بۇل تۋرالى "دوجد" تەلەكانالىنا اتالعان قوناق ءۇيدىڭ يەسى ايتتى.
ونىڭ سوزىنشە، "روسسيا 1" تەلەكانالىنىڭ ءتىلشىسى اناستاسيا پوپوۆا ءوزىن بوۋرت دەگەن فرانتسۋز فاميلياسىن ايتىپ تانىستىرعان.
سيۋجەتتە ناۆالنىي ۆيللانى ەكى ايعا جالعا العانى ايتىلعان. بىراق ونىڭ يەسى پاتەر التى جۇماعا بەرىلگەنىن جەتكىزدى. ول "روسسيا 1" تەلەكانالىنداعى بۇل سيۋجەتتەن كەيىن گەرمانيانىڭ قۇقىق قورعاۋ ورگاندارىنا شاعىمدانۋدى شەشكەن.
"ۆەستي نەدەلي" باعدارلاماسىنىڭ 7 اقپانداعى شىعارىلىمىندا ناۆالنىي گەرمانياداعى "شاريتە" اۋرۋحاناسىنان شىققاننان كەيىن تۇرعان پاتەرى كورسەتىلگەن. سيۋجەت اۆتورلارى ساياساتكەر وتە قىمبات پاتەردە تۇرعانىن ايتقان. ناۆالنىي تاۋلىگىنە 530 ەۋرودان تولەگەن دەگەن.
سونىمەن بىرگە سيۋجەتتە كوررۋپتسياعا قارسى كۇرەس قورى ء"پۋتيننىڭ حان سارايى" تۋرالى زەرتتەۋدى گەرمانياداعى The Black Forest Studios ستۋدياسىندا جاساعانىن اتاپ وتكەن. تىلشىلەر ناۆالنىي ءفيلمدى ءتۇسىرۋ مەن پاتەر جالداۋعا 1 ميلليون ەۋرو جۇمساعان دەپ ەسەپتەيدى.
Abai.kz
