بەيسەنبى, 28 ناۋرىز 2024
5385 5 پىكىر 26 اقپان, 2021 ساعات 14:21

نۇر-سۇلتان-بەيجىڭ. قىتايداعى قازاقتار جايى تالقىلاندى

25 اقپاندا نۇر-سۇلتان مەن پەكين قىتايدا قالعان قازاقتار ماسەلەسىن ونلاين رەجيمدە تالقىلادى.

قازاقستان سىرتقى ىستەر مينيسترلىگىنىڭ اقپاراتىنا قاراعاندا، كونسۋلدىق كونسۋلتاتسيالاردىڭ 19-وتىرىسىنا قازاقستان جاعىنان كونسۋلدىق قىزمەت دەپارتامەنتىنىڭ ديرەكتورى باۋىرجان اقاتاەۆ، ال قىتاي جاعىنان كونسۋلدىق دەپارتامەنت ديرەكتورى تسۋي ايمين جانە ەكى تاراپتىڭ وزگە دە وكىلدەرى قاتىسقان.

"كونسۋلتاتسيالار بارىسىندا قازاقستان تاراپى ەكى مەملەكەتتىڭ ۇلتى قازاق ازاماتتارىنان قۇرالعان وتباسىلاردىڭ قايتا قوسىلۋ ماسەلەلەرىن كوتەردى" دەلىنگەن قازاقستان ءسىم-ءنىڭ قىسقا حابارلاماسىندا.

وندا كونفەرەنتسيا بارىسىندا ەكى ەل ازاماتتارىنىڭ ۆيزا الۋى، كىرىپ-شىعۋ ماسەلەلەرى دە تالقىلانعانى جازىلعان.

قىتايدا جاقىندارى قامالعان نەمەسە سول جاقتان كەلە الماي قالعان ادامداردىڭ تۋىستارىنىڭ الماتىداعى قىتاي كونسۋلدىعى الدىندا نارازىلىق وتكىزىپ جاتقانىنا 19 كۇن بولدى. سولاردىڭ ءبىرى فاريدا قابىلبەك "بۇل ماسەلە ەكى جاق اراسىندا قانشاما رەت تالقىلاندى، ناتيجە جوق، تۋىستارىمىز تۇرمەدەن شىقپايىنشا اكتسيانى توقتاتپايمىز" دەدى.

- وسى ۋاقىتقا دەيىن [قازاقستان] سىرتقى ىستەر مينيسترلىگىنىڭ ارتىنان 4 جىل جۇردىك. ارتى - 4 جىل، الدى - 17 جىل ءجۇر. شىدامىمىز تاۋسىلدى، ەندى ءبىز ءوزىمىز قارەكەت جاسايمىز. انا جەردە بىرەۋلەر "سەندەردى بىرەۋلەر، "اتاجۇرت" جەتەلەپ ءجۇر" دەگەنگە كەلتىرەدى. ءبىز ول جەرگە جاقىندارىمىزدى ىزدەپ شىعىپ تۇرمىز. ەرىگىپ شىعىپ تۇرعان جوقپىز، - دەيدى اشىنعان فاريدا قابىلبەك جۇما كۇنى ازاتتىق تىلشىسىنە.

قىتايدىڭ شىڭجاڭ ايماعىندا قالعان تۋىستارىن ىزدەگەن قازاقستاندىقتار بىرنەشە جىلدان بەرى قازاقستاندا جيىن وتكىزىپ، پيكەتتەرگە شىعىپ، قىتايدا قالعان تۋىستارىنا اراشا سۇراپ كەلەدى. ولار قازاقستان سىرتقى ىستەر مينيسترلىگىنەن "قىتايدا قامالعاندار - پەكيننىڭ ىشكى ءىسى، وعان ارالاسا المايمىز" دەگەن جاۋاپ العان. ال قىتاي كونسۋلدىعى جاۋاپ بەرمەگەن.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3522