سىر بويىنىڭ باس شاھارى - قىزىلوردا قالاسىنىڭ سۋ جانە كارىز جۇيەلەرى ابدەن كونەرىپ، الەۋمەتتى ءارى-ءسارى كۇيگە ءتۇسىرىپ كەلەدى. وبالى كانە، بۇل تۇيتكىلدىڭ ءتۇيىنىن تارقاتۋعا مەملەكەت تاراپىنان قوماقتى قارجى قارالىپ، جەرگىلىكتى جۇرت قۋانىسىپ قالعان ەدى. الايدا 2006-2008 جىلدار ارالىعىندا وبلىس ورتالىعىندا وسى باعىتتا اتقارىلعان جۇمىستاردىڭ اقاۋلىعى قالا تۇرعىندارىنىڭ رەنىشىن تۋعىزىپ وتىرعان جايى بار.

قازىنا قازانىنان ءۇش جىل كولەمىندە 3 ملرد تەڭگەدەن استام قارجى اتالعان ماسەلەنى شەشۋگە بولىنگەن. الايدا رەسپۋبليكالىق جانە وبلىستىق بيۋدجەتتەن قارالعان اقشانىڭ تەڭ جارىمىنا جۋىعى ءتيىمسىز جۇمسالىپتى. وسىنىڭ سالدارىنان تۇپكىلىكتى ناتيجەگە قول جەتكەن جوق. جاقىندا اقشانىڭ جۇمسالۋ بارىسىن باقىلاعان وبلىستىق ءماسليحاتتىڭ تەكسەرۋ كوميسسياسى وسىنداي قورىتىندىعا كەلىپ وتىر.

سىر بويىنىڭ باس شاھارى - قىزىلوردا قالاسىنىڭ سۋ جانە كارىز جۇيەلەرى ابدەن كونەرىپ، الەۋمەتتى ءارى-ءسارى كۇيگە ءتۇسىرىپ كەلەدى. وبالى كانە، بۇل تۇيتكىلدىڭ ءتۇيىنىن تارقاتۋعا مەملەكەت تاراپىنان قوماقتى قارجى قارالىپ، جەرگىلىكتى جۇرت قۋانىسىپ قالعان ەدى. الايدا 2006-2008 جىلدار ارالىعىندا وبلىس ورتالىعىندا وسى باعىتتا اتقارىلعان جۇمىستاردىڭ اقاۋلىعى قالا تۇرعىندارىنىڭ رەنىشىن تۋعىزىپ وتىرعان جايى بار.

قازىنا قازانىنان ءۇش جىل كولەمىندە 3 ملرد تەڭگەدەن استام قارجى اتالعان ماسەلەنى شەشۋگە بولىنگەن. الايدا رەسپۋبليكالىق جانە وبلىستىق بيۋدجەتتەن قارالعان اقشانىڭ تەڭ جارىمىنا جۋىعى ءتيىمسىز جۇمسالىپتى. وسىنىڭ سالدارىنان تۇپكىلىكتى ناتيجەگە قول جەتكەن جوق. جاقىندا اقشانىڭ جۇمسالۋ بارىسىن باقىلاعان وبلىستىق ءماسليحاتتىڭ تەكسەرۋ كوميسسياسى وسىنداي قورىتىندىعا كەلىپ وتىر.

حالىق قالاۋلىلارى نەنى بايقادى؟ وبلىس ورتالىعىمەن ىرگەلەس قونعان تاسبوگەت كەنتىن اۋىزسۋمەن تولىق جانە جەرگىلىكتى قامتاماسىز ەتۋ ءۇشىن سالىنعان باس سۋ ءوندىرۋ قويماسى 2007 جىلى بالانسقا الىنعان ەكەن. وكىنىشكە قاراي، ول ارادا ەكى جىلداي ۋاقىت وتسە دە، ءالى كۇنگە دەيىن جۇرتتىڭ كادەسىنە جاراماي تۇر. تاسبوگەت تۇرعىندارى زالالسىزداندىرىلماعان سۋدى پايدالانۋعا ءماجبۇر. ءبىر قىزىعى، سول كەزدەگى قالا باسشىلارى اتالعان جوبا نەگىزىندە بىرقاتار جايلاردى نازاردان تىس قالدىرعان كورىنەدى. اينالىپ كەلگەندە، بۇل كەلەڭسىزدىكتەن كەنتتەگى «ناۋرىز» جانە «تاسارىق» شاعىن اۋداندارىنداعى ناسوستىق ستانسالار قايتا جاڭعىرتىلمادى. ماسەلەن، بۇل اۋماقتارداعى ەكى قاباتتى ۇيلەردىڭ وجىرەلەرى لاس سۋعا تولىپ تۇر. ايتپاقشى، ونداعى تۇرعىندار ورتالىقتاندىرىلعان جىلۋ جۇيەلەرىنىڭ كەسىلىپ تاستالۋى سالدارىنان قىستىڭ كوزى قىراۋدا كادىمگى پەشكە وت جاعىپ، بوي جىلىتۋعا ءماجبۇر.

ەكى جىل كولەمىندە قالا اۋماعىندا جاسالعان جۇمىستىڭ ءبىرازى ساپاسىز ورىندالعان. «قىزىلوردا سۋ جۇيەسى» مەملەكەتتىك كاسىپورنى ءوز جۇمىسىنا نەمقۇرايدى قارايدى دەسەك تە بولادى. ويتكەنى قالاداعى №4 ناسوس ستانساسىندا جاڭعىرتۋ جۇمىستارى جۇرگىزىلگەن. ايتسە دە وندا اۋىزسۋ مەن شارۋاشىلىق قاجەتتىلىگىنە جارايتىن سۋ جەلىسى قارالماعان بولىپ شىقتى. وسىنىڭ سالدارىنان قانشاما قارجى جۇمسالعان جۇمىس تولىق قۋاتىندا ىسكە قوسىلماي تۇر.

ءبىر سوزبەن ايتقاندا، قازىنا قازانىنان قارالعان قارجىنىڭ ءبىراز بولىگى جەلگە ۇشتى. وعان جاۋاپتى سالا ماماندارى ءوز جۇمىسىنا جاۋاپكەرشىلىك تانىتا الماي وتىرعانى وكىنىشتى-اق. وركەنيەتكە قادام باسامىز دەپ ورەكپىگەن تۇستا باياعى ادەتىنە باسىپ، جارتىكەش جۇمىس ىستەۋدەن ارىعا اسا الماي جۇرگەندەر قىزىلوردانىڭ كوسەگەسىن جاقىن ارادا كوگەرتە الا ما؟ قايدام؟..

وبلىستىق ءماسليحات تەكسەرۋ كوميسسياسىنىڭ توراعاسى جارىلقاسىن ءشارىپوۆتىڭ ايتۋىنشا، بۇل ماسەلەلەر سالاعا جەتەكشىلىك جاسايتىن قالا اكىمىنىڭ ورىنباسارى جانە باسقا دا ماماندارعا ەسكەرتىلگەن. ايتسە دە سۋعا ءبولىنىپ، «سۋعا» كەتكەن قارجىنىڭ قايتارىمىن كىمنەن سۇرايمىز؟

ءادىلجان ۇمبەت، قىزىلوردا قالاسى

قارلىعاش زارىققانقىزى