بەيسەنبى, 22 ءساۋىر 2021
1732 0 پىكىر 24 اقپان, 2021 ساعات 12:38

ساتتارحانوۆ اتىنداعى سپورت كەشەنى سالىنادى

تۇركىستان قالاسىنىڭ ورتالىعىندا بەكزات ساتتارحانوۆ اتىنداعى دارىندى بالالاردىڭ سپورت مەكتەبىنىڭ جاڭا جوباسى ماقۇلداندى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. 

بەكزات ساتتارحانوۆ اتىنداعى دارىندى بالالاردىڭ سپورت مەكتەبىنىڭ جاڭا جوباسى ماقۇلداندى. تۇركىستان قالاسىنىڭ ورتالىعىنداعى ساتتارحانوۆ داڭعىلىنىڭ بويىنان بوي كوتەرەتىن عيمارات زامان تالابىنا ساي، ءارى شاھاردىڭ جاڭارعان كەلبەتىنە سايكەس بولادى.  320 ورىندىق سپورت كەشەنىندە ۇلكەن زال مەن بىرنەشە جاتتىعۋ بولمەلەرى ورنالاسادى. نىسان قۇرىلىسى جاقىن ۋاقىتتا باستالىپ، كەلەر جىلى پايدالانۋعا بەرىلمەك. «جەلىلىك ساياباق» بويىندا، بۇرىنعى ورنىنان قايتا بوي كوتەرەتىن ءزاۋلىم كەشەننىڭ اينالاسى تولىق اباتتاندىرىلىپ، كوگالداندىرىلادى. وبلىس اكىمى ومىرزاق شوكەەۆ جاڭا سپورت كەشەنىنىڭ جوباسىمەن تانىسىپ، ماقۇلدادى.

ايماق باسشىسى تۇركىستان قالاسىندا اتقارىلىپ جاتقان جۇمىستاردى پىسىقتاپ، قۇرىلىسشىلارمەن كەزدەستى. قۇرىلىس باسىندا ساقتىق پەن كارانتين شارتتارىن كۇشەيتە وتىرىپ، كەرەك بولعان جاعدايدا تاۋلىك بويعى جۇمىس كەستەسىنە كوشۋدى تاپسىردى. تۇركىستاندا ساۋلەتى ەرەكشە مەشىت سالىنۋدا. قالاعا كىرەبەرىستە الەمدەگى وزىق تاجىريبەلەردى ۇشتاستىرعان ەڭسەلى مەشىتتىڭ قۇرىلىسىن وزبەكستان پرەزيدەنتى شاۆكات ميرزيەەۆ قولداعان. شىعىستىق ناقىشتا جاسالعان يسلام ورتالىعىنىڭ 20 مىڭ شارشى مەتر اۋماققا جايعاسقان. جاڭا عيبرات ورنىندا 5 مىڭ جاماعات ءبىر مەزگىلدە ساجدەگە باس تيگىزىپ، قۇلشىلىق ەتە الادى. ءدىني عيمارات ۇلى جىبەك جولى بويىمەن كونە شاھارعا كەلەتىن تۋريستەردىڭ قىزىعۋشىلىعىن ارتتىراتىن تاعى ءبىر نىسان بولماق. اق مەشىتتە مۇسىلماندىق جورالاردى جاسايتىن ورىندار، كونگرەسس-حولل، نەكە سارايى، 400 ورىندىق مەدرەسە، كىتاپحانا، اسحانا سالىنادى.

تۇركىستان قالاسىنداعى اكىمشىلىك-ىسكەرلىك ورتالىعىندا قۇرىلىس جۇمىستارى ءجۇرىپ جاتقان 38 كوپقاباتتى تۇرعىن ۇيلەردىڭ سىرتقى قاسبەتى اشىق ءتۇستى تراۆەرتين مەن اقشىل ءمارمار تاسپەن قاپتالۋدا. ساتتارحانوۆ داڭعىلىنىڭ بويىنداعى تۇرعىن ۇيلەر مەن عيماراتتاردىڭ سىرتى كورىنىسى بىرىڭعاي ستيلدە جاڭارتىلۋدا. بۇل جۇمىستارعا اۋداندار مەن قالا باسشىلارى تىكەلەي جاۋاپتى. وبلىس اكىمى «جەلىلىك ساياباقتىڭ» ءۇشىنشى كەزەڭىنىڭ جۇمىسىن باقىلادى. 15 گەكتار اۋماقتا 200-گە جۋىق جۇمىسشى مەن 80 تەحنيكا جۇمىلدىرىلعان.

ومىرزاق شوكەەۆ مادەني – رۋحاني ورتالىقتاعى قۇرىلىس باسىندا بولدى. «كەرۋەن ساراي» تۇرعىن ءۇي كەشەنىنىڭ اۋماعى جاسىل جەلەككە ورانىپ، ۆەلوجولدار سالىنۋدا. جاياۋ جۇرگىنشىلەرگە ىڭعايلى بولۋى ءۇشىن جارىقشامدار مەن، ورىندىقتار قويىلىپ، كوگال، سۋ ارناسى وتكەن دەمالىس ايماعىنا اينالماق.

«قاۋىپسىز قالا» جوباسى اياسىندا تۋريستىك ورىندار مەن ساياباقتارعا «SOS» باتىرماسى ورناتىلۋدا. ول ارقىلى كەز-كەلگەن ازامات پوليتسيامەن اۋديو بايلانىسقا شىعا الادى. قىلمىسقا كۋا بولىپ، نە كومەك كەرەك بولعان جاعدايدا  «SOS» ارقىلى بايلانىسقا شىعىپ، ارىز بەرۋگە بولادى. ازىرگە ق.ا.ياساۋي كەسەنەسى اۋماعىنا ەكى داناسى قويىلعان. الدا ولاردىڭ سانى ارتادى.

وبلىس اكىمى ياساۋي كەسەنەسىنىڭ جانىنان بوي كوتەرگەن «ەتنواۋىل» الاڭىندا بولدى. ورتا عاسىردان باستاپ، كوشپەندىلەر ءداۋىرى مەن قازاق حاندىعىنىڭ ورداسى كورىنىس تاپقان ەرەكشە جوبادا ەجەلگى شىعىس بازارى مەن كوشپەندىلەر اۋىلى اشىلعان.

Abai.kz

0 پىكىر