بەيسەنبى, 28 ناۋرىز 2024
2835 0 پىكىر 14 قاڭتار, 2021 ساعات 11:43

يران يادرولىق قارۋدان وتىن جاساپ شىعارماق

يران ءوزىنىڭ زەرتتەۋ رەاكتورى ءۇشىن وتىننىڭ مودەرنيزاتسيالانعان جاڭا ءتۇرىن شىعارۋ بويىنشا عىلىمي-زەرتتەۋ جۇمىسىن باستادى. بۇل تۋرالى ولكەنىڭ حالىقارالىق اتوم ەنەرگياسى بويىنشا اگەنتتىكتەگى (ماگاتە) وكىلى كازەم گاريبابادي مالىمدەگەنىن Reuters اگەنتتىگى حابارلادى.

گاريباباديدىڭ ايتۋىنشا، بۇل پروتسەسس ءۇش كەزەڭنەن جۇرەدى. العاشقىسىندا "مەتالل ۋرانى تابيعي ۋراندى پايدالانۋ ارقىلى وندىرىلەدى".

ء"بىز بۇل قادامدارىمىز تۋرالى اتوم ەنەرگياسى بويىنشا حالىقارالىق اگەنتتىككە مالىمەت بەردىك", - دەدى گاريبابادي.

Reuters ماقالاسىندا مەتالل ۋرانىن يادرولىق قارۋ جاساپ قولدانۋعا بولاتىنىن اتاپ وتكەن.

تەگەراننىڭ بۇل ءىس-ارەكەتى 2015 جىلى يران، اقش، بريتانيا، فرانتسيا، رەسەي، قىتاي جانە گەرمانيا اراسىندا تۇزىلگەن كەلىسىم-شارتقا قايشى كەلەدى.

وندا يراندىقتارعا "پلۋتوني جانە ۋران تارماعىندا عىلىمي-زەرتتەۋ جۇمىستارىن جۇرگىزۋگە" تىيىم سالىنعان. تەگەران الدىمەن كەلىسىمگە قول قويعان باسقا مەملەكەتتەردىڭ كەلىسىمىن الۋى ءتيىس.

وتكەن اپتادا يران بيلىگى جەر استىندا ورنالاسقان "فوردو" كاسىپورنىنداعى ۋران بايىتۋ ءىسى 20 پروتسەنتكە دەيىن جاڭارتىلعانىن مالىمدەگەن. بۇل حالىقارالىق كەلىسىمدە كورسەتىلگەن كورسەتكىشتەن بەس ەسە كوپ. تەگەراننىڭ بۇل شەشىمى 2018 جىلى يادرولىق كەلىسىمنەن شىعىپ، يرانعا بىرجاقتى سانكتسيالاردى ەنگىزگەن اقش-پەن قاتىناسى ناشارلاپ تۇرعان كەزدە قابىلدانعان.

قۇراما شتاتتاردىڭ جاڭادان سايلانعان پرەزيدەنتى دجو بايدەن ۆاشينگتوننىڭ يادرولىق كەلىسىمگە قايتا كىرۋىن قولدايتىنىن، بىراق بۇل ءۇشىن يران كەلىسىمدەگى تالاپتاردى ورىنداۋى كەرەك ەكەنىن جەتكىزگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516