سەنبى, 16 قازان 2021
ساياسات 17538 0 پىكىر 23 اقپان, 2021 ساعات 14:35

گرۋزيا وپپوزيتسياسىنىڭ ليدەرى نيكا مەليا ۇستالدى

گرۋزيانىڭ ء"بىرتۇتاس ۇلتتىق قوزعالىس" (بۇق) وپپوزيتسيالىق پارتياسىنىڭ ليدەرى نيكا مەليانى پوليتسيا ارنايى وپەراتسيامەن ۇستادى دەپ حابارلايدى "ەحو كاۆكاز". ۇستاۋ كەزىندە كوزدەن جاس اعىزاتىن گاز قولدانعان.

ۇستاۋ وپەراتسياسى بۇق كەڭسەسىندە تاڭعى تبليسي ۋاقىتىمەن ساعات 7:30-دە باستالعان. كەڭسەنىڭ ەسىك، مۇلىكتەرىنە زاقىم كەلگەن. "گرۋزيا جاڭالىقتارى" پورتالىنىڭ حابارلاۋىنشا، مەليانى كەڭسە اۋماعىنان بروندالعان كولىكپەن الىپ كەتكەن.

ء"بىرتۇتاس ۇلتتىق قوزعالىس" جەتەكشىسى 2019 جىلدىڭ 20 ماۋسىم ايىندا "گاۆريلوۆ ءتۇنى" دەگەن اتپەن تانىمال تارتىپسىزدىككە ۇلاسقان اكتسيانى ۇيىمداستىردى دەپ ايىپتالىپ جاتىر. پارلامەنت ونىڭ دەپۋتاتتىق قول سۇعىلماۋشىلىق مارتەبەسىن الىپ تاستادى. كەيىن تبليسي قالالىق سوتى ونى قاماۋعا الۋ تۋرالى شەشىم شىعاردى.

18 اقپاندا ەلدىڭ پرەمەر-ءمينيسترى بولعان گەورگي گاحاريا وتستاۆكاعا كەتتى. ول نيكا مەليا​عا قاتىستى سوت شەشىمىمەن كەلىسپەيتىنىن جەتكىزدى.

ەل پارلامەنتى پرەمەر-مينيسترلىككە يراكليا گاريباشۆيليدىڭ كانديداتۋراسىن ۇسىندى. ول وپپوزيتسيالىق ساياساتكەردى "كريمينال" دەپ اتادى.

Abai.kz

0 پىكىر