جۋىردا قر ەڭبەك جانە الەۋمەتتىك قورعاۋ مينيسترلىگى 2021 جىلدىڭ 1 ساۋىرىندەگى جاعداي بويىنشا 3966 ادام قانداس مارتەبەسىن العانى تۋرالى اقپارات تاراتتى، - دەپ حابارلايدى bugin.kz.

جالپى، تاۋەلسىزدىك العان 30 جىل ىشىندە قازاقستانعا كەلگەن قانداستار سانى 1 ميليوننان اسادى ەكەن.

الايدا، سوڭعى ۋاقىتتا كۆوتا كولەمى تىم ازايىپ كەتكەن. بۇل ماسەلەنى پارلامەنتتە «اقجول» پارتياسىنىڭ دەپۋتاتتارى كوتەرگەن بولاتىن.

«اقجولدىقتاردىڭ» اقپاراتىنشا، 1993-2021 جىلدار ارالىعىنداعى بولىنگەن كۆوتا كەستەسىنە قاراساق، ادام سانى 100 ەسەدەي ازايىپ كەتكەن. ماسەلەن، 1993 جىلى ەلىمىزگە 60 مىڭداي (10 مىڭ وتباسى), 2009 جىلى 100 مىڭنان اسا وتانداسىمىز كوشىپ كەلگەن. الايدا، تاۋەلسىزدىكتىڭ 30 جىلدىعىندا قانداستارعا 1426 ادامعا عانا كۆوتا ءبولىنىپتى. ءتىپتى، 2012-2017 جىلدار اراسىندا ولاردىڭ وتانعا كەلۋىنە ءبىر دە ءبىر كۆوتا بولىنبەگەن؟!

قازاقستانداعى دەموگرافيالىق ماسەلە قاشان دا كۇن تارتىبىنەن تۇسپەي كەلەدى. الايدا، بۇل ماسەلەگە وڭ ىقپال ەتۋدىڭ تاعى ءبىر ءادىسى شەتتەگى قانداستارىمىزدىڭ تاريحي وتانىنا ورالۋىنا جاعداي جاساۋ ەكەنى ءسوزسىز. «وتانداستار» قورىنىڭ مالىمەتىنشە، 7 ميلليون قازاق شەتتە ءجۇر ەكەن. بۇل حالقىمىزدىڭ جارتىسىنا جۋىعى. ەندەشە، سول قانداستارىمىز جەرگىلىكتى جەرگە ءسىڭىپ، اسسيميلياتسياعا ۇشىراماسىن دەسەك، قازاق بيلىگى قالعىماۋى ءتيىس.

Abai.kz