بەيسەنبى, 15 ءساۋىر 2021
1771 0 پىكىر 1 ناۋرىز, 2021 ساعات 16:48

ءداستۇرلى «اۋىلىم – التىن تۇعىرىم» كونكۋرسى باستالدى

«اۋىل» حالىقتىق-دەموكراتيالىق پاتريوتتىق پارتياسى مەن «مادەنيەت پورتالى» بىرلەسىپ «اۋىلىم – التىن تۇعىرىم» ءداستۇرلى ادەبي ونلاين كونكۋرسىن جاريالايدى.

كونكۋرسقا قاتىسۋ ءۇشىن جاسى 17 مەن 45 جاس ارالىعىنداعى قالامگەرلەر ءوز شىعارمالارىن ۇسىنا الادى. سونىمەن قاتار «اۋىل تاقىرىبىنا ارنالعان ۇزدىك دراماتۋرگيا» اتالىمىنا شىعارما ۇسىناتىن قالامگەرلەردىڭ جاس مولشەرىنە شەكتەۋ قويىلمايدى.

ادەبي بايقاۋعا قاتىسقىسى كەلەتىن كەز كەلگەن قالامگەر ءوز شىعارماسىن «مادەنيەت پورتالىنا» ونلاين تۇردە ءوز قولىمەن تىركەۋ مۇمكىندىگى قاراستىرىلعان.  ول ءۇشىن ۇمىتكەرلەر «مادەنيەت پورتالىنا» تىركەلىپ, كونكۋرسقا ۇسىنىلعان شىعارمالارى مەن جەكە مالىمەتتەرىن پورتالدا كورسەتىلگەن «شىعارمانى قوسۋ» باتىرماسى ارقىلى ورنالاستىرا الادى.  اۆتوردار ءوز شىعارمالار ونلاين تۇردە 2021  جىلدىڭ  01 قاراشاسىنا دەيىن جىبەرىلۋى ءتيىس.

بۇعان دەيىنگى ءداستۇرلى تۇردە وتكەن «اۋىلىم –التىن تۇعىرىم» كونكۋرستارىنان ەرەكشەلىگى، 2021 جىلعى بايقاۋعا ورىس تىلىندە جازىلعان شىعارمالار دا قابىلدانادى. ءبىر ايتا كەلەرلىك جايت، بارلىق شىعارمالار بۇعان دەيىن باسقا كونكۋرستارعا ۇسىنىلماعان بولۋى شارت.

تاۋەلسىزدىكتىڭ 30 جىلدىعىنا وراي «التىن تۇعىر» ادەبي جۇلدەسىنىڭ يەگەرىنە قوسىمشا 200 000 تەڭگە كولەمىندە اقشالاي سىيلىق بەرىلەدى. كونكۋرسقا قاتىسقان شىعارمالار كىتاپ بولىپ شىعارىلادى. كونكۋرستىڭ باسقا دا شارتتارىن «مادەنيەت پورتالىنداعى» ەرەجەسىنەن وقىپ الۋعا بولادى

كونكۋرسقا شىعارمالاردى قابىلداۋ 2021 جىلدىڭ 1 قاراشاسىنا دەيىن جۇرگىزىلەدى. جەڭىمپازداردى ماراپاتتاۋ 2021 جىلى جەلتوقسان ايىندا تاۋەلسىزدىك كۇنى قارساڭىندا وتكىزىلەدى. سالتاناتتى شارانىڭ ناقتى ۋاقىتى مەن وتكىزىلەتىن ورنى قوسىمشا حابارلانادى.

Abai.kz

0 پىكىر