جۇما, 29 ناۋرىز 2024
تالقى 5474 8 پىكىر 5 ءساۋىر, 2021 ساعات 16:05

اقورداداعى جاڭا لاۋازىم. ارنايى وكىل نە ىستەيدى؟

قازاقستاننىڭ پرەزيدەنت اكىمشىلىگىندە جاڭا قىزمەت پايدا بولدى. ول – قر پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى.

پرەزيدەنت  توقاەۆ «قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى تۋرالى» جارلىققا قول قويدى.

سونىمەن، اقورداداعى جاڭا لاۋازىم يەسىنە قانداي مىندەتتەر جۇكتەلەدى؟ قر پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى تۋرالى ەرەجەدە بىلاي دەپ جازىلعان ەكەن:

1. قر پرەزيدەنتiنiڭ حالىقارالىق ىنتىماقتاستىق جونىندەگى ارناۋلى وكىلى (بۇدان ءارى – ارناۋلى وكىل) مەملەكەتتىك ساياسي قىزمەتشi بولىپ تابىلادى.

2. ارناۋلى وكىلدى قر پرەزيدەنتiنىڭ اكiمشiلiگi باسشىسىنىڭ ۇسىنۋىمەن قر پرەزيدەنتi قىزمەتكە تاعايىندايدى جانە قىزمەتتەن بوساتادى.

3. ارناۋلى وكىل قر پرەزيدەنتiنە ەسەپ بەرەدi.

ارناۋلى وكىلدىڭ مىندەتتەرى:

1) ساياسي، ەكونوميكالىق، گۋمانيتارلىق جانە ەكولوگيالىق سالالاردا حالىقارالىق بايلانىستاردى جولعا قويۋ،

2) قر سىرتقى ساياساتىنىڭ نەگىزگى باعىتتارىن جانە قر پرەزيدەنتiنىڭ باستامالارىن ىلگەرىلەتۋدى قامتاماسىز ەتۋ،

3) ارناۋلى وكىل ءوز قىزمەتىن جۇزەگە اسىرۋ كەزىندە قر ۇكىمەتىمەن جانە باسقا دا مەملەكەتتىك ورگاندارمەن جانە ۇيىمدارمەن قر سىرتقى ساياساتى ماسەلەلەرى بويىنشا ءوزارا ءىس-قيمىل جاسايدى،

4) قر پرەزيدەنتiنە سىرتقى ساياسات پەن حالىقارالىق ىنتىماقتاستىقتى دامىتۋ، قر پرەزيدەنتiنiڭ حالىقارالىق باستامالارىن iسكە اسىرۋ جونىندە ۇسىنىستار ەنگىزەدى،

5) ءوزىنىڭ قۇزىرەتى شەگىندە شەت ەلدەردىڭ ساياسي جانە قوعام قايراتكەرلەرىمەن، ىسكەر توپتارىنىڭ جانە حالىقارالىق ۇيىمداردىڭ وكىلدەرىمەن كەلىسسوزدەردى ۇيىمداستىرادى جانە وتكىزەدى، ساۋدا-ەكونوميكالىق، ينۆەستيتسيالىق، تەحنولوگيالىق جانە باسقا دا سالالاردا باسىم جوبالاردى ىلگەرىلەتۋگە قاتىسادى،

6) قر سىرتقى ساياساتى تۇجىرىمداماسىنىڭ جوباسىن دايىنداۋعا جانە ونى كەيىننەن ىسكە اسىرۋعا قاتىسادى،

7) قر سىرتقى ساياساتى بولىگىندە مەملەكەت باسشىسىنىڭ قازاقستان حالقىنا جىل سايىنعى جولداۋىنىڭ جوباسىن دايىنداۋعا قاتىسادى،

8) الەمدىك دامۋ پروتسەستەرىن، سونداي-اق حالىقارالىق قاتىناستاردىڭ وزەكتى پروبلەمالارىن مونيتورينگتەۋدى، تالداۋدى جانە بولجاۋدى جۇزەگە اسىرادى جانە قر پرەزيدەنتiنە ونىڭ سىرتقى ساياسي وكىلەتتىكتەرىن ىسكە اسىرۋ جونىندە ۇسىنىمدار تۇجىرىمدايدى،

9) پرەزيدەنت اكiمشiلiگiنىڭ باسشىسى ورىنباسارىنىڭ ۇيلەستىرۋىمەن قر پرەزيدەنتiنiڭ شەت ەلدەردىڭ مەملەكەتتىك ورگاندارىمەن جانە ولاردىڭ لاۋازىمدى ادامدارىمەن، شەتەلدىك ساياسي جانە قوعام قايراتكەرلەرىمەن، حالىقارالىق جانە شەتەلدىك ۇيىمدارمەن ءوزارا ءىس-قيمىلىن قامتاماسىز ەتۋگە جاردەمدەسەدى،

7) قر پرەزيدەنتiنiڭ شەت ەلدىك ساپارلارىنىڭ جانە شەت مەملەكەتتەر باسشىلارىنىڭ قر ساپارلارىنىڭ، حالىقارالىق ۇيىمداردىڭ، قارجى ينستيتۋتتارى مەن كومپانيالاردىڭ باسشىلارىمەن كەزدەسۋلەردىڭ مازمۇندىق بولىگىن دايىنداۋعا جاردەمدەسەدى،

