بيىل ءبىلىم گرانتى كوبىرەك بولىنەتىن ماماندىقتاردىڭ قاتارىندا اۋىلشارۋاشىلىق عىلىمدارى دا بار. وسى سالا بويىنشا جوعارى ءبىلىم الامىن دەۋشىلەرگە مەملەكەت 1 600 گرانت ۇسىنىپ وتىر.
ونىڭ ىشىندە اگرونومياعا - 540, اگروينجەنەرياعا - 258, سۋ رەسۋرستارى جانە سۋدى قولدانۋعا - 158, زووتەحنياعا - 130, توپىراقتانۋ جانە اگروحيمياعا - 130, بالىق شارۋاشىلىعىنا - 120, ورمان شارۋاشىلىعى ىسىنە - 100, اڭشىلىق تانۋ جانە اڭ شارۋاشىلىعىنا - 40, جەمىس-كوكونىس شارۋاشىلىعىنا - 30, مەليوراتسيا، جەردى باپتاۋ جانە قورعاۋ ماماندىعىنا دا 30 گرانت ءتيىپتى. قوش! ەندىگى ماسەلە وسى ءبىلىم گرانتىنىڭ قانشاسى اۋىل جاستارىنا بۇيىراتىندىعىندا بولىپ تۇر.
س.سەيفۋللين اتىنداعى قازاق اگروتەحنيكالىق ۋنيۆەرسيتەتى باسشىلىعىنىڭ مالىمەتتەرىنە سۇيەنسەك، سوڭعى جىلدارى اگرارلىق ماماندىقتار بويىنشا وقۋعا تۇسۋشىلەردىڭ قاتارىندا قالا جاستارىنىڭ ۇلەسى ارتا تۇسۋدە. ءبىر قاراعاندا، بۇل جايتقا قۋانۋ كەرەك سياقتىمىز. بىراق ولاي ەتە المايمىز. ونىڭ ءۇش سەبەبى بار.

