بۇگىن ءماجىلىس توراعاسى نۇرلان نىعماتۋلين پارلامەنت ءماجىلىسىنىڭ جانە ءماسليحات دەپۋتاتتارىنىڭ سايلاۋىنا قاتىسىپ،                     نۇر-سۇلتان قالاسىنداعى ۇلتتىق كىتاپحانادا ورنالاسقان №111 سايلاۋ ۋچاسكەسىندە داۋىس بەردى.

نۇرلان نىعماتۋلين سايلاۋدا قازاقستاندىقتار وزدەرىنىڭ اۋىزبىرشىلىگى مەن ىنتىماعىن كورسەتەتىنىن العا تارتا كەلە:

- «بۇگىن ءوز تاڭداۋىمدى جاسادىم. مەن مەملەكەتىمىزدىڭ تۇراقتى دامۋى ءۇشىن، حالقىمىزدىڭ ساپالى ءومىرى ءۇشىن، بالالارىمىزدىڭ جارقىن بولاشاعى ءۇشىن داۋىس بەردىم» - دەدى.

ءماجىلىس جانە ءماسليحات دەپۋتاتتىعىنا كانديداتتار قازاقستان حالىق پارتياسىنان،  «Nur Otan» پارتياسىنان، «اۋىل» حالىقتىق-دەموكراتيالىق پاتريوتتىق پارتياسىنان،  «قازاقستاننىڭ «اق جول» دەموكراتيالىق پارتياسى» جانە «اdal» ساياسي پارتياسىنان قاتىسۋدا.

ايتا كەتۋ كەرەك،  ءماجىلىستىڭ 98 دەپۋتاتى ساياسي پارتيالاردان پارتيالىق تىزىمدەر بويىنشا جالپىعا بىردەي، تەڭ جانە توتە سايلاۋ قۇقىعى نەگىزىندە جاسىرىن داۋىس بەرۋ ارقىلى سايلانادى. ءماجىلىستىڭ 9 دەپۋتاتىن قازاقستان حالقى اسسامبلەياسى سايلايدى.

Abai.kz