بۇگىن تاۋەلسىزدىك كۇنى! عاسىرلار بويى بىرەسە پاتشالىق رەسەيدىڭ، بىرەسە كەڭەستىك رەسەيدىڭ بودانىندا رۋحى جانشىلىپ، ۇلتتىق بەت-الپەتىنەن ءتۇپ-تۇگەل ايرىلۋدىڭ از-اق الدىنا جەتكەندە، قولدان اشارشىلىق ۇيىمداستىرىپ، رەپرەسسيا جۇرگىزىپ ميلليونداعان قازاقتى قاساقانا قىرىپ سالعان قاندى جۇيە، قىزىل كىسەننەن قۇتىلىپ شىققانىمىزعا تۇپ-تۋرا 30 جىل. بارشا قازاق جۇرتىنا عاسىرلار بويى اڭساعان، دۇنيەدەگى تەڭدەسسىز كۇن - تاۋەلسىزدىك كۇنى قۇتتى بولسىن ايتامىز!

تاۋەلسىزدىك - جۇزدەگەن جىلدار بويىنا جانكەشتىلىكپەن، قايسارلىقپەن جۇرگىزىلگەن قاندى شايقاستاردىڭ، قازاقتىڭ قانىمەن، كوز-جاسىمەن كەلگەن اياۋلى دا، ارداقتى، ەكى دۇنيەدەگى باعا جەتپەس بايلىعىمىز!

تاۋەلسىزدىك - قايتا ومىرگە كەلۋ. جاڭعىرۋ. ۇلتتىق ويانۋ. جانە تاۋەلسىزدىكتىڭ باعاسىنا جەتىپ، ونى ايالاي ءبىلۋ.

قۇرمەتتى، اسىلتەكتى الاشتىڭ ماڭگى جاسار ۇرپاعى! ۇلى دالامىزداعى ەڭ ۇلى مەرەكەمىز - تاۋەلسىزدىك كۇنى ەل مەن جەردىڭ ىرىسى مولايسىن!

تاۋەلسىزدىك ءۇشىن كۇرەس ءبىر ساتكە دە توقتاعان ەمەس! توقتامايدى دا! ويتكەنى، ازاتتىقتىڭ ءار تاڭى الاش بالاسىنان قادىرىنە جەتۋدى، قاجەت بولسا، قاسىق قانى قالعانشا قورعاۋدى تالاپ ەتەدى. تاۋەلسىزدىكتىڭ تۋىن تىك ۇستاپ، ۇرپاقتارعا اماناتتاپ وتىرۋ ءيسى قازاقتىڭ قاسيەتتى پارىزى ەكەنىن ءاربىر قازاق ەستەن شىعارماۋى ءتيىس!

ازاتتىق ءۇشىن كۇرەسكەن ازاماتتاردىڭ رۋحىنا مىڭ تاعزىم!

ەڭ ۇلى مەرەكەمىز - تاۋەلسىزدىك كۇنى قۇتتى بولسىن! تاۋەلسىزدىك كۇنى بارشا الاش بالاسىنا قۇتتى بولسىن! بوستاندىق باياندى بولعاي!

Abai.kz ۇجىمى