بيىل ءبىلىم گرانتى كوبىرەك بولىنەتىن ماماندىقتاردىڭ قاتارىندا اۋىلشارۋاشىلىق عىلىمدارى دا بار. وسى سالا بويىنشا جوعارى ءبىلىم الامىن دەۋشىلەرگە مەملەكەت 1 600 گرانت ۇسىنىپ وتىر.
ونىڭ ىشىندە اگرونومياعا - 540, اگروينجەنەرياعا - 258, سۋ رەسۋرستارى جانە سۋدى قولدانۋعا - 158, زووتەحنياعا - 130, توپىراقتانۋ جانە اگروحيمياعا - 130, بالىق شارۋاشىلىعىنا - 120, ورمان شارۋاشىلىعى ىسىنە - 100, اڭشىلىق تانۋ جانە اڭ شارۋاشىلىعىنا - 40, جەمىس-كوكونىس شارۋاشىلىعىنا - 30, مەليوراتسيا، جەردى باپتاۋ جانە قورعاۋ ماماندىعىنا دا 30 گرانت ءتيىپتى. قوش! ەندىگى ماسەلە وسى ءبىلىم گرانتىنىڭ قانشاسى اۋىل جاستارىنا بۇيىراتىندىعىندا بولىپ تۇر.
س.سەيفۋللين اتىنداعى قازاق اگروتەحنيكالىق ۋنيۆەرسيتەتى باسشىلىعىنىڭ مالىمەتتەرىنە سۇيەنسەك، سوڭعى جىلدارى اگرارلىق ماماندىقتار بويىنشا وقۋعا تۇسۋشىلەردىڭ قاتارىندا قالا جاستارىنىڭ ۇلەسى ارتا تۇسۋدە. ءبىر قاراعاندا، بۇل جايتقا قۋانۋ كەرەك سياقتىمىز. بىراق ولاي ەتە المايمىز. ونىڭ ءۇش سەبەبى بار.
بىرىنشىدەن، «ءبىلىم بەرۋ گرانتىن بەرۋ ەرەجەسىنە» سايكەس تالاپكەر قۇجاتتاردى تاپسىرۋ كەزىندە بىردەن ءتورت ماماندىقتى تاڭداي الادى. ول كونكۋرس بويىنشا تاڭداعان 4 ماماندىعىنىڭ بىرىنەن وتە الماسا، ەكىنشىسىنە، نە ۇشىنشىسىنە، بولماسا تورتىنشىسىنە ءتۇسىپ كەتۋى مۇمكىن. ول ءۇشىن تەست تاپسىرعان كەزدەگى تاڭداۋ ءپانىڭىز سايكەس كەلسە بولعانى. قالا جاستارى «تيسە تەرەككە، تيمەسە بۇتاققا» دەگەندەي جولمەن تاڭداي سالعان «ەكىنشى»، «ءۇشىنشى» جانە «ءتورتىنشى» ماماندىقتار اۋىل جاستارى تاڭداعان نەگىزگى ماماندىق بولىپ شىعادى. ال قالالىقتاردىڭ ءبىلىم دەڭگەيى اۋىلدىقتارمەن سالىستىرعاندا ءبىرشاما جوعارى بولاتىندىعى بەلگىلى. وسىلايشا، اۋىلداعى قۇرداستارىنىڭ الدىن وراعان قالا جاستارى ءبىلىم گرانتىن «قاعىپ» كەتۋدە.
ەكىنشىدەن، دارىگەر نەمەسە ەكولوگ (ماسەلەن) بولعىسى كەلىپ، بىراق كونكۋرس باسەكەسىنەن وتپەي قالعاندىقتان امالسىزدان اۋىلشارۋاشىلىق ماماندىعىندا وقىپ جۇرگەن قالالىقتاردىڭ كوپشىلىگى وقۋىن بەل ورتاسىنان تاستاپ كەتەدى نەمەسە بىتىرگەن سوڭ تاعى ءبىر ماماندىققا قايتا وقيدى. (بۇل تۋرالى ءبىز گازەتىمىزدىڭ №22 سانىندا («ديپلوم كادەگە جاراماي تۇر») ايتقان بولاتىنبىز. ءبىزدىڭ ساۋالىمىزعا جاۋاپ بەرگەن س.سەيفۋللين اتىنداعى قازاتۋ-دىڭ بيىلعى تۇلەگى - ايدوس: «اگرونوم بولىپ جۇمىس ىستەمەيمىن. باسىندا ۇبت-دان جيناعان ۇپايىممەن تەك وسى ماماندىققا ءتۇسۋ مۇمكىن بولعاننان كەيىن عانا، بوس جۇرگەنشە دەپ وقي سالعانمىن. ديپلومىمدى العان سوڭ باسقا ماماندىققا تاپسىرامىن»، - دەگەن بولاتىن. ياعني، بۇل - جوعارى ءبىلىمدى مامان دايىنداۋعا بولىنگەن مەملەكەت قارجىسىنىڭ قايتارىمى جوق دەگەن ءسوز. ال سول كەزدە اگرارلىق سەكتوردا ماماندار جەتىسپەي جاتادى.
ۇشىنشىدەن، اۋىلشارۋاشىلىق ماماندىقتارىنا بولىنگەن گرانتتى تەك اۋىل جاستارىنا بەرگەن تيىمدىرەك سەكىلدى. ويتكەنى، «اسفالتتا تۋىپ، اسفالتتا وسكەن بالا» الگى اگرارلىق ماماندىقتار بويىنشا جوعارى ءبىلىم الىپ، ديپلومىن قولىنا ۇستاعانىمەن، اۋىلعا بارا قويۋى ەكىتالاي. بارعان كۇننىڭ وزىندە كوپ تۇراقتامايتىنىن كورىپ ءجۇرمىز. سول سەبەپتى اۋىل تەك ءوزىنىڭ «ءتول بالالارىنا» عانا ارقا سۇيەي الادى. ولاي بولسا، اۋىلدىڭ الەۋمەتتىك-ەكونوميكالىق دامۋىنا ەڭ قاجەتتى ماماندىقتارعا بەرىلگەن ءبىلىم گرانتىن نەگە تەك اۋىل جاستارىنا ۇلەستىرمەسكە؟..
سوندىقتان ءبىلىم جانە عىلىم مينيسترلىگى مەملەكەتتىك ءبىلىم گرانتتارىن ۇيلەستىرۋ كەزىندەگى كونكۋرستا وسى ماسەلەگە ءمان بەرسە ەكەن دەگەن وي بىزدىكى. قالا جاستارى وزدەرى ءبارىبىر كادەگە اسىرمايتىن اۋىلداعى قۇربى-قۇرداستارىنىڭ «ەنشىسىنە» «قول سالماي-اق» قويسىن دا... ونسىز دا، گرانتتاردىڭ جالپى سانىنىڭ 70 پايىزى جالپى كونكۋرس تارتىبىمەن بەرىلسە، قالعان 30 پايىز عانا اۋىل جاستارىنا ارنالىپ وتىرعان جوق پا؟

كلارا ناقىپ

«نۇر استانا» گازەتى 2 شىلدە 2009 جىل