28 جەلتوقساندا نۇر-سۇلتاندا قازاقستان حالىق پارتياسىنىڭ اتىنان قر پارلامەنتى ءماجىلىسىنىڭ دەپۋتاتتىعىنا كانديداتتار سۋپەرماركەتتەر جەلىسى مەن ساۋدا نۇكتەلەرىن ارالاپ، قازاقستاندىق وندىرۋشىلەردىڭ ونىمدەرىنىڭ بار-جوعىن تەكسەردى. قحپ مۇشەلەرى وتاندىق كومپانيالار ۇسىناتىن دۇكەن سورەلەرىندەگى بارلىق اسسورتيمەنتتى قاراپ، زەردەلەپ شىقتى. «حالىقتىكىن ساتىپ ال» اكتسياسى بارىسىندا دەپۋتاتتىققا كانديداتتار قازاقستاندىق وندىرۋشىلەردىڭ ونىمدەرىن ساتىپ الدى.

قحپ مۇشەلەرى جەرگىلىكتى تاۋارلاردىڭ قۇنىن كوتەرمەۋ كەرەك دەپ سانايدى. مۇنداي ونىمدەردىڭ باعاسىن ۋاكىلەتتى ورگاندار باقىلاۋى كەرەك.

– بيىل پاندەميا كەزىندە ءبىز ۇلكەن پروبلەماعا تاپ بولدىق. ول – وتاندىق وندىرۋشىلەردىڭ ونىمدەرى مەن قاجەتتى تاۋارلارى باعاسىنىڭ ءوسۋى. وسىمدىك مايىنىڭ ءبىر ءليترىنىڭ باعاسى 700 تەڭگەگە دەيىن كوتەرىلگەنىن ءبارىمىز كوردىك. ايتا كەتۋ كەرەك، ءبىز وتاندىق ءوندىرۋشىنىڭ ءونىمى تۋرالى ايتىپ وتىرمىز. قانت ءبىر كيلوگرامم ءۇشىن 300 تەڭگەگە دەيىن قىمباتتادى. مەملەكەت ازاماتتارعا قولداۋ رەتىندە بولگەن 42 500 تەڭگەگە كوپ ءونىم ساتىپ الا المايتىنىن جاقسى تۇسىنەمىز، – دەدى ساۋدا نۇكتەلەرىن ارالاعان كانديدات جامبىل احمەتبەكوۆ. 

حالىقتىڭ وسال توپتارىنا الەۋمەتتىك قولداۋ رەتىندە بولىنەتىن سومالار تىم از. سوندىقتان الەۋمەتتىك قامسىزداندىرۋ تولەمدەرىنىڭ مولشەرىن ارتتىرۋ قاجەت. تۇراقتاندىرۋ قورلارىنىڭ مۇمكىندىكتەرىن كەڭەيتۋ قاجەت. قازاقستاندىق ءوندىرۋشى تاۋارلارىنىڭ قۇنى ارتپاۋى ءتيىس.

بۇعان دەيىن قحپ دەپۋتاتتىعىنا كانديداتتار ەلىمىزدىڭ ازىق-تۇلىك قاۋىپسىزدىگى قازاقستان حالىق پارتياسىنىڭ سايلاۋالدى باعدارلاماسىنىڭ نەگىزگى تارماقتارىنىڭ ءبىرى بولىپ تابىلاتىنىن بىرنەشە رەت مالىمدەگەن بولاتىن.

– حالىق پارتياسى ازىق-تۇلىك قاۋىپسىزدىگىن جانە قازاقستاندىقتاردىڭ تەڭ قۇقىقتارىن قامتاماسىز ەتۋ ءۇشىن اۋىل شارۋاشىلىعى ماقساتىنداعى جەرلەردى شەتەلدىكتەرگە جەكە مەنشىككە ساتۋعا زاڭدى توسقاۋىل قويۋ تۋرالى ماسەلەنى قويىپ وتىر. قحپ مۇشەلەرى وسى ماسەلە بويىنشا رەفەرەندۋم وتكىزۋ قاجەت دەپ ەسەپتەيدى. ءبىز ءبىرىنشى كەزەكتە قاجەتتى ونىمدەر مەن تاۋارلاردىڭ ساپالى وندىرىسىنە قول جەتكىزۋگە نيەتتىمىز. پارتيانىڭ باستى مىندەتى – ەلىمىزدى بارلىق قاجەتتىلىكتەرمەن قامتاماسىز ەتۋ. سودان كەيىن عانا ءونىمىمىزدى شەتەلگە جەتكىزۋ، – دەپ ناقتىلادى قر پارلامەنتى ءماجىلىسىنىڭ دەپۋتاتتىعىنا كانديتات جامبىل احمەتبەكوۆ. 

ەسكەرتۋ: قازاقستان حالىق پارتياسىنىڭ سايلاۋ قورىنان تولەندى.

Abai.kz