بيىل ۇلت مەكتەبىنىڭ نەگىزىن سالۋشى ميلەت ۇستازى ىبىراي ءالتىنساريننىڭ تۋعانىنا 180 جىل تولادى. ءبىزدىڭ سايتتا بەلگىلى جۋرناليست دارحان ابدىك تۇسىرگەن ىبىراي التينسارين تۋرالى دەرەكتى فيلمگە قاتىستى «ۇستاز» دەرەكتى ءفيلمى ەفيرگە شىعادى» اتتى تانىمدىق ماتەريال جاريالانعان بولاتىن. 

شىعىس قازاقستان وبلىسىنىڭ تىلدەردى دامىتۋ جونىندەگى باسقارماسى شىعىس قازاقستان لينگۆيستيكالىق ورتالىعىنىڭ ۇيىمداستىرۋىمەن 2-22 اقپان ارالىعىندا «ونەر، ءبىلىم – ءبارى دە وقۋمەنەن تابىلعان» اكتسياسى اياسىندا ايماقتاعى مەملەكەتتىك ءتىلدى وقىپ جۇرگەن تىڭداۋشىلار اراسىندا ميلەت ۇستازى ىبىراي ءالتىنساريننىڭ تۋعانىنا 180 جىل تولۋىن ۇلىقتايتىن ونەگەلى ءىس-شارا ءوتىپ جاتىر. وعان قاتىسۋشىلاردىڭ ىبىراي ولەڭدەرىن جاتقا ايتقان بەينەروليكتەرى الەۋمەتتىك جەلىدە #ونەر_بىلىم_بارى_دە_وقۋمەنەن_#ىبىراي_التىنسارين_180 جىل حەشتەگىمەن جاريالانادى.

شىعىس قازاقستان لينگۆيستيكالىق ورتالىعىنىڭ ديرەكتورى  اسەمگۇل مادەنيەتقىزى: «ونەر، ءبىلىم – ءبارى دە وقۋمەنەن تابىلعان» اكتسياسىنىڭ ماقساتى: الەۋمەتتىك جەلى ارقىلى قازاق دالاسىنىڭ دارا ۇستازى ىبىراي التىنسارين شىعارماشىلىعىن ناسيحاتتاۋ، تىڭداۋشىلاردىڭ سويلەۋ داعدىلارىن جەتىلدىرۋ، ءتىل بايلىقتارىن، مانەرلەپ وقۋ شەبەرلىگىن دامىتۋ، كوپ ۇلتتى ايماعىمىزدا تۇرىپ جاتقان وزگە ۇلت وكىلدەرى اراسىندا مەملەكەتتىك ءتىلدىڭ قولدانىلۋ اياسىن كەڭەيتۋ. تاۋەلسىزدىگىمىزدىڭ 30 جىلدىعى سىيلاعان ۇلى مۇراتىمىز قازاق ءتىلىن ۇلتارالىق قاتىناس تىلىنە اينالدىرۋ باعىتىندا ءوز ۇلەسىمىزدى قوسىپ، ەسەلى ەڭبەك ەتۋدى وسىنداي بۇقارالىق ءىس-شارالار ارقىلى كوزدەپ وتىرمىز» دەيدى.

وسى يگىلىكتى ءىستى 23 اقپان كۇنگى Zoom پلاتفورماسىنداعى مەملەكەتتىك ءتىلدى وقىپ جۇرگەن تىڭداۋشىلارعا ارنالعان اقپاراتتىق-تانىمدىق ساعات ءوز مارەسىنە جەتكىزەدى. مىنە، ەل پرەزيدەنتى ق.توقاەۆ ءسوز ەتكەن «قازاق ءتىلىن ۇلتارالىق قاتىناس تىلىنە اينالدىرۋ» ۇلتتىق كونتسەپتسياسىنا قاتىستى شۇعىلالى شىعىستا وسىنداي ىزگى ىستەر اتقارىلىپ جاتىر.

ءابىل-سەرىك الياكبار

Abai.kz