سارسەنبى, 21 ءساۋىر 2021
بيلىك 1421 0 پىكىر 1 ناۋرىز, 2021 ساعات 11:37

نىعماتۋلين: العىس ايتۋ كۇنى – ەڭ جارقىن مەرەكە

ءماجىلىس سپيكەرى نۇرلان نىعماتۋلين بارشا قازاقستاندىقتاردى «العىس ايتۋ» جالپىحالىقتىق مەرەكەسىمەن قۇتتىقتادى.

«العىس ايتۋ مەيرامى 2016 جىلى ەلباسى، تۇڭعىش پرەزيدەنتىمىز نۇرسۇلتان ءابىشۇلى نازارباەۆتىڭ باستاماسىمەن بەلگىلەنىپ، سودان بەرى بارشا قازاقستاندىقتاردىڭ ءبىر-بىرىنە دەگەن قۇرمەتىن كورسەتىپ، ريزاشىلىعىن بىلدىرەتىن، بىرلىك-بەرەكەگە شاقىراتىن مەملەكەتىمىزدەگى ەڭ جارقىن مەرەكەلەردىڭ بىرىنە اينالدى. سونداي-اق، ۇلتتار اراسىنداعى باۋىرلاستىقتى ودان ءارى تەرەڭدەتىپ، جاس ۇرپاقتى مەيىرىمدىلىككە، وتانسۇيگىشتىككە تاربيەلەيتىن ەرەكشە مەرەكە» - دەدى پالاتا سپيكەرى.

وسى رەتتە، نۇرلان نىعماتۋلين تۇراقتىلىق پەن جالپىۇلتتىق قۇندىلىقتاردى ساقتاۋ جانە ودان ءارى نىعايتۋ مەملەكەت باسشىسى قاسىم-جومارت توقاەۆتىڭ ەلدى دامىتۋ جولىنداعى نەگىزگى باعىتىنىڭ ءبىرى ەكەنىن ايتتى.

سونىمەن قاتار، پالاتا سپيكەرى قازاقستان حالقى اسسامبلەياسىنىڭ رولىنە، ونىڭ ىشىندە، ماجىلىستەگى اسسامبلەيادان سايلانعان دەپۋتاتتاردىڭ ەلىمىزدى دامىتۋدا ەسەلى ەڭبەك ەتىپ كەلە جاتقانىنا نازار اۋداردى.

ءماجىلىس توراعاسى تاۋەلسىز قازاقستانىمىزدىڭ تىرەگى سانالاتىن بارشا حالقىمىزعا ءوز العىسىن ءبىلدىرىپ، ءاربىر وتباسىنا، ءاربىر ازاماتقا دەنساۋلىق، ۇزاق عۇمىر، بەيبىت ءومىر تىلەدى.

Abai.kz

0 پىكىر