بەيسەنبى, 28 ناۋرىز 2024
3309 1 پىكىر 24 اقپان, 2021 ساعات 16:15

قازۇۋ-گە تيەسىلى جەر كولەمى نەگە ازايعان؟

بۇگىن ءماجىلىستىڭ جالپى وتىرىسىندا «اق جول» فراكتسياسىنىڭ دەپۋتاتى بەرىك دۇيسەنبينوۆ جوعارعى وقۋ ورىندارىنىڭ جەكەمەنشىك جەرلەرىنە قاتىستى دەپۋتاتتىق ساۋالىن جولدادى.

دۇيسەنبينوۆ اتاپ وتكەندەي، ءال-فارابي اتىنداعى قازاق ۇلتتىق ۋنيۆەرسيتەتىنىڭ جەر اۋماعى بەلگىسىز سەبەپتەرمەن ازايىپ قالعان جانە وسى ماسەلە قوعامدى الاڭداتىپ وتىر.

«جەر قۇقىعى بويىنشا ساراپشى، زاڭگەر باقىتجان بازاربەكتىڭ مالىمەتتەرىنە سۇيەنسەك، 2012 جىلعى 30 قاڭتارداعى الماتى قالاسى اكىمىنىڭ قاۋلىسىنا سايكەس ۋنيۆەرسيتەتتىڭ پايدالانۋ قۇقىعىنا جالپى كولەمى 73,26 گەكتار جەر بەرىلگەن. ال، 2017 جىلى 2 قازاندا الماتى قالاسى اكىمىنىڭ № 4/392-22-36 دەگەن قاۋلىسىنا سايكەس قازۇۋ-ءنىڭ جالپى جەرى ۇلەستەرگە ءبولىنىپ، جەر كولەمى  72,48 گەكتار بولىپ شىقتى. سونىڭ ىشىندە قازۇۋ-ءنىڭ تىكەلەي ۇلەسىن الاتىن بولساق، ول – 71,40 گەكتار جەر، ياعني، وقۋ ورنىنىڭ جالپى جەر كولەمى 1,8 گەكتارعا ازايعانىن بايقايمىز»، - دەيدى دەپۋتات.

«ۋنيۆەرسيتەتكە تيەسىلى جەر كولەمى نەگە ازايعان؟» دەگەن سۇراق ەشقانداي ۋاكىلەتتى ورگان ناقتى جاۋاپ بەرمەگەن. بەرىك دۇيسەنبينوۆ اتاپ وتكەندەي، جەر ماسەلەسى تەك بۇل ۋنيۆەرسيتەتپەن عانا شەكتەلىپ وتىرعان جوق.

«ەلىمىزدىڭ ءار ايماعىندا جوعارعى وقۋ ورىندارىنىڭ جەر تەلىمدەرىنىڭ جەكە مەنشىككە ساتىلىپ جاتقانىن، ستۋدەنت جاستار تۇراتىن جاتاحانالاردىڭ ازايىپ، ۋنيۆەرسيتەت مەنشىگىندەگى وقۋ پروتسەستەرىن قامتاماسىز ەتەتىن قوسىمشا جىلجىمايتىن مۇلىك وبەكتىلەرىنىڭ ساۋداعا سالىنىپ جاتقانىنان بۇقارالىق اقپارات قۇرالدارىنان جانە بارلىعىن كورىپ-ءبىلىپ وتىرعان ەلدىڭ اۋزىنان ەستىپ ءجۇرمىز. مىسالى، شىعىس قازاقستان مەملەكەتتىك ۋنيۆەرسيتەتىنىڭ باس عيماراتىنان ون قادام قاشىقتىقتا ورنالاسقان وندىرىستىك شەبەرحانا بۇگىندە ويىن-ساۋىق ورنىنا اينالعان»، - دەدى دەپۋتات.

اتالعان ماسەلەلەردىڭ ماڭىزدىلىعىن بايانداعان «اق جول» فراكتسياسىنىڭ دەپۋتاتتارى بىرىنشىدەن، قازاق ۇلتتىق ۋنيۆەرسيتەتىنە تيەسىلى جەر اۋماعىنان جەر ۋچاسكەلەرىنىڭ ءبولىنىپ شىعارىلعانى قانشالىقتى زاڭدى ەكەنىن تەكسەرىپ، زاڭسىزدىق ورىن العان جاعدايدا جاۋاپتى ادامداردى جاۋاپقا تارتۋدى، ەكىنشىدەن، وسىنداي تەكسەرۋدى وبلىستاردا ورنالاسقان جوعارعى وقۋ ورىندارىندا دا جۇرگىزىپ، ناتيجەسىن بىزگە حابارلاۋدى تالاپ ەتتى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504