بەيسەنبى, 28 ناۋرىز 2024
بيلىك 4606 3 پىكىر 6 ءساۋىر, 2021 ساعات 19:11

ايدا بالاەۆانىڭ تۇركياعا جۇمىس ساپارى ءوتتى

مينيستر ا.بالاەۆانىڭ جۇمىس ساپارى بارىسىندا تۇركيا پرەزيدەنتى اكىمشىلىگىنىڭ قوعاممەن بايلانىس جونىندەگى باسقارماسىنىڭ باسشىسى فاحرەتتين التۋنمەن، جاستار جانە سپورت ءمينيسترى مەحمەت كاساپوعلۋمەن جانە ءدىن ىستەرى باسقارماسىنىڭ توراعاسى الي ەرباشپەن كەزدەسۋلەرى ناتيجەلى ءوتتى. ءىس-شارالار بارىسىندا مينيسترلىكتىڭ جەتەكشىلىك ەتەتىن سالالارى بويىنشا ىنتىماقتاستىقتى دامىتۋدىڭ وزەكتى ماسەلەلەرى جان-جاقتى تالقىلاندى.

پراكتيكالىق سالالارداعى ارىپتەستىكتى جانداندىرۋ پەرسپەكتيۆالارىنا، ونىڭ ىشىندە اقپارات، ءدىن سالالارىنىڭ ماماندارىن دايارلاۋ، ۆولونتەرلىك قىزمەتتى دامىتۋداعى تاجىريبە جانە ءوزارا وزىق ۇلگىلەرمەن الماسۋدى جۇزەگە اسىرۋ بويىنشا بىرقاتار ماسەلەلەرگە ەرەكشە نازار اۋدارىلدى.

تۇركيانىڭ جاستار ءىسى جانە سپورت ءمينيسترى م.كاساپوگلۋمەن كەزدەسۋ بارىسىندا قازاقستاننىڭ اقپارات جانە قوعامدىق دامۋ مينيسترلىگى مەن تۇركيا رەسپۋبليكاسىنىڭ جاستار ءىسى جانە سپورت مينيسترلىگى اراسىندا جاستار ساياساتى سالاسىنداعى ءوزارا تۇسىنىستىك تۋرالى مەموراندۋم جاساسۋ قاجەتتىلىگى تۋرالى ۋاعدالاستىققا قول جەتكىزىلدى. ىنتىماقتاستىق بويىنشا ۆولونتەرلىك قىزمەتتەگى تاجىريبە الماسۋ كوزدەلەدى.

ايدا بالاەۆا 2021 جىلعى 31 ناۋرىزدا وتكەن تۇركى كەڭەسىنىڭ بەيرەسمي سامميتىندە مەملەكەت باسشىلارىنىڭ سوVID-19 پاندەمياسىنىڭ تارالۋىنا جول بەرمەۋ ءۇشىن بىرىگۋ جانە ارىپتەستىك ورناتۋ قاجەتتىگى تۋرالى ايتقانىن ەسكە سالدى. سونداي-اق ول ەكى ەلدىڭ جاستار كوشباسشىلارى اراسىنداعى قارىم-قاتىناستى جانداندىرۋ الاڭى سانالاتىن – تۇركى كەڭەسىنىڭ IV جاستار فەستيۆالىنىڭ بيىل قازاقستاندا وتەتىنىن اتاپ ءوتتى.

تۇركيا رەسپۋبليكاسى ءدىن ىستەرى باسقارماسىنىڭ توراعاسى الي ەرباشپەن كەزدەسۋدە مينيستر ا.بالاەۆا تۇركيا ۋنيۆەرسيتەتتەرىندە قازاقستان مۇسىلماندارى ءدىني باسقارماسىنىڭ جىبەرۋىمەن قازاقستاندىق تەولوگتاردى دايارلاۋداعى ىنتىماقتاستىقتى ودان ءارى تەرەڭدەتۋ مەن نىعايتۋعا مۇددەلىلىك ءبىلدىردى.

