اقش بيلىگى رەسەيگە قارسى جاڭا سانكتسيالار سالىپ، رەسەي ديپلوماتتارىن ەلدەن شىعارۋدى جوسپارلاپ وتىر. بۇل تۋرالى Bloomberg اگەنتتىگى حابارلادى. 

اق ءۇي رەسەيدىڭ اقش-قا قاتىستى بارلىق قىلمىستارىن تەكسەرۋدى اياقتاعان. ونىڭ ىشىندە ەلدىڭ ىشكى ساياساتىنا ارالاسۋ، سايلاۋ ناتيجەلەرىن بۇرمالاۋعا تىرىسۋ، SolarWindsكە قارسى حاكەرلىك شابۋىلدار جانە باسقا. ۆاشينگتون بۇل ارەكەتتەرگە سانكتسيامەن جاۋاپ قاتىپ، تىڭشىلىق جاسادى دەگەن كۇدىكپەن ديپلوماتتاردى ەلدەن شىعارۋى مۇمكىن.

سانكتسيالار ەلدىڭ ەكونوميكالىق سەكتورىمەن قاتار ءپۋتيننىڭ جاقىندارىنا دا سالىنۋى مۇمكىن دەيدى اگەنتتىك. وتكەن اپتادا اقش رەسەيدىڭ ۋكرايناعا قاتىستى ارەكەتىنە سانكتسيا سالۋدى ۇسىنعان بولاتىن.

Abai.kz