26 ءساۋىر كۇنى ەلىمىزدە وتاندىق QazVac ۆاكتسيناسىن ەگۋ شارالارى باستالدى. ءبىرىنشى بولىپ وتاندىق ۆاكتسينانى تىكەلەي ەفيردە دەنساۋلىق ساقتاۋ ءمينيسترى الەكسەي تسوي قابىلدادى. 

ۆاكتسينانى العاننان كەيىن مينيستر 30 مينۋت دارىگەرلەردىڭ باقىلاۋىندا بولدى. مينيستر ۆاكتسينادان كەيىن ءوزىن جاقسى سەزىنەتىنىن ايتتى. ەكىنشى دوزانى مينيستر 16 مامىر كۇنى الاتىن بولدى.

"ۆاكتسينانى العاننان كەيىن ەكپە العان جەرگە سۋ تيگىزبەۋ كەرەك. ۆاكتسينا قابىلداعان سوڭ ءبىر ساعاتتان كەيىن ىستىق تۇسىرەتىن ءدارى قابىلداعان ءجون. ءۇش كۇن بويى ادامدا جەڭىل تۇماۋ فورماتىندا اۋىرسىنۋ بايقالۋى مۇمكىن. سونداي-اق ىشىمدىك ىشۋگە بولمايدى", - دەدى مەدبيكە.

وتاندىق ۆاكتسينانىڭ العاشقى 50 مىڭ دوزاسى ەلىمىزدىڭ بارلىق ايماقتارىنا جىبەرىلدى.

Abai.kz