دەپۋتاتتار جاڭاتاستاعى قايعىلى وقيعاعا كوڭىل ايتتى
ءماجىلىس توراعاسى نۇرلان نىعماتۋلين ءماجىلىس دەپۋتاتتارىنىڭ اتىنان جامبىل وبلىسى سارىسۋ اۋدانىنىڭ جاڭاتاس قالاسىندا ءورت سالدارىنان قازا تاپقان بالالاردىڭ اتا-اناسى مەن جاقىندارىنا كوڭىل ايتتى.
«ءتىلسىز جاۋدىڭ سالدارىنان قازا تاپقان بۇلدىرشىندەر تۋرالى سۋىت حابار بارشا قازاقستاندىقتاردىڭ قابىرعاسىن قايىستىردى. زارداپ شەككەن ابدىمالىكوۆتەر وتباسىنا، تۋعان-تۋىستارىنا ورنى تولماس وقيعاعا بايلانىستى بارلىق دەپۋتاتتىق كورپۋس اتىنان كوڭىل ايتامىن»، - دەدى نۇرلان نىعماتۋلين.
سونداي-اق، پالاتا سپيكەرى زارداپ شەككەن وتباسىعا سابىر مەن بەكەمدىلىك تىلەدى.
Abai.kz