جۇمىس ساپارى بارىسىندا اسىرەسە تۇركيانىڭ تەلەديدار نارىعىنىڭ جەتەكشىلەرىمەن وتكىزگەن كەزدەسۋلەرگە ەرەكشە ءمان بەرىلدى. اتاپ ايتقاندا، "TRT" مەملەكەتتىك تەلە-راديوكومپانياسىنىڭ باسشىسى يبراحيم ەرەنمەن، تۇركيانىڭ "Anadolu" اقپاراتتىق اگەنتتىگىنىڭ باسشىلىعىمەن جانە ستامبۋلداعى تەلەسەريالدار ءتۇسىرۋ الاڭىنىڭ ديرەكتورى ياحەي تايپ ايدەنيزمەن كەزدەسۋلەر ءوتتى. مينيسترلىك بىرلەسكەن كونتەنت قۇرۋ، ونىڭ ىشىندە ورتاق تۇركى مادەنيەتى مەن تاريحىن تانىمال ەتۋ ماسەلەلەرى بويىنشا تەلەۆيزيالىق ونىمدەردىڭ تۇرىك وندىرۋشىلەرىمەن ىنتىماقتاستىعىنىڭ كولەمى مەن ساپاسىن ارتتىرۋعا دايىن.

ايتا كەتەۋ كەرەك، "Qazaqstan" رترك مەن تۇركيانىڭ "TRT" مەملەكەتتىك تەلە-راديوكومپانياسى اراسىندا "قورقىت اتا" بىرلەسكەن تەلەۆيزيالىق جوباسىن قۇرۋ تۋرالى كەلىسسوزدەردى باستاۋ تۋرالى كەلىسىمگە قول جەتكىزىلدى. سونداي-اق، تۇرىك تاراپى تۇسىرگەن قوجا احمەت ياسساۋي تۋرالى تەلەحيكايانىڭ كورسەتىلىمى قازاقستان كورەرمەندەرىنە دە تاياۋ ارادا كورسەتىلەتىنى بەلگىلى بولدى.

تەلەۆيزيالىق مامانداردىڭ تاجىريبە الماسۋى اياسىندا ايدا بالاەۆا تۇركيانىڭ جەتەكشى ماماندارىن قازاقستاندىق ارىپتەستەرىن وقىتۋعا جانە ۇيرەتۋگە شاقىردى. ول بۇل باعىتتاعى جۇمىستى پاندەميا كەزىندەگى ەپيدەميولوگيالىق جاعداي تۇراقتالعاننان كەيىن وفلاين-فورماتتا ۇيىمداستىرۋعا بولاتىندىعىن اتاپ ءوتتى. مينيستر تۇركيانىڭ مەديا سالاسى مەن شىعارماشىلىق توپتارىنىڭ وكىلدەرىن وسى جىلى ىسكە قوسىلعان "Turkistan" تەلەارناسىنىڭ جوبالارىنا قاتىسۋعا شاقىردى.

مينيستر ايدا بالاەۆا تۇركيا پرەزيدەنتى اكىمشىلىگىنىڭ قوعاممەن بايلانىس جونىندەگى باس باسقارماسىنىڭ باسشىسى فاحرەتتين التۋنعا شاقىرتۋ ءۇشىن العىس ايتىپ، ونى قر "اقپارات سالاسىنىڭ ۇزدىگى" توسبەلگىسىمەن ماراپاتتادى. ول قازاقستان مەن تۇركيانى ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆ ەرەكشە نازار اۋدارىپ وتىرعان دوستىق قارىم-قاتىناستار بايلانىستىراتىنىن اتاپ ءوتتى.

قر اقدم باسشىسى ءوزى باسقاراتىن ۆەدومستۆونىڭ جەتەكشىلىك ەتەتىن سالالارى بويىنشا ارىپتەستىكتى ودان ءارى دامىتۋعا دايىندىعىن جەتكىزدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2252
عيبىرات

قايسار رۋحتى عازيز جان

مۇحتار قۇل-مۇحاممەد 3505