عازيزا قۇدايبەرگەن، كىتاپحانا  قىزمەتكەرى شاراينا قۇماروۆا،  Qyr balasy  قوعامدىق قورىنىڭ جاۋاپتى حاتشىسى باعلان ابەۋگە، الەۋمەتتىك جەلىلەردە، جەكە حاتتاردا جەر-جەردەن ىستىق لەبىزدەرىن بىلدىرگەن بارشا تىلەكتەستەرىمە ريزاشىلىعىم شەكسىز.

مەرەيجاسىما بايلانىستى  مەنىڭ ازدى-كوپتى ەڭبەگىمە كورسەتىلگەن قۇرمەت – الاش ارىستارىنا قۇرمەت، سولاردىڭ ۇلى مۇراتتارىن جاڭعىرتۋ، بولاشاق ۇرپاققا اماناتتاۋدى  قولداۋشىلىق  رەتىندە قابىلدايمىن. وسى ورايدا مەنى قۋانتاتىن ەڭ باستى نارسە –  جاستارىمىزدىڭ بويىنا ۇلتىن سۇيۋشىلىك، ەلدىك پەن مەملەكەتشىلدىك، وتانشىلدىق قاسيەتتەردى ءسىڭىرىپ، ولاردى الاش ارىستارىنىڭ رۋحىندا  تاربيەلەۋدى  ماقسات ەتەتىن Qyr balasy  قوعامدىق قورىنىڭ يگى باستامالارى، ەلدوس توقتارباي، زاڭعار كارىمحان، ت.ب. سانالى دا رۋحى بيىك ءجاسورىم ىنىشەكتەرىمىزدىڭ ۇلكەن ۇمتىلىسى، باتىل دا شەشىمدى ىستەرى. ولاردىڭ الاش ارىستارى كوزدەگەن ۇلتتىق مۇراتتى بولاشاققا ساتىمەن جالعاستىرىپ،  ماڭگىلىك ەل ىرگەتاسىن بەكەمدەي تۇسۋگە بەلسەنە اتسالىساتىنىنا  كامىل سەنەمىن.

بارشاڭىزعا اللا رازى بولسىن!

بەيبىت قويشىباەۆ

Abai.kz