8) شەتەلدىك ينۆەستيتسيالاردى، وزىق تاجىريبە مەن تەحنولوگيالاردى تارتۋعا، وتاندىق ونىمدەردىڭ الەمدىك نارىقتارعا ەكسپورتىن ىلگەرىلەتۋگە جاردەمدەسەدى،

9) قر سىرتقى ساياساتىنىڭ نەگىزگى باعىتتارىن جانە قر پرەزيدەنتiنىڭ باستامالارىن ىلگەرىلەتۋ ماقساتىندا حالىقارالىق ساراپشىلاردىڭ پۋلىن قالىپتاستىردى جانە ونىمەن ءوزارا ءىس-قيمىل جاسايدى،

10) قر پرەزيدەنتiنىڭ ساياسي جانە الەۋمەتتىك-ەكونوميكالىق سالالارداعى رەفورمالارىن شەت ەلدەردە تانىمال ەتەدى جانە تۇسىندىرەدى، قاجەت بولعان جاعدايدا قر پرەزيدەنتى جانىنداعى كەڭەسشى جانە كونسۋلتاتيۆتىك ورگانداردىڭ جۇمىسىنا قاتىسادى،

11) قر پرەزيدەنتىنىڭ شەشىمى بويىنشا سىرتقى ساياسات پەن حالىقارالىق ىنتىماقتاستىقتىڭ ءارتۇرلى وزەكتى باعىتتارى بويىنشا ارناۋلى ميسسيالاردى جۇزەگە اسىرادى،

12) پرەزيدەنت اكiمشiلiگiنىڭ باسشىسى ورىنباسارىنىڭ ۇيلەستىرۋىمەن قر پرەزيدەنتiنىڭ زاڭ شىعارۋ باستاماسى تارتىبىمەن قر پارلامەنتىنە ەنگىزۋ ءۇشىن سىرتقى ساياسات سالاسىنداعى زاڭ جوبالارىن دايىنداۋعا قاتىسادى،

13) قازاقستان پرەزيدەنتiنىڭ تاپسىرمالارىن ورىندايدى.

ارناۋلى وكىلدىڭ قىزمەتىن قامتاماسىز ەتۋ مەن قارجىلاندىرۋدى قازاقستان رەسپۋبليكاسى پرەزيدەنتىنىڭ اكىمشىلىگى جۇزەگە اسىرادى.

تولىعىراق: اقوردا سايتى.

سونىمەن، قازاقستاننىڭ سىرتقى ساياساتتاعى ارناۋلى وكىلى – قازاقستانىنڭ حالىقارالىق ارەناداعى ەكونوميكالىق ءھام ساياسي مۇددەسى بويىنشا ارىپتەستىكتى ارتتىرۋمەن اينالىساتىن بولادى.

بۇگىن عانا قۇرىلعان جاڭا لاۋازىمعا – قازاقستاننىڭ اقش-تاعى ەلشىسى ەرجان قازىحانوۆ تاعايىندالىپتى. اقوردا سايتىندا پرەزيدەنت توقاەۆتىڭ جارلىعى جاريالاندى.

وندا: «ەرجان حوزەۇلى قازىحانوۆ قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى لاۋازىمىنا تاعايىندالسىن، ول قازاقستان رەسپۋبليكاسىنىڭ امەريكا قۇراما شتاتتارىنداعى توتەنشە جانە وكىلەتتى ەلشىسى لاۋازىمىنان بوساتىلسىن»، - دەپ جازىلعان.

ەرجان قازىحانوۆ بۇعان دەيىن قازاقستاننىڭ اقش-تاعى ەلشىلىگىن باسقارىپ كەلگەن. ول قازاقستاننىڭ بۇۇ جانىنداعى تۇراقتى وكىلى بولعان. بىرنەشە مەملەكەتتە توتەنشە جانە وكىلەتىت ەلشى قىزمەتتەرىن اتقاردى. قازاقستاننىڭ سىرتقى ىستەر مينيسترلىگىن دە باسقاردى.

ءبىلىمى:

لەنينگراد مەملەكەتتىك ۋنيۆەرسيتەتىنىڭ شىعىستانۋ فاكۋلتەتىن، كسرو سىرتقى ىستەر مينيسترلىگىنىڭ ديپلوماتيالىق اكادەمياسىن، ءۇندىستان حالىقارالىق قاتىناستار ينستيتۋتىن تامامداعان. I-ءشى دارەجەلى توتەنشە جانە وكىلەتتى ەلشىسى دەگەن دارەجەسى تاعى بار. قازاق، ورىس، اعىلشىن جانە اراب تىلدەرىن مەڭگەرگەن.

بۇگىن پرەزيدەنت توقاەۆ ەرجان قازىحانوۆتىڭ ورنىنا قازاقستاننىڭ اقش-تاعى ەلشىسى قىزمەتىنە ەرجان اشىقباەۆتى تاعايىندادى.

ءتۇيىن. بىزدە سىرتقى ىستەر مينيسترلىگى بار. ودان بولەك، بىرنەشە ەلدە ەلشىلەرىمىز دە بار. ولار قازاقستاننىڭ ەكونوميكالىق، ساياسي مۇددەسىن قورعاپ، العا جىلجىتۋدا. سوندا ارنايى وكىل نە ءۇشىن كەرەك بولدى ەكەن؟

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606