2024 جىلى ەلىمىزدە پرەزيدەنتتىك سايلاۋ بولادى. قازاقستاندا ءۇشىنشى تۇلعا پرەزيدەنتتىك تىزگىندى ۇستاۋى مۇمكىن. 2024 جىلى پرەزيدەنتتىك سايلاۋ اقش پەن رەسەيدە دە وتەدى. اقش سىندى الەمدىك دەرجاۆا مەن رەسەي سىندى اۋماقتىق دەرجاۆانىڭ بيلىگىن كىمدەر ۇستايتىنى دا قىزىق. ولدا ءبىزدىڭ سايلاۋىمىزعا تىكەلەي اسەر ەتەتىن فاكتوردىڭ ءبىرى. 

پرەزيدەنت سايلاۋى ءبىز ءۇشىن قىزىقتى ءارى تارتىستى وتەتىنى انىق. وعان بىرنەشە فاكتور اسەر ەتەدى. بىرىنشىدەن، پاندەميا سالدارىن جويۋ ءۇش جىلدىڭ ىشىندە مۇمكىن ەمەس، دەمەك پرەزيدەنتتىك تارتىس ەكونوميكالىق داعدارىس ۋاقىتىنا تاپ كەلەدى. ەكىنشىدەن، ەلباسىنىڭ ساياسي ارەناداعى سالماعى ءدال سول ساتتە قانداي بولاتىنىنا دا بايلانىستى. سەبەبى پرەزيدەنت توقاەۆ باسقارىپ وتىرعان قازىرگى كەزەڭدە، سىرتقى ساياسي تاۋەكەلدەرگە ەلباسىنىڭ كەپىلدىگى بارىن جوققا شىعارۋعا بولمايدى. ۇشىنشىدەن، ەكونوميكالىق داعدارىس ساياسي ارەناعا جاڭا كۇشتەردى شىعارۋدا. دەمەك الداعى ءۇش جىلدا ساياسي باسەكەلەستىككە قاتىسقىسى كەلەتىن جاڭا تۇلعالار بولۋى مۇمكىن.

ءۇش جىل ىشىندە ۇلكەن وزگەرىستەر بولۋى مۇمكىن. سەبەبى قازىرگى جاعدايدى بيلىك ءترانزيتىنىڭ تولىق كورىنىسى دەي المايمىز. ول شىندىق. بۇل بيلىك ءترانزيتىنىڭ تەك يلليۋستراتسياسى عانا. الداعى سايلاۋدا ەكى عانا ستسەناري بولۋى مۇمكىن. ءبىرىنشىسى، توقاەۆ ەكىنشى مەرزىمگە سايلانىپ، ءوز رەفورمالارىن ارى قاراي جالعايتىن بولادى. بۇل ەلباسىنىڭ ساياسي ارەنادا قالۋ ياكي قالماۋىمەن تىكەلەي بايلانىستى بولماق. ەكىنشىسى، جاڭا تۇلعا ساياسي بيلىكتى قولىنا الىپ، شىنايى ترانزيت باستالادى. ول ساتتە تالاي مەملەكەتتىك باعدارلامالار توقتاتىلىپ، جاڭا رەفورمالار جاسالۋى مۇمكىن. ۋاقىت كورسەتەدى. باستىسى ء"ۇشىنشى پرەزيدەنت كىم بولادى" دەگەن سۇراقتا.

كا مىرزا

Abai.kz