بەيسەنبى, 28 ناۋرىز 2024
5245 2 پىكىر 31 ناۋرىز, 2021 ساعات 12:07

ولىسپەي بەرىسپەگەن باردانوۆ

30 ناۋرىز كۇنى رەسەيدىڭ ءىىم مەن فقق وكىلدەرى ماسكەۋ ماڭىنداعى ۆەشكي ەلدى مەكەنىندە ارنايى وپەراتسيا وتكىزدى. وپەراتسيا كۇشتىك قۇرىلىمدار ويلاعانداي تەز ىسكە اسپادى. زاڭسىز قارۋ ساتتى دەپ كۇدىككە ىلىنگەن 61 جاستاعى ۆلاديمير باردانوۆ بەرىلۋدەن باس تارتىپ، ارنايى جاساققا وق جاۋدىردى. كۇدىكتىنى ۇستاۋ وپەراتسياسى ون ساعاتتان استام ۋاقىتقا سوزىلدى.

ۆلاديمير باردانوۆتىڭ بىرنەشە ءىرى قۇرىلىس كومپانياسى مەن الىپ ساتۋمەن اينالىساتىن دۇكەندەرى بولعان. الايدا ول ءوزىنىڭ بايلىعىن زاڭسىز قارۋ ساتۋمەن تاپقان دەگەن اقپارات بار. باردانوۆتىڭ مەملەكەتتىك سالىق ورگاندارىنا 148 مىڭ رۋبل قارىزى بولعان.

ارنايى جاساق وكىلدەرى ۆلاديمير باردانوۆتىڭ ۇيىنە كەلىپ، ونىڭ جۇبايىنا تەكسەرۋ تۋرالى ارنايى جارلىقتى كورسەتكەن. سول ساتتە باردانوۆ اۆتوماتتان وق جاۋدىرىپ، گراناتا لاقتىرعان. ۇيگە بەكىنىپ، بەرىلۋدەن باس تارتقان. ون ساعاتقا جۋىق اتىس جۇرگىزىپ، ۇيگە كىرەتىن بارلىق جولداردى جاۋىپ تاستاعان. اتىس بارىسىندا ءۇي وتقا وراندى. باردانوۆ سوعان قاراماستان اتىستى جالعاستىرعان. الايدا كوپ ۇزاماي ورتەنگەن ءۇيدىڭ اراسىنان ونىڭ دەنەسى تابىلدى.

باردانوۆ اتىس بارىسىندا ارنايى جاساقتىڭ ءبىر وكىلىن جارالاپ ۇلگەرگەن.

Abai.kz

 

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3505