30 ساۋىرگە قاراعان ءتۇنى ەكى ولكەنىڭ رەسمي وكىلدەرى كەزدەسىپ، ناتيجەسىندە بىرلەسكەن قۇجاتقا قول قويدى. بۇل تۋرالى باتكەن وبلىسىنىڭ اكىمى ومۇربەك سۋۆاناليەۆ مالىمدەدى.

ەكى تاراپ قول قويعان قۇجاتتا تاجىكستاننىڭ ۇلتتىق قاۋىپسىزدىك كوميتەتىنىڭ باسشىسى سايمۋمين ياتيموۆ پەن قىرعىز ۇكىمەتىنىڭ باتكەن وبلىسىنداعى وكىلى ومۇربەك سۋۆاناليەۆ قول قويدى.

قۇجاتتا ەكى تاراپ جانجالدى رەتتەۋ ءۇشىن ارنايى كوميسسيا قۇرۋ، بىرلەسكەن جۇمىس جۇرگىزۋ توبىن قۇرۋ جايى ايتىلعان.

تۇندە لايلەك اۋدانىنىڭ اركا، جاشتىك، ماكسات جانە ەسكي ووچۋ اۋىلدارىندا وق اتىلعانى توقتاپ، بىراق تۇرعىن ۇيلەر ورتەنىپ جاتقانىن تۇرعىندار حابارلادى.

بۇل اۋىلداردى 29 ءساۋىردىڭ كەشىندە تاجىكستاننىڭ اسكەرلەرى قارۋ قولدانىپ، تۇرعىندار كورشى اۋىلدارعا قاشىپ كەتكەن. وبلىستىق ميليتسيانىڭ ءباسپاسوز حاتشىسى داميرا يۋسۋپوۆا لايلەك اۋدانىندا ميليتسيا كۇشەيتىلگەن تارتىپتە جۇمىس ىستەپ جاتقانىن، تۇرعىن ۇيلەر ورتەنىپ جاتقانىن راستادى.

29 ساۋىردە تاجىكستاننىڭ سوعدى وبلىسىمەن شەكتەلگەن قىرعىز اۋىلدارىنىڭ 2000-3000-دەي تۇرعىنى ۋاقىتشا ءۇي-جايىن تاستاپ، لايلەك اۋدانىنداعى يسفانا قالاسىنا، كاتراڭ، وزگورۇش، كورگون، تايلان اۋىلدارىنا ەۆاكۋاتسيالاندى. تۇرعىندار ۋاقىتشا اۋىلدارداعى مەكتەپتەرگە جايعاستىرىلعان.

28 ساۋىردە قىرعىزستان مەن تاجىكستان شەكاراسى ماڭىنداعى اك-سۋ دارياسىنداعى (“گولوۆنوي”) باستوعان ماڭىندا ەكى ەل تۇرعىندارى قاقتىعىسىپ قالعان.

رەسمي مالىمەت بويىنشا، قىرعىزستاننىڭ ءۇش ازاماتى قايتىس بولىپ، جارالانعاندار سانى 84-كە جەتكەن.

تاجىكستاننىڭ شەكارا مەكەمەسى توعىز ادامنىڭ جاراقات العانىن حابارلادى.

قىرعىزستان مەن تاجىكستاننىڭ سىرتقى ىستەر مينيسترلەرى 29 ساۋىردە كەشكى ساعات سەگىزدە ەكى تاراپ تەڭ وق اتۋدى توقتاتىپ، شەكاراداعى اسكەري كۇشتەردى كەرى قايتارۋعا كەلىسكەنىن حابارلاعان.

Abai.kz