جۇما, 29 ناۋرىز 2024
3330 0 پىكىر 8 ءساۋىر, 2021 ساعات 17:51

رامازان ايىندا قۇران حاتىم راسىمدەرى قاشىقتان وقىلادى

رامازان ايىندا قۇران حاتىم راسىمدەرى قاشىقتان وقىلادى. بۇل تۋرالى قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعانۇلى ايتتى. 

«قازاقستان مۇسىلماندارى ءدىني باسقارماسى رامازان ايىندا ايتىلاتىن ۋاعىز-ناسيحات، سۇراق-جاۋاپ جۇمىستارىن ونلاين رەجيمدە جۇرگىزۋدى جالعاستىرادى. قۇران حاتىم جاساۋ راسىمدەرى دە قاشىقتان وقىلادى. ءبىز رامازاندا ءبىر اي بويى جالعاساتىن ءدىني دارىستەردىڭ، قاسيەتتى قادىر كەشىنىڭ، ۇلىق مەيرام - ورازا ايتتىڭ ونلاين باعدارلاماسىن دايىنداپ قويدىق. ينتەرنەت جەلىسى ارقىلى سۇراققا جاۋاپ الىپ، ونلاين ناسيحات تىڭداپ، ۇيدەن شىقپاي ساۋاپتى امالدارعا ورتاقتاسۋعا بولادى. ءبىز قازىرگى جاعدايدى ەسكەرىپ، وتكەن جىلى جۇزەگە اسىرعان جوبامىز بويىنشا ءپىتىر ساداقاسى مەن زەكەتتى ونلاين رەجيمدە بەرۋدىڭ وڭتايلى جولىن تاعى ۇسىنىپ وتىرمىز»، - دەدى باس ءمۇفتي ورتالىق كوممۋنيكاتسيالار قىزمەتىندەگى بريفينگ بارىسىندا.

قازاقستان مۇسىلماندارى ءدىني باسقارماسىنىڭ توراعاسى ەل ازاماتتارىن پاندەميا كەزىندە بارىنشا ساقتانىپ جۇرۋگە، ادام كوپ شوعىرلانعان ورىندارعا بارماۋعا، اۋىز بەكىتكەن جاعدايدا دۇرىس تاماقتانۋعا، مۇمكىندىگىنشە جۇمىس كەستەسىن ىڭعايلاپ، دەنساۋلىقتى كۇتۋگە ۇندەدى.

«قاسيەتتى ايدا قايىرىمدىلىق جاساپ، ساۋاپ الۋدى نيەت ەتكەن جاندارعا ايتارىم: اۋىزاشار قوراپتارىن ەرىكتىلەر نەمەسە مەشىت قىزمەتكەرلەرى ارقىلى كومەككە مۇقتاج ازاماتتارعا جەتكىزۋگە بولادى. ءدىني باسقارما رامازان ايىندا سانيتارلىق تالاپتاردى ساقتاي وتىرىپ، قايىرىمدىلىق ءىس-شارالارىن جوسپارلى تۇردە جۇزەگە اسىرادى. بارشاڭىزدى يگى ىسكە ۇلەس قوسۋعا شاقىرامىن»، - دەدى ناۋرىزباي قاجى تاعانۇلى